Oblíbené biblické verše z Matie 18

Sdílet

"Naa-, "sɔ "ne ta kɛ 'neɛ 'tɔ "me 'wli "zo-, 'e -ko -moa 'ce 'glɛme.»

Sɛne 'ye 'e bhulɛle lɛ 'anye nɛɛ: Dodo ne "ku, "sɔ "ne ta kɛ "ku -kole "ne 'wa kɛ -bɛɛ' -zlɛ, -ame To -ɔ -ko "nɔgɔ "me -wɛ yua 'ce kɔ 'je.

"Ne Zezu yi -lɔ yu bhueyi la-, "ne 'ɔ yu -lɔ -zejilɛ "me 'nyegbea-. 'Ɔ nɛɛ: «Gbɛklɛklɛ 'ye 'e bhulɛle lɛ 'anye, 'a "mɔ kɔ 'bheliɔ- "ne 'a "mɔ yua ne 'nasɛ -ko ne, 'a -ka -kɛ Lagɔ 'na 'Kamalezikpɛ "me bhɔlɔ-.

'Nyɔkpɔ 'na -ɔ 'kwlialea 'ɔyi "ku "ne -ɔ "zo- sɛgbɛɛ yu ne, 'ɔɔ -noɔ -lɔ Lagɔ 'na 'Kamalezikpɛ "me 'na "yitɔ yɔ.

'Nyɔkpɔ 'na -ɔ 'sa- yu 'tee 'neɛ 'tɔ "me sɛgbɛɛ yu ne, -ame, 'nabhɛ 'ye 'ɔ 'sa- -lɔ 'tee.

Gbɛklɛklɛ 'ye 'e bhulɛle -lɔ 'anye. -Ye 'a -gbɛte klekle dodo ne "ku yi 'ce "nɔgɔ "me 'gbɛteɔ- klekle. -Ye 'a -vulu dodo ne "ku yi 'ce "nɔgɔ "me vuluɔ-.

"Ne Zezu yi -da -lɔ nunɛ 'wli -sɛ -gbɔ nɛɛ: «Soɔ -ame To -ɔ -ko "nɔgɔ "me -wɛ "kɛ -lɔ 'anye "sa, 'a "mɔ 'aluyu 'na "nyɛnye 'yi 'tale- 'dlewɔtɛ "me.»

-Ɔ kɛ yua 'glɛme 'na -ɔ -kɛ -ame 'dleku Lagɔ keyi -gla ne, 'ɛ -ŋwɔ "ku -gbɔ 'wa glɔ 'tiyi -zabhuɛ blo "me -se 'wa "kɔ 'wli mla- jinyɛ "me.

-See 'a glole bhɔ welicibhɛ ne 'dle 'a? 'Nyɔkpɔ -bholo -kɛ -lɔ doɔ wlia 'na glo 'umgbu. "Ne 'wanɛɛ 'glɛme 'na -bholo yi -lɔ bhli, "ɛ 'nyɔkpɔ -wɛ -tle doɔ wlia 'na glo -mɔɔnɔ yɛ kogbɔ fɛɛnɔ "ɛ tlo -wɛ "me, "ne 'ɔ yi -lɔ "ɛ -ɔ -bhli -wɛ 'siɛ tɛle- -ka me.