Oblíbené biblické verše z Nau Ntơm 15

Sdílet

Y-Abram chroh ma Brah Yêhôva, rĭ dĭng Kôranh Brah kơp păng jêng bunuyh sŏng srăng.

Jêh lĕ nau nây, nau ngơi Brah Yêhôva tât ma Y-Abram bơh nau tâm saơ: “Hơi Abram, lơi klach ôh! Gâp jêng khêl ma may; nau nkhôm may mra toyh ngăn.”

Păng leo Y-Abram luh padih jêh ri lah: “N'gơr hom măt uănh klơ trôk jêh ri tơlah may dơi kơp lĕ mănh, kơp hom.” Jêh nây Păng lah tay ma Y-Abram: “Noi deh may mra tâm ban kơt nây đŏng.”

Brah Yêhôva lah ma Y-Abram: “Nây mâu di jêng bunuyh ndơn drăp may ôh, ƀiălah bunuyh luh bơh ndŭl proch may nơm ri mơ jêng bunuyh ndơn drăp may.”

Brah Yêhôva lah ma Y-Abram: “Ăn may gĭt n'hêl nanê̆ pô aơ noi deh may mra jêng bunuyh bu năch tâm n'gor bu êng, mra jêng dĭk ma phung ƀon tơm, jêh ri phung nây mra tŭn jot khân păng tâm puăn rhiăng năm.

Ƀiălah Y-Abram ơh: “Hơi Kôranh Brah jêng Brah Yêhôva, moh ndơ May mra ăn ma gâp? Gâp mâu geh ôh oh kon, jêh ri bunuyh ndơn drăp gâp jêng Y-Êliêser, bunuyh Damas.”

Tâm nar nây, Brah Yêhôva ƀư nau tâm rnglăp đah Y-Abram pô aơ: “Gâp ăn noi deh may bri aơ, ntơm bơh dak krong Êjipt tât ta dak krong toyh ri, jêng dak krong Ơphrat

Tât rô̆ tal puăn, phung kon sau may mra plơ̆ sĭt ta aơ, yorlah nau djơh mhĭk phung Amôrit ê hŏ nă rĭng.”