Oblíbené biblické verše z Matai 7

Sdílet

Ndovage pwu ndapevwa, mwijumilitsage ukulonda pwu ndasivona, nkoṅonage palwitsi pwu ndadindulilwa.

Mańa voni avidova vwu vikwupililaga, voni avikijumilitsa ukulonda vwu vikusivonaga, voni avikoṅona kulwitsi vwu vidindulilwa.

Uvi ikugapulika amameńu aga, uvi ikugakonga vi ndikumbwanihitsa ndita ali ndumunu va luhala uvi ińumba jya mwene atsengile palunalavwe vuvule.

Tsoni itsu ngave mulonda ukuta avanu vavavombelage tsu muvavombelage tsitso nuńe. Ulwakuva pwu vwu mukongile namusimilitso nambańamalago.

Nsińe ugwene undyango sińe ninzila jya kubiha kuvwumi, vadebe avene avikujivona.

Mwingilage pandyango unsińe, mańa mbaha nundyango, mbaha ninzila jya kubiha kuvujatsivwa, vongosu avigenda mumwa.

Apene ngave uńe ńi vavivi vuvule ngave avana vińo mukuvapa isya kuvapa isinnonu, pwu udadajińo kukyańa aleke ukulutilila pakuvapa isinnonu avene avidova kumwene?

Kwu bako ukumiga nujyunge umunu, pwu nuńe nujyunge nalavahige. Mańa umwu mukuvahigila avange mwu nuńe nda higilivwa. Ikigelelo ikyu mukuvagelela avange kyu ndagelelivwa kikyo nuńe

Mańa uvipulika amameńu aga, mańa aleke ukugakonga vi ali ndumunu untsimu, uvi ińumba jya mwene akatsenga pansekelevwe vuvule.

Vwilola kiki akalagalila akali ndiho lya nino vwu iṅotsi ijili ndiho lyako navwilola? Pwu utsovage ndeti kunnino ukuta: Leka ndivuse akalagalila akali ndiho lyako vwu iṅotsi jili ndiho lyako?

Mbandikage avańamalago va vunwasi avavyuta ṅolo kumbele upwu vikwitsa kwańe, mwitumbulola vali ndilinu vuvule ilibudavanu. Muvamańage paseke tsa vene itsu vihupa. Umunu nditungula amasilu pamitwińo? Umunu nditungula iseke tsa nkuju pamatula?

Mańa vwu giva gyoni imibiki iminnonu, gihupa iseke innonu. Igyene imibiki imivivi gyu gihupa iseke imbivi.

Umbiki unnonu naguhupa iseke imbivi, nagwene umbiki umbivi naguhupa iseke innonu.

Gyoni imibiki igyu nagihupa iseke innonu gidumulwa gitagwa mmwoto.