Oblíbené biblické verše z MATEO 9

Sdílet

Ca tu ya'alaj túun ti' u aj canbalo'ob: Tu jaajile' le jocho' jach ya'ab, ba'ale' le j meyajo'obo' jach jun p'íito'ob. Le o'olale' káat óolte'ex ti' u Yuumil le joocho' ca u túuxt j meyajo'ob u ti'al jochic.

Xene'ex ca a cane'ex ba'ax u káat u ya'al le Quili'ich Dzíiba': Tene' in káat ca ch'a'ex óotzilil, ma' ca kube'ex quíimsbil ba'alche'obi'. Tumen ma' taalaja'anen u ti'al in t'aan máaxo'ob utzo'obo', ba'ale' le máaxo'ob kebano'obo' u ti'al ca u kexo'ob u tuuculo'ob.

Le ca tu yilaj le máaco'obo' tu ch'a'aj óotzilil ti'ob tumen yaajtac u yóolo'ob yéetel luba'antac u yóolo'ob je'el bix j tamano'ob mina'an máax canantico'ob.

Jesuse' tu yu'ubaj ca tu ya'alaj ti'ob: Ma' kabéet aj dzaac ti' le máaxo'ob toj u yóolo'obo', ba'ale' kaabéet ti' le máaxo'ob koja'ano'obo'.

Jesuse' tu xíimbaltaj tuláacal le caajo'obo' yéetel le mejen cajtalilo'obo', táan u ca'ansaj ti' u sinagogao'obo'. Táan u tze'ectic u ma'alob péectzilil u ajawil Jajal Dios, táan xan u dzaquic tuláacal koja'anilo'ob yéetel ki'inamilo'ob.