Oblíbené biblické verše z Fakasigadan 3

Sdílet

Ay mangena nafanud ule at nalong, ay kanya nalingaman kafag fun kayu, ay namatangan te, mataba ro siring at rawvg nu kaon. Ay aroro kaylat kae fagsafulun, kanya narabas sadik rawvg ay naon ay sik baltak nafon sat indugan.

Yawi at awatan fagayu ngay mela, ule wan at ke fagsafulun gfandaya. Sayginan, ule ginto sas mangena te, “O anud Dius nalong te, ‘Lag kon nusnga setaw fag fun kayu at rawvg iste fag tanuman’?”

O wo ban ay kafag mangena gawayan ban am gugat. Ay anggan ban am ngay kasugfunanan ay kafag mangena at kasugfunanan gawayan gugat. Ay kanya ban nanrufa am alfuyu ay kagat ban o at sungkulan.”

Ay kanya nalong yangay sas mangena te, “Aroro nafakamulun o takatanya, gfamut kyay ban am fagidapun. Kaduge ban o gfafion gidapan o, kaugat wan gina o gfasalug. Dewa katanya, kaylat tua ban o gugat am mangama aroro sia wan tagfunan emu.”

Ay maksvn ban nu gidapan o gfakamulun laman e fakonun o yakmay am bilug anfoli sas daga, aroro at fangawat emu daga yangay.”

Ay Yawi nalong sas Adan te, “Aroro nadungugan o am bubay ay naon o kafag kayu at rawvg ku nalong te, lag kon, namauri kban lutuk. Kaduge ban o gleleg, gidapan o gugat gfakamulun laman e fakonun o.

Ay Yawi ginto anya te, “Sinu at nalong emu te, lulas o? O naon o kafag rawvg ku nalong emu te, lag kon?”

Yawi nu naiyan wan dadwa sanya ginan fag tanuman, nafasas fakamenitan baliwa duak awatan at ke fakfak. Ay nafasanya yangay sik tagigang fag fiso gribungan gugat laman we manangakbang sanya fag fun kayu tagfon leleg.

Adan nafangayan at mangena te, “Eba,” aroro sia waban fagayu taw at mina.