1
Matiuse 6:33
Janji beluke
Hoko imi koti Alla Ipletae imi hidupe kai imi lulu hnauna nkenale bei Allare. Hoko yelu maketaru lekwe Alla Iriluke pusulu ete imi.
Porovnat
Zkoumat Matiuse 6:33
2
Matiuse 6:34
Bei mere hoko kaplalemi le sasaisa rebe bobanure imi supure yake, le petu bobanure erisi susate ruae. Petu meije esi susate panuhu peneka, hoko tapa susate rebe bobanure kena petu meije yanoma.”
Zkoumat Matiuse 6:34
3
Matiuse 6:25
Bei mere hoko Au beteke ete imi leke kaplalemi le imi hidupe yake; kaplalemi le saisa kena kanele kai kinure yake. Kai kaplalemi le nanakwalamie yake; kaplalemi le saisa kena pakele yake. Le yelu pentine ete hidupe mere batuke manane kai pakiane mo.
Zkoumat Matiuse 6:25
4
Matiuse 6:6
Sepo imi kotie loko Alla hoko imi kusu me sokati eleki kobue meture kai kotie loko imi Ama rebe sae iseluI more. Hoko imi Ama Iselu imi kotie lokoI akbunike, Iriluke hadia ete imi.
Zkoumat Matiuse 6:6
5
Matiuse 6:9-10
Hoko suke imi kotie ele meije, ‘Amiki Amate ndete surga, Amu nane mise titinai le dosa sae mo. Ami kotie pusue tamata esi holmate Ale, Ale Kamale mei nusa, ami kotie Akbasa pusue tamata mei nusa meije. Ami kotie laleMu noa ami leke ami lulu Ale lupe sie ndete surgare esi lulu Allare.
Zkoumat Matiuse 6:9-10
6
Matiuse 6:11
Riluke manane ete ami panuhu kena petu meije
Zkoumat Matiuse 6:11
7
Matiuse 6:12
kai ampune amiki salaru, saka ami ampune tamata rebe iono sala ete amire neka.
Zkoumat Matiuse 6:12
8
Matiuse 6:13
Kai kena ro tiaru esi elake eteheke amire, Asebeie ami hlaleke ktili loko Ale mo yake, po tie ami bei ro tiaru esi elake esi kbasare leke ami ono dosa yake. [Le Ale Kamale rebe Akbasa kai hita titinai eti pela. Amine.]’
Zkoumat Matiuse 6:13
9
Matiuse 6:14
Sepo imi ampune tamata rebe iono sala ete imire, hoko imi Ama ndete surgare lekwe Iampune imi salare.
Zkoumat Matiuse 6:14
10
Matiuse 6:26
Selu manuaru, uatnane mo, uulu mo kai uhnouke tnanelaru esi hasile kena luma tetu mo, po Amami ndete surgare Iriluke manane etelu. Tinai, eleyo ete Amami ndete surgare, imi pentine lesi bei manuaru.
Zkoumat Matiuse 6:26
11
Matiuse 6:19-21
“Imi lupuke taneia mei nusa yake le namake takalare kai silane kanelu kai tamata ndeane indeaelu. Po lupuke imi taneia ndete surgare le namake takalare kai silane kanelu mo kai tamata ndeane, indeaelu mo. Imi lupuke taneia ndete surgare mina le otoi rebe imi taneiaru me kenare, lalemi ete mere lekwe.
Zkoumat Matiuse 6:19-21
12
Matiuse 6:24
“Tamata sae ikerike ete elaka luare saisa mo, le namake laleije mise ete ile sae yo ile saere mo. Pise ikerike titinai ete ile sae yo ile saere mo. Ete imi lekwe sakesa neka, imi kerike ete Alla kai kena mere lekwe lalemi loko tanei bokare saisa mo.
Zkoumat Matiuse 6:24
13
Matiuse 6:30
Tapuane rebe ukusu me neure masike ukusu petu meije eleki bobanure tutuelu kena auwe peneka, eleyo Alla Iandulikelu nteki titinai. Hoko imi lekwe Alla Iandulike imi lesi titinai bei buna meru. Po imi hlaleke ktili mo.’
Zkoumat Matiuse 6:30
14
Matiuse 6:3-4
Hoko sepo imi riluke tanei ete tamata susate, imi riluke ndendene leke tamata makete irekwa yake. Imi riluke taneije suke akbunike leke imi Ama ndete surgare Iselu imi ono mere akbunike, hoko Iriluke hadia ete imi.”
Zkoumat Matiuse 6:3-4
15
Matiuse 6:1
“Imi nete, imi ono lulu imi agamare esi atate me tamata bokala oasi leke esi selue kai isike imi yake. Le sepo imi ono ele mere hoko imi Ama ndete surgare Iriluke hadia misete lakwai esa ete imi mo.
Zkoumat Matiuse 6:1
16
Matiuse 6:16-18
“Sepo imi tahane tia senete leke kotie bei Alla hoko imi ono oalalemi mahkweu saka tamata rebe esi ono misete lelemake yake. Esi ono ele mere leke tamata esi rekwa be esi tahane tia senete leke esi kotie bei Alla. Au beteke ete imi be, ‘Esi supu hadiare, esi supu isike bei tamata peneka.’ Po sepo imi tahane tia senete leke kotie loko Alla hoko koa oalalemi kai sisire buare, leke tamata esi rekwa mo be me imi tahane tia senete kena kotie bei Alla. Batuke imi Ama rebe sae iseluI more pine Irekwa imi. Iselu imi ono mere akbunike hoko Ileliele kena misete.”
Zkoumat Matiuse 6:16-18
Domů
Bible
Plány
Videa