Oblíbené biblické verše z ମାତ୍ତିଉ 7

Sdílet

ଆସିପେ, ଏନାରେ ଆପେକେ ଏମୋଗା; ଦାଣାଏପେ, ଏନାରେ ଆପେ ନାମେୟାପେ, ଟୋଃ-ଟୋଃ ଏପେ, ଏନାରେ ଆପେୟାଃ ଲାଗିନ୍ ଦୁହାର୍ ନିଜୋଗା।

ଚିୟାଃଚି ଅକଏ ଆସିୟାଏ, ଇନିଃ ନାମେୟାଏ, ହାର୍ ଅକଏ ଦାଣାୟାଏ, ଇନିଃ ଦାଣା-ନାମେୟାଏ। ହାର୍ ଅକଏ ଟୋଃ-ଟୋଃ ୟାଏ ଇନିଜାଃ ଲାଗିନ୍ ଦୁହାର୍ ନିଜୋଗା।

ଏନାଲାଗିନ୍ ଅକଏ ଇଙ୍ଗ୍ଆଃ ନେ ବାକାଣ୍ କୋକେ ଆୟୁମ୍‍କେତେ ଏନାକେ ମାନାତିଙ୍ଗ୍ ତାନାଏ, ଇନିଃ ଏନ୍ ସେଣାନ୍ ହୋଡ଼ ଲେକା ବାଇୟୋଃ ୱାଏ ଅକନିଃ ଆଜାଃ ଅଡ଼୍ଆଃ ସେରେଙ୍ଗ୍ ଚେତାନ୍ ରେ ବାଇକେଦାଏ।

ନେୟାମେନ୍ତେ ଅକନାଃ ଆପେ ସାନାଙ୍ଗ୍ ତାନାପେ, ଚି ହୋଡ଼ୋକୋ ଆପେୟାଃ ଲୋଃ ରିକା ୟାକୋ, ଆପେ ହ ଇନ୍‍କୁ ଲୋଃ ଏନ୍‍ଲେକାଗି ରିକାଏପେ; ଚିୟାଃଚି ମୁଶା ନାବୀ ରାଃ ଆଇନ୍ ହାର୍ ପାର୍ମେଶ୍ଵାର୍ ରାଃ ନାବୀ କୋୱାଃ ଶିଖାଅ ନେୟାଗି ତାନାଃ।

ମେନ୍ଦୋ ଏନ୍ ଦୁହାର୍ ସାକୁର୍ ମେନାଃ ହାର୍ ଏନ୍ ହୋରା କାଠିନ୍ ମେନାଃ ଅକନାଃ ଜାନାଓ-ଜୀଦାନ୍ ତେ ସେଟେର୍ ତାନାଏ, ହାର୍ ହୁଡିଙ୍ଗ୍ ଗି ହୋଡ଼ୋକୋ ମେନାକୋୱା ଅକନ୍ କୋ ଏନା କେ ନାମେତାନାକୋ।

ପାର୍ମେଶ୍ଵାର୍ ରାଃ ରାଇଜ୍ ରେ ସାକୁର୍ ଦୁହାର୍ ତେ ଭାଇର୍ ବୋଲୋ ଧାଡ଼ିୟାପେ। ଚିୟାଃଚି ଏନ୍ ଦୁହାର୍ ଚାକାର୍ ମେନାଃ ହାର୍ ଏନ୍ ହୋରା ସାହାଜ୍ ଗିଆ ଅକନାଃ ବିନାଶ୍ ତେ ସେଟେର୍ ୟାଏ, ହାର୍ ମିଃଥିମ୍ବା ହୋଡ଼ୋକୋ ମେନାକୋୱା ଏନାରେ ବୋଲୋତାନାକୋ।

ଏନାତେ ଚିମ୍ତାଙ୍ଗ୍ ଆପେ ଖାରାପ୍ ହୋବା କେତେ, ଆପେୟାଃ ହୋନ୍‍କୋକେ ବେଶ୍ ଜିନିଷ୍‍କୋ ଏମୋଃ ପେ ସାରିୟା, ଦୋ ଆପେୟାଃ ସିର୍ମାଦିଶୁମ୍ ରେନ୍ ଆପୁ ଆଜାଃ ଆସିତାନ୍ କୋକେ ବେଶ୍ ଜିନିଷ୍‍କୋ ଚିନାଃ ମେନେଃ କାଏ ଏମାକୋୱା।

ଏଟାଃକୋୱାଃ ଆଲୋପେ ବିଚାର୍ ଏୟା, ଏଣ୍ଡେ ଆପେ ହଗି କାପେ ବିଚାର୍ ଅଗା। ଚିୟାଃଚି ଜେଲେକା ଆପେ ଏଟାଃକୋୱାଃ ବିଚାର୍ ୟାପେ, ଏନ୍‍ଲେକାଗି ପାର୍ମେଶ୍ଵାର୍ ହଗି ଆପେକେ ବିଚାର୍ ପେୟାଏ; ହାର୍ ଅକନ୍ ନାପ୍ ତେ ଆପେ ସୋଙ୍ଗେୟା, ଏନ୍ ନାପ୍ ତେଗି ଆପେୟାଃ ଲାଗିନ୍ ସୋଙ୍ଗୋଗା।

