Oblíbené biblické verše z मर्कुस 14

Sdílet

ओहिं यन्हिं बाज्लक्, “हे अब्बा, पिता, तोरा आगारि सेब्‌थोक् सम्भब रहेला। यि आइलाहार दुक्खक् अनुभब कर्बा बुन् पोरुस्। तर मोरा इच्‍छा बोइनें कि तोरे इच्‍छा पुरा भेउस्।”

तोहोलेक पापै फसाबाक् परिछ्‌याइ जुन् पोरुस् बाजिहिन् जग्वार भेहिन् पाराथ्ना करह। आत्मा ता साँच्‍चिय तियार रहेर्ला, तर देहि कमजोर रहेर्ला।”

साँच्‍चिय मुँइ तोहोराखर्ह्‌वालाइ बोल्मेहेंर्ला, सेब्‌भ्‍रोउ सन्सारभोरि जछि-जछि यि खुसिक् खभर पर्चार भेला, ओछि-ओछि यि अइमाय कर्ल उ कामक् चर्चा करिहिने ओक्‍राक् सम्झना करिजायक्ला।”

तसौ येसुइ चेलालकलाइ यन्हिं बोल्‍लाहा, “मोरा मन दुक्खित भेइबानाइ मोर्बाक् सनक् परौ भेल रहैस्। तोहोराखर्ह्‌वा यछि जग्वार भेहिन् बसह।”

उखर्ह्‌वाइ खाइतिहि कर्लटाकै येसुइ पिठा लेलक्, आउँ परमेस्वरलाइ धन्यबाट देलक्। तसौ पिठा टुक्‍रा पारिहिन् चेलालकलाइ यन्हिं बाजिहिन् देलाहा, “लेहो, यि मोरा देहि हो।”

ओक्‍राक्‌पाछु येसुइ कचौरा लेइबानाइ परमेस्वरलाइ धन्यबाट देनेसौ चेलालकलाइ देलाहा, आउँ उखर्ह्‌वा जम्माहिं उहे कचौराक्‌भटे पिलुहुन्। आउँ येसुइ उखर्ह्‌वालाइ यन्हिं बोल्‍लाहा, “यि परमेस्वरक्‌सङ्‌हिं कर्ल लौओ करारक् पक्‍का कर्बाक् लागि कर्ल मोरा रकट हो, यि थुप्‍रोय मानुसलकक् पाप धोबाक् लागि बागाइजायला।

तसौ येसुइ चेलालकलाइ यन्हिं बोल्‍लाहा, “तोहोलेक जम्माहिं मोरानि छारिहिन् पाराहोला, किसाबुने धर्मसास्ट्‌रै यरङ् लेख्ल रहेला, ‘मुँइ चह्‌र्वालकलाइ मार्मिखान्ला, आउँ भेंरालक् तितर-बितर भेहिन् पाराट्‍थ्ला।’

तोहोलेक उठ्‌ह, आउँ जाहुँक्! दिठाहो, मोरालाइ धोखा देहिन् पक्‍रालाहार मानुस लज्जिकिहिमा आहिन् सक्ल रहैस्।”

तसौ येसुइ पत्‌रुसलाइ यन्हिं बोल्‍लोकुन्, “साँच्‍चिय मुँइ तोरानि बोल्मेर्ला, आजु राति दुइरावा भाल्या डक्‍रबाक्‌भन्दा आगारि तुँइ मोरानि चिन्भाय नाँचिन्हम् बाजिहिन् तिन बाजिसम्म इन्कार करस्ला।”