Oblíbené biblické verše z LIKI 9

Sdílet

Kəya Yeesu waataŋ kaŋ keɗe minti: «Hulum bə minti bəlaŋ ne minti tó han bəlam dən, wə ŋoryə kusru la wəra, wə takə kəbaŋ gə larga nuutu gə me la a hiŋa keɗe, kəya wə tapə la guudəna nuutu ta.

Gud maa mo hulum bə minti bele anə ɗaaməna minti tó jəə la caw saksakiŋ, wə bese dədərgə du wəra haa bese ɗaw. Səma hulum bə minti bəsaŋ dədərgə du ne wəra guudənaŋ, wə seereŋ dədərgə du wəra haa seere gəm.

Yeesu wəətunu minti: «Hulum bə minti doŋ agay də kəccəŋ ne kəəsu bə keɗéŋ, wə haraŋ duru ne adoroŋ, wə paapa bə nakə-neke karman a Kumna kə Pepeŋa ba.» – 9 10

Yə ayə bege bə cəərə seŋkaŋ la wəra keɗe nuutu a hulum kəman ɗaw, wə kəyu a maa mo jəəne minti wə ɓalkaŋ dədərgə du ne wəraŋ?

Hulum bə minti bə ji kese bay waate kel dən daana kel katən jəw kese aduubə də kaŋa, ten Kormə Hulúm bə ji kese yaŋ bay wəətu kel du gəm də bə minti ten harə da dər pəɗaki katən, kə Barən daana kə *kaa kə digi cetceti kə Pepeŋ də gəm.

Yeesu hərnu kel minti: «Anə gəbaygaŋ də tələŋkə neete, anə kaskoŋ də kuli neete gəm. Səma ten *Kormə Hulúm, ko nin bə isi lam bə faake paapa.»

Wə wəətənəy minti: «Hulum bə minti doŋ kel də beebe konceŋ ne kəya gud səmanaŋ, wə doŋ haa kel kətan gadi faɗi. Hulum bə minti doŋ kel kətan neŋ, wə doŋ haa kel də hulum bə minti gaanan daŋ gadi faɗi gəm. Səma, hulum bə minti hare kusru adoro adəwaldəŋa keɗeŋ, wə kole boblo dəŋaŋ kumsuŋ haa tó.»