Oblíbené biblické verše z लुका 3

Sdílet

सेब्‍बाइ मान्‍छेल्‍किन बप्‍तिस्‍मा लिधर्‌तिन येसुन पुनि बप्‍तिस्‍मा लिले। येसुन पार्‌थना गरिधर्‌तिन स्‍वर्‌ग उघ्‍रिल्‍ते र पबित्‍र आत्‍मा ढुकुरकर रुपनाइ येसु उप्‍रान झरिके आइले अनि स्‍वर्‌गबान इन्‍खा आवाज आल्‍ते, “तुइ मोर प्‍यारो बेटाक हो, तुइसिन मुइ धेरइ खुसि आछु।”

युहन्‍नान होलत सेब्‍बाल्‍काइ बल्‌-ल्‍याक, “मुइ ता तोराल्‍काइ पानिकर बप्‍तिस्‍मा दिस्‍या। तर एउटो मुइभन्‍दा सक्‍तिसालि आइतिन आछ। मुइ ता होक्‍र जुत्‍ताकर तुना फुकाइनार लायककर पुनि बइने। होइनिन तोराल्‍काइ पबित्‍र आत्‍मा र आगिन बप्‍तिस्‍मा दिनारआछ। हेरो, होइनिन अन्‍न निफन्‍नार सुपा हातनाइ लिइसक्‍लाछ।

तोराल्‍किन साँच्‍चि आ-आफ्‍ने पापलाइ छाडिके फर्‌किलाइ हो भने होइ अन्‍सार हिन्‍नार गरो। अनि ‘हाइ अब्‍राहामकर सन्‍तान हो र परमेसोरकर दन्‍डबान उम्‍किछे’ बाजिके तोरा जुन्‍सम्‍जो। मुइ तोराल्‍काइ बल्‍छु, परमेसोरिन अब्‍राहामकर लागि सन्‍तानलत ह्‍य पाथरबान पुनि बानाइ सक्‍छइ।

गाछकर फेन्‍राकनाइ कुलारि परिसक्‍लाछि। मजार फल बइफलाइनार सेब्‍बे गाछलाइ ढल्‍काइके आगिनाइ फ्‍याक्‍नारआछ।”

इत्‍तिके यसइया अगमबक्‍तान धर्‌मसास्‍तरनाइ लेख्‍ल ह्‍य कुरोलत पुरा हकइ आल्‍ते, “केइ बइहक्‍नार उजाड ठउँनाइ एउटोन बड्‌खो सोरिन इत्‍तिके बाज्‍तिन आछ, ‘परमपर्‌भु आइनार मुलबाट तयार पारो, ह्‍व हिन्‍नार बाटलत सोज्‍याओ! सेब्‍बे खोल्सा-खोल्सि पुरइपर्‌छइ, डाँरा-काँरा र पाहाडलत सम्‍याइपर्‌छइ, घुमाउरो बाट सोजो र अप्‍ठ्‍यारो बाट सजिलो बानाइपर्‌छइ। अनि सेब्‍बाइ मान्‍छेल्‍किन परमेसोरिन पाठाइल मुक्‍ति देख्‍नारआछत।’”