Oblíbené biblické verše z YUHANI 6

Sdílet

Sa ile Insa awaambia: «Wami ɗe lidipe la uhayati. Mutru anijiliao, katsoona ndza dahari yahe, na uwo aniaminio, katsoona nyora ata idahari.

Roho ɗe iv̄ao uhayati, umwili kaushindri ata trongo. Marongozi yao namuambiani, yao roho na uhayati.

Musudzishahilise na shahula muola, ɓadi namudzishahilise na shahula iv̄ao uhayati mukamilifu wa daima, shahula ilio amba uMwana wa Mwanadamu|Mwana wa Mwanadamu atsomuv̄aniyo, mana ɗe waye Ɓaɓa, yaãni Mungu, amukadza umuhuri wahe.»

Mana mav̄endzeleo ya Ɓaɓangu ɗe uka amba mutru yotsi aonao uMwana, amuaminio, akane uhayati mukamilifu wa daima; na wami nitsomuregeza hayi isuku ya mwiso.»

Insa awadjiɓu: «Urumishi wa Mungu, ɗe wanyu uamini uwo amuv̄eleha.»

Piya wao Ɓaɓa aniv̄aowo, watsonijilia, na wami tsitsotoa v̄ondze uwo anijiliao.

Simoni Monye amudjiɓu: «Raɓi, ha mbani ɗe ritsendrao? Una yamarongozi ya uhayati mukamilifu wa daima.

Wami ɗe lidipe lilio hayi lashuka ulawa pev̄oni. Neka mutru asuɗya lidipe lini, atsoẽshi dahari. Na lidipe nitsoliv̄ao, ɗe umwili wangu nitsouv̄ao, pare lidunia likane uhayati.»

Kav̄usi ata mutru ashindrao anijiliye neka tsi amba Ɓaɓangu, Uwo aniv̄eleha, tsi ɗe amuv̄inga. Na wami nitsomuregeza hayi isuku ya mwiso.

Mana lidipe la Mungu ɗe uwo ashukao ha ulawa pev̄oni, av̄e uhayati ulemengu.»

Wami ɗe lidipe la uhayati.

Sa ile Insa arenge madipe yale, ahimidia, amwesa av̄awo watru waka waketsi v̄ale. Afanya ɗe wiyo na zifi, na kula mutru av̄olwa kiasi yahe akotsaha. Ata wakati wakura, aambia maswihaɓa yahe: «Namurundre magudru yaɓaki, pare v̄usulatsihe ata shitru.»

Ɓaanda wavura kasi mukaɓala wa ziv̄imo shirini na tsano ata upara thalathini jauleni, wamuono Insa iv̄o akwendra ha ugaɗa iɓahari na ukuruɓia lidjahazi; ɓas waremwa na faza. Ɓadi Insa awaambia: «Unu ɗe wami, musuriye!»