Oblíbené biblické verše z Matta 24

Sdílet

A̱mi a̱ka̱tuk u na̱ nin trak, hat ndya ba̱nyet ba̱gingang i kwu i cat ba̱yaan. Ma a̱yin nu a̱ sseng a̱ si tat a a̱ngbom u ni, nu a̱mi a̱ ni kaat.

Ba si ma̱ ni tyyei Ka̱sham Ba̱ryat tazwa Dityok Ka̱za kani koke i ka̱sa ka, ku yet shaida di ba̱nyet ka̱sa ba sa̱rei, a̱ngbom u a̱ si ba.”

Yi ni pfong nkhang bu a̱gugong nzwang ba̱gingang. Ma yi ryok hok ka̱wun ba. Dolet taka̱i nkyang iya i ba, ma nna ni tyyei a̱ngbom ka̱ram u ba.

Na̱byen a̱ ni kwan bu na̱yaan, a̱tityok ba̱ a̱tityok a̱ ya yrek. Zong ni kpa, ka̱byen a̱ nwa trim koke. Sa̱rei nkyang ani ryi di ka̱son hok dikwu ka a̱ra̱mbyring na̱ na hok ka̱ram byin ni.

Tazwa bu ka̱byen ni tyak, ma ba̱ryat nzuk a̱ byyi tyak ba.”

Rot ba̱yanyet a̱ ni ba i diyrek nzuk a̱ bu hywa da̱ mba a̱mi a̱ yet Kristi nu, a̱ raai ba̱nyet ba̱gingang.

“Wwon ba ni ya pyyem a̱ si wrak ba ya tyyi ka̱bvung a̱ ya hywaai. Ba̱nyet ka̱sa ba a̱ ni ya rak rot yi n tssup. Ka̱ram iya ba̱nyet ba̱gingang a̱ ni wwon tssup a, a̱ pyyem ba̱yaan ma a̱ wwat, a̱ nwa rak ya ryi. Ba̱nyet ba̱gingang a̱ ni bvei diraa i diyrek Ka̱za a̱ si ma̱ ta̱kyem a̱ nwa raai ba̱nyet ba̱gingang.

Yesu a̱ hywa da̱ mba, “Se yi cam ansham, i ryok wwon a̱yin a̱ ya raai ba.

Rot a̱mi se yi ma̱n swat cam kozan ka̱ram, rot Ka̱won A̱neywu a̱ ni ba ka̱ram ka yin cam ryen nka na ni ba.”

Rot a̱mi se yi cam ansham. Rot yi bvwo nom a A̱gwam nyin nu na̱n bai ni ba.

A̱ si bo ya ka̱son a̱ hywa da̱ mba, “A̱yin a̱ bvwo nom a ko ka̱ram ka ba, ko di Ka̱won ka ko ba̱pfong Ka̱za nTazwa. Ba̱ A̱tyyi ba̱diyin nu a̱ bvwo.

Rot ba̱yanyet a̱ ni ba a̱ ya yei Kristi ko ba̱nyet tyyei ba̱ryat Ka̱za i diraa. Ba ni yya nkyang ka̱hat ba̱gingang a̱ tyyei cet mba na a̱ ga raai ba̱nyet ba Ka̱za ka tssa ba yet ba̱nkaa ni, ki ba shya diwat.

Bai Ka̱won A̱neywu na ni ryi di nom Nuhu ni. Ka̱ram iya ba̱shekwot ba ba ka̱n ba ba, ba̱nyet ba ya ka̱sa mba, ba̱ntyok bu ba̱nyring ba yreng, har bu tat nom a Nuhu na̱ nwa ka̱yat jirgi ka ni. Mba di ba bvwo kyang a cong bai ni ba, se ba̱shekwot ba ban ba a̱ bu ba̱ ryang a̱ seyak. A̱mi bai Ka̱won A̱neywu na ku ma̱ nin dyi.