Oblíbené biblické verše z मत्ती 19

Sdílet

ईसू हर ओमन कती देखीस अऊ कहीस, “मईनसे मन ले तो एहर नई होए सके, बकिन परमेस्वर ले सब कुछ होए सकथे।”

तेकर ले ओमन अब दुई नहीं बकिन एक देंह हवें। एकरे ले जेमन ला परमेस्वर हर एक संग जोड़ीसे, ओके ला मईनसे हर अलगे झईन करे।”

ईसू हर जबाब देहीस, “का तुमन परमेस्वर कर बचन ला नई पढ़े हवा कि संसार कर रचोईया हर ओमन ला सुरूच ले, नर अऊ नारी कएर के बनाईस हवे। तेकर ओहर कहीस, ‘एकर चलते मईनसे हर अपन दाई-दाऊ ला छोंएड़ के अपन घरदारिन जग मेराए जाही अऊ ओमन दुनों झन एक देंह कस होए जाहीं।’

बकिन ईसू हर कहीस, “लईका मन ला मोर जग आए देआ अऊ ओमन ला झईन रोका, काबरकि सरग कर राएज हर अईसनेच मन बर हवे।”

बकिन ढेरेच झन, जेमन अपन आप ला अझेर महान समझथें, ओमन सरग कर राएज में छोटे होए जाहीं अऊ ढेरेच झन, जेमन अझेर अपन आप ला छोटे समझथें, ओमन सरग राएज में महान होए जाहीं।”

अऊ जे कोनो हर मोर बरीक अपन घर-दुवार आखिर भाई-बहिन आखिर दाई-दाऊ आखिर लईका-छउआ आखिर खेती बारी ला छोंएड़ देहीसे, ओहर सौ गुना पाही अऊ ओहर अमर जिनगी कर हकदार होही।

ईसू हर ओके कहीस “अगर तंए सिद्ध बने बर चाहत हस, त जा अपन धन ला बेंच दे अऊ ओला गरीब मन में बांएट दे, अऊ तोके सरग में धन मिलही। तेकर आओ अऊ मोर पाछू होए ले।”

ईसू हर ओके कहीस, “तंए मोर जग भलाई कर बारे में काबर पूछथस? सिरीप एकेच झन भला हवे। अगर तंए अमर जिनगी में जाए बर चाहथस, त अगींया मन ला पालन कर।”

मंए तुमन ला फेरेच कहथों, एगोट ऊंट ला सूजी कर बेधा में ढूके बर कठिन हवे, ओकरो ले ढेरेच कठिन हवे, धनी मन ला परमेस्वर कर राएज में जाए बर।”

मंए तुमन ला कहथों कि कोनो मईनसे हर अपन घरदारिन ला छिनारी करे कर कारन छोएड़ सकत हे। बकिन कोनो दूसर कारन ले अपन परानी ला छोंएड़ के आने सवांगीन ठे बिहाओ करथे, त ओहूच हर छिनारी करथे।”

तब ईसू हर अपन चेला मन ला कहीस, “मंए तुमन ला फूरोंच कहथों, धनी मन ला सरग कर राएज में जाए बर ढेरेच कठिन हवे।