Oblíbené biblické verše z मरकुस 9

Sdílet

यीशुए तैसीखै बौल़ौ, “तुऔं कै शक नी हौणा चैंई कै हांव ऐजौ कौरे सौकु! जै कुणिए आदमी मुं पांदी बिशवाश कौरौ तौ तैसी कारिए सौब ठुँ हौए सौकौ।”

भैईया कै बापूए तौलोंई बौल़ौ, “ओए रै प्रभु, हांव बिशवाश कौरु, तू मैरै शक कै दूर कौर।”

जोबै यीशु घोरे ओऊवा, तौ तैसकै चैलै इकली जाऐबा तैसी कैईंदु पूछु, “आमै किथुकै दुष्टआत्मा कै बायरै ना घाड़ी सोकी?” यीशुए तिनुखै बौल़ौ, “ऐशणी दुष्टआत्मा बिना प्रार्थना औरौ उपवास कै लोगौ पौरौशी बायरै ना गाड़ीयौं।”

नूण ऐक जौरुरी चीज़ औसौ, पौरौ जै नुणौ का स्वाद बिगड़ै जांव, तौ तिथु कियों चीज़ौ लैई नुणाटौ कौरलै? तुऔं दै नुणौ कै जैशणै गुण हौणै चैंई, औरौ ऐकी दुजैआरी शान्तै सै रौणौ चैंई।

“जू कुणिए मैरै नांव शै इनु जैशणै नानड़िया मुंजी शै कोसी ऐकी कै अपनांव, सै मुखै अपनांव। औरौ जू कुणिए मुखै अपनांव, सै सौथी कै पौरमेशवर कै अपनांव, जैणै मुखै छाड़ै राए।”

जू कुणिए तुऔं खै ऐक गिलास पाणी इथकारिए पियांव कै तुऐं मसीह कै चैलै औसौ तौ हांव तुऔं खै साचौ बुलू कै पौरमेशवर जौरुर तैसी आदमी का भोला कौरदा।”

जै कुणिए इनु नानड़ै लोगौ मुंजी शै जू मुं पांदी बिशवाश कौरौ, औरौ तैसकै पाप कौराणौ कै बौजैह बौणौ तैसी कारिए आछौ हौल़ौ कै ऐक बौड़ै चाकी का पाथर तैसकै टाटु दा टांगै दैंई औरौ तैसी समुन्द्र दा पाए दैंई, जिथुकै तैसीकै ऐजै बुरै सौजा औसौ। पौरौ पौरमेशवर तैसीखै इदै बै बुरै सौजा दैला।

जै तैरै आख तांव लैई पाप कौरांव तौ तियौं निकाल़ै दै। काणा हौयौ पौरमेशवर कै राज्य दो जाणौ ताखै इदु ठीक औसौ कै दु आखी हौंदै बैई बै नरको दा फेराकाए जांव।