Oblíbené biblické verše z Johani 12

Sdílet

Uvi ilonda ukumbombela une vi aṅongage mumbele. Ulwakuva ukwu ndilikwo une kwu upita avekwo namwene uva kumbombela une. Uvi ikumbombela une vi alamwimika nudada.

Uvi uvwumi vwa mwene ikuvusagila vi alavwambutsa. Lweli uvi uvwumi vwa mwene nikuvusagila nkilunga umu vi alavwupilila ukuta vusike nakuvwumi vwa sikutsoni.

Jilweli-lweli ndikuvavula ndita: Uluseke lwa ngano lungave nalulahwa nkilimila, lungave nalwiswa pwu lwiva lwene, mańa lungave lwiswa pwu luhupa iseke tsińongosu.

Upwu nditsile nkilunga umu, pwu nditsile nene lumuli, voni avańidike ukuta valavetsaga muṅisi.

Angave ujyunge umunu ipulika amameńu ganga mańa abele ukwidika ndatetsaga vi ndilamiga une, mańa nanditsili nkuhiga ikilunga, bako nditsile nkukipoka ikilunga.

Umwene UMalija akatola ikibake kya mono itsu natsihangili nakanu akange imala sitso, tsu akambaka mmalunde UJesu akampulusa mmalunde ninzwili tsa mwene, Pwu ulunusi lwa mono lukakwila mwoni nńumba.

pwu vakatola amapagika ga mikindu vakahuma mbutsenge vakatsikumwupilila vakakola vakata: Hosyana nsajivwa uvi ikwitsila mwitavwa lya nkuludeva, unkuludeva va vańa-Isilaeli.

Pwu UJesu akavavula akata: Kitsile akavalilo aka kupelwa ukuva mbaha Uńamunu.