ମେନ୍ଦୋ ଅକଏ ଇଙ୍ଗ୍ଆଃ ନେ କାଜିକୋକେ ଆୟୁମ୍ ତାନାଏ ହାର୍ ଏନା ରେ କାଏ ସେସେନ୍ ତାନାଏ, ଇନିଃ ଏନ୍ ଡୋଣ୍ଡୋ ହୋଡ଼ ଲେକା ବାଇୟୋଃ ୱାଏ ଅକନିଃ ଆଜାଃ ଅଡ଼୍ଆଃ ଗିତିଲ୍ ଚେତାନ୍ ରେ ବାଇକେଦାଏ।

ଆମ୍ ଚିନାଃ ମେନେଃ ଆମାଃ ହାଗାମାଃ ହୁଡିଙ୍ଗ୍ ଭୁଲ୍ କେ ନେଲ୍‍ତାନାମ୍ ଅକନାଃ ମେଏଃ ରେ ବୋଲୋକାନ୍ ସାହାନ୍ ଗୁଣ୍ଡା ଲେକା ତାନାଃ, ହାର୍ ଆମ୍‍କେ ଗି ଆମାଃ ଗି ମାରାଙ୍ଗ୍ ଭୁଲ୍ କେ କା ଲୁରୋଃ ତାନାଃ, ଅକନାଃ ମେଏଃ ରେ ବୋଲୋକାନ୍ ସାହାନ୍ ପାଟା ଲେକା ତାନାଃ? ଯାବ୍ ଚି ଆମାଃ ଭିତାର୍ ରେ ଗି ମାରାଙ୍ଗ୍ ଭୁଲ୍‍କୋ ମେଏଃ ରେ ବୋଲୋକାନ୍ ସାହାନ୍ ପାଟା ଲେକା ମେନାଃ ଦୋ ଆମ୍ ଆମାଃ ହାଗା କେ କାକାଜି ଚାହି ଚି, ଦେଲା ଇଙ୍ଗ୍ ଆମାଃ ମେଏଃ ରେ ବୋଲୋକାନ୍ ସାହାନ୍ ଗୁଣ୍ଡା କେ ଅଡୋଙ୍ଗ୍ ତାଃଇଙ୍ଗ୍?

ହିହିଡ଼୍ ନାବୀ କୋଏତେ ହୋସିଆର୍ ତାଇନ୍‍ପେ, ଇନ୍‍କୁ ମିଣ୍ଡୀ କୋୱାଃ ରୂପ୍ ରେ ଆପେୟାଃ ତାଃ ହିଜୁଃ ୱାକୋ, ମେନ୍ଦୋ ଭିତାର୍ ରେ ଇନ୍‍କୁ ଚାଗାଡ଼୍ ଜୋମ୍‍ତାନ୍ ହୁଣ୍ଡାର୍ ତାନାକୋ। ଇନ୍‍କୁୱାଃ କାମି କୋଏତେ ଗି ଆପେ ଇନ୍‍କୁକେ ନେଲ୍ଉରୁମ୍ ଧାଡ଼ିୟାପେ। ଚିନାଃ ହୋଡ଼ୋକୋ ଜାନୁମ୍ ବୁଟା ଏତେ ଆଙ୍ଗୁର୍, ହାର୍ ଚିନାଃ ଜାନୁମ୍‍ ଦାରୁ ଏତେ ଲୋୱା ଗୋଦେୟାକୋ?

ନେଲେକାଗି ସବେନ୍ ବେଶ୍ ଦାରୁ ତେ ବେଶ୍ ଯଅ ଯଅଃୱା ହାର୍ ଖାରାପ୍ ଦାରୁ ତେ ଖାରାପ୍ ଯଅ ଯଅଃୱା।

ବୁଗିନ୍ ଦାରୁ ରେ ଖାରାପ୍ ଯଅ କାଯଅଃୱା, ହାର୍ ନାଦୋ ଖାରାପ୍ ଦାରୁ ରେ ବେଶ୍ ଯଅ ଯଅଃୱା।

ଅକନ୍-ଅକନ୍ ଦାରୁ ବେଶ୍ ଯଅ କାଯଅଃୱା, ଏନା ମାଗୋଃୱା ହାର୍ ସେଙ୍ଗେଲ୍ ରେ ଦୋଡ଼ିଙ୍ଗ୍‍ୱାଃ। ଏନ୍‍ଲେକା ଗି ହିହିଡ଼୍ ନାବୀ କୋ ନାରାକ୍ ରାଃ ସେଙ୍ଗେଲ୍ ରେ ଦୋଡ଼ିଙ୍ଗ୍‍ଅଗାକୋ।