Oblíbené biblické verše z St. Maheu 6

Sdílet

Glasquet enta de guetan pèn, ranteleah Doué hag é madeleah, hag en ol treu‐zé e vou reit t’oh ohpen.

Rac‐cé ne hum néhancet quet eid en entrenoz; rac en entrenoz en hum néhancei aveid ean hé unan. Erhoalh de peb dé é zroug.

Diarben en dra‐zé m’el lare d’oh: Ne hum néhancet guet a zivout en dra e zaibret, hag en dra e ivet, hag a zivout hou cusquemant arh hou horve. Ha ne dé quet er vuhé muioh eid er bouid, hag er horve mui eid en dillad?

Mæs hui pe bedet, quêrhet en hou gambr, ha goudé en dout cherret en ôr pedet hou Tad én cuh: hag hou zad péhani e huél én cuh, e hrei doh hou gôbr dirac en ol.

Rac‐cé hui pédet él‐men: Hun Tad péhani e zou én Nean: hou ç’hanhue revou meûlet. Hou ranteleah digasset‐d’emb; hou ioul revou groeit ar en douar avél én Nean.

Reit‐d’emb hinihue hur bara pamdiêc.

Distolet‐d’emb hun délé, él ma zistolamb ehué d’hun déléourion.

Ne hun lausquet quet de vout feahet guet er goal‐chongeu; mæs hun distaguet ag en droug. Elcé‐re vou groeit.

Rac mar distolet d’en dud hou féhedeu, hou Tad péhani e zou én Nean e zistolou ehué d’oh‐hui hou féhedeu.

Selled en eïnéd en nean: ne hadant, ne æstant, ne cherrant nitra é zulerieu; mæs hou Tad péhani zou én Nean ou mâgue. Ne talvet hui calz muioh eid en eïnèd?

Ne zastumet quet trezolieu ar en douar, rac er mergl hag er prinhuèd e zaibre en treu‐zé, rac el laëron ou dizoar, hag ou hasse guet‐hai; Mæs dastumet trezolieu én Nean, inou er mergl nag er prinhuèd n’ou dismanteint quet, inou el laëron ne doulleint quet ar nehai, n’ou laëreint quet; Rac él léh mei hou trezol, inou é ma ehué hou calon.

Dén e‐bed ne ell chervige deu eutru ar un drô; rac pé cazein e hrei en eil, hag e harei er guilé, pé en hum staguei d’oh en eil, hag e hrei goap ag er guilé. Ne ellet quet chervige Doué ha Mammon.

Mæs, mar Doué e guisq él‐cé ur hiauten, péhani e zou hinihue hag e vou taulet arhoah én tan de losquein, peguement mui a éhuéh en dou ean guet n’oh‐hui, tud scan a fé?

Mæs pe rehét alæzon, groeit ne houyiou quet hou zourn gleye er péh e hra hou zourn déheu. Aveid me vou hou alæzon é cuh: ha hou Dad, péhani e huél én cuh, e zistolou d’oh dirac en ol.

Dihoallet ne rehet hou alæzoneu dirag en dud, aveid bout guélet guet hai; pétremant n’hou pou quet nitra guet hou Tad péhani e zou én Nean.

A pe yunehet, n’e quet ret‐oh hum ziscoein trist, él ma ra en dud lan a gueùïér, péré e zisco un tal dislihuet, eit ma huélou en dud e yunant. M’el lare d’oh, é guirioné, digueméret ou dès ou gôbr. Mæs a pe yunet, sàüét hou pèn, ha golhet hou zrem; Gued eun ne ziscoehet d’en dud e yunet ha n’er gouyou meit hou Tad péhani e zou én Nean; hag hou Tad péhani e huéle er péh e zou en hou galonneu, e hrei hou gôbr t’oh.