Oblíbené biblické verše z MAWOOKIONYI 17

Sdílet

Kiheri Abramu awei mndu o maaka makumi kenda na kenda, Mndumii-Ruwa kachea Abramu, kambia, “Inyi nyi Ruwa. Menyi wuitoṟi, chumia oshangunyi loko, kulawode tewe.

Manya rina lyapfo ochilahose nyi Abramu-pfo indi rina lyapfo lyechiwa Abrahamu, kipfa ngakutana nowe ndeyo o mkambo ya wandu ifoi.

Mkundana foko na iyo njechifuwanza, na shishari shapfo shose shechikuituma. Mkundanafu, fochiwa mkundano fo mlungana, ke njechiwa Ruwa kowo na ko washari wawo wechikuituma iyo.

“Inyi ngawika mkundana foko inyi na iyo; na iyo nochiwa ndee o mkambo ya wandu ifoi.

Ruwa kambia, Chi wudopfo, indi mka opfo Sara nechikuwonya mana o womi na ochimlaha rina lyake nyi Isaki. Na inyi njechiwika mkundano foko mbanzi nao fuwe mkundano fo mlungana kipfa kya oshari loke numa yake.

Na Inyi njechikuinenga iyo na oshari lopfo lochiituma numa yapfo orukalu ukeri wuhenunyi, oruka lose lo Kanaanyi, noluitoṟie mlungana; na inyi njechiwa Ruwa owo.”

Nalyo Abrahamu kaho wanda na kyamu kaseka, kahamba mrimenyi foke, “Aka, Mndu o maaka ihana ipfo koke kochefeo se mana? Nao Sara o maaka makumi kenda nechefee se mana?”

Ruwa kawia Abrahamu, “Mka opfo Sarai ochimlahase rina lyake nyi Sarai-pfo, kipfa rina lyake lyechiwa nyi Sara.

Mochidino nyama ya kichong'u ya kitaṟe kyanu, na kindo-ki kechiwa kichano kya mkundana foko inyi nanyo.

Kya indi njechiwika mkundana foko mbanzi ipfo ko Isaki, ichu Sara echikufee kiheri cha iki maaka fochicha.

Mana o mkonu nyanya nechidino ipfo konu, orio mndu msoṟo o kiidi kya luwa lyanu, msa amfee ipfo konu, na msa amhuṟe na pesa orio mhenu alai o luwa lyapfo. Msa amfee ipfo kanyi kopfo na msa amhuṟe kui pesa tsapfo, kimbaṟi nadino; na mkundana foko fochikaa mbihunyi yanu, fuwe mkundana fo mlungana.