Oblíbené biblické verše z KEJADIN 17

Sdílet

Sanga umur Abram 99 tahun, icidahken TUHAN baNa man Abram, janah nina, “Aku kap Dibata si Mada Kuasa. Erkemalangenlah man bangKu, janah bahanlah lalap rikutken ateKu ngena.

Gelarndu lanai Abram tapi Abraham, sabap Kubahan kam jadi nini melala bangsa.

Aku tetap nginget padanKu man bandu ras man kerina kesusurenndu ersundut-sundut janah perpadanen e tetap rasa lalap. Aku jadi Dibatandu ras jadi Dibata sinursurndu.

“Kupadanken bandu: maka kam jadi nini nterem bangsa-bangsa.

Nina Dibata, “Lang! Ndeharandu Sara nge pagi mupus anak dilaki, janah ibanndulah gelarna Isak. Aku tetap nginget perpadanenKu ras kam bage pe ras sinursurna seh rasa lalap.

Kubereken man bandu ras man sinursurndu taneh enda, aminna genduari jadi kalak pertandang gia kam i je. Kerina taneh Kanaan jadi sikerajangen sinursurndu rasa lalap, janah aku jadi Dibatana.”

Abraham nembah janah ayona seh ku taneh, tapi tawa ia sanga ia rukur, “Banci kin kalak si umurna enggo 100 tahun dat anak denga? Banci kin Sara mupus denga adi umurna enggo 90 tahun?”

Nina Dibata man Abraham, “Olanai Sarai ban gelar ndeharandu tapi menaken genduari Sara gelarna.

Mulai genduari nari, la banci lang isunatkenndu kerina anak dilaki si umurna enggo waluh wari, subuk anak budak si tubuh i bas rumahndu, bage pe anak budak si itukurndu i bas kalak si deban nari. Sunat e me tandana maka lit perpadanenKu ras kam.

Tapi perpadanenKu Kubahan ras Isak, anak si ipupus Sara i bas tahun si reh, bagi paksa si genduari ka.”

Mulai genduari nari, la banci lang isunatkenndu kerina anak dilaki si umurna enggo waluh wari, subuk anak budak si tubuh i bas rumahndu, bage pe anak budak si itukurndu i bas kalak si deban nari. Sunat e me tandana maka lit perpadanenKu ras kam. Tep-tep kalak arus isunatken, janah enda me tanda si teridah i bas kulandu si encidahken maka perpadanenKu ras kam tetap rasa lalap.