Oblíbené biblické verše z Mateu 7

Sdílet

Pepurandu rame uxari kuri penye arama kua pepuranduwaa irumu, pesikari rame asui pewasemu kuri pesenui rame uyupirari kuri penye arama.

Nyãse muiri kuaita upuranduwaita aintauriku kuri kua aintaupuranduwaa, asui kuaita uputariwaita aintauwasemu kuri kua aintauputariwaa, asui kua upuranduwaita uwike arama uxari kuri aintauwike.

Muiri kuaita usenduwaita senyenga uruyari arama ae umunya kuaye apigawa ukuawawaa yawe umunyawaa suka ita rese.

Ape kuri pemunya amuita supe kuaye peputariwaa yawe aintaumunya arama penye