Oblíbené biblické verše z मरकुस 13

Sdílet

औरौ तुऐं मैरै चैलै औसौ इथकारिए सौबै लोग तुऔंआरी बैर कौरलै; औरौ जू आपणै मौरणौ कै सौमय तौड़ी मुं पांदी भोरोशा राखलै पौरमेशवर तिनुखै बौचायौ राखला।”

दैखौ, जागदै औरौ प्रार्थना कौरदै रौव; जिथुकै तुऐं ना जाणौ कै हांव कोलो पाछु आन्दा।

जोबै सै तुऔं कौर्ट-कचेरी दै निलै, तौ आगैई फिकर नी कौरेया कै आमै का बुलू, पौरौ सोही सौमय आणौ पांदी पौरमेशवर जू किछै तुऔं खै बौल़ौ सैजौई कौरेया। जिथुकै पवित्र आत्मा तुऔं खै बोताला कै तुऔं का बौलणौ।

गौयण औरौ धोरती टोल़े जालै, पौरौ मैरी बातौ हमैशा रोन्दी।”

“ऐजी बातौ कियों घोड़ी औरौ कोसी दूसै हौंदी कुणिए ना जाणौ, ना स्‍वर्गदूत औरौ ना पौरमेशवर का बैटा; पौरौ सिरफ स्वर्ग का पिता ही तैसी दूसौ कै जाणौ।

जोबै तुऐं लोड़ाई, औरौ लोड़ाइयों कै चौर्चा शुणल़ै, तौ ना घोबराया; जिथुकै इनु बातौ का हौणा जौरुरी औसौ, पौरौ तैसी सौमय दुनिया का अन्त ना हौंदा।

इथकारिए यीशुए आपणै चैलै खै बौल़ौ, तुऐं ना जाणौ कै घोरो का सयाणा कोलो आला, फिरै या आधै रात खै, या मुरगै कै बांक दैणै कै सौमय या झीशो। ऐशैखै ना हौंव सै एकदम आयौ तुऔं सौबी खै गैहरी निंदो दै सौतेयौंदै पांव। औरौ जू मोऐं तुऔं कैई बौल़ै राए ऐजौई सौबी कैई बुलू: सौदा मैरै आणौ कारिए तैयार रौंव।”

जिथुकै सौबै देश औरौ राज्य ऐकी दूजै कै खिलाफ हौए जांदै औरौ आपी मुंजी लोड़दै। हर कौथी भुईचोल़ हौलै, औरौ काल़ पोड़लै। ऐजी बातौ तौ कठिन सौमय कै शुरुआत ही हौंदै, जैशै बैटमाणिशौ कै सुजणौ की पीड़ो हौंव।

पौरौ जौरुरी औसौ कै दुनिया का अन्त हौणौ दा आगै, मैरै बारै मुंजी सुसमाचार सौबी देशो कै लोगौ दा शुणाया जांव।

बौहितै लोग मैरै औधिकार का दावा कौरदै औरौ बौलदै कै ‘हांव ही मसीहा औसौ,’ औरौ बौहितै लोगौ खै भोरमाऐ दैंदै।

पौरौ तुऐं आपणै बारै दै चौकश रौया, जिथुकै लोग तुऔं कै महासभा दै निलै औरौ तुऔं यहूदी सभा-घोर दै पीटदै, औरौ तुऐं मैरै चैलै औसौ इथकारिए लोग तुऔं खै राज्यपालो औरौ राजाओं कै आगै खौड़ै कौरदै। तोबै तुऐं तिनुखै मैरा सुसमाचार शुणाए सौकौ।

जिथुकै झूठै मसीह औरौ झूठै पौरमेशवर की बातौ बोताणौवाल़ै आन्दै, औरौ निशान औरौ अनौखै काम देखालै, औरौ हौए सौकौ तौ जिनु लोगौ खै पौरमेशवरे चोणे राए तिनु बै भोरमाए दैलै।

“दुखो का सौमय बितणौ कै बाद, सुरज औरौ चांद पेयाशो ना दैंदै। औरौ गौयणै पौरैशै तारै उदे छुटदै। औरौ गौयणी की शौकतीशाली चीज़ौ आपणै ठाँव पौरैशी हिंजाल़ी जान्दी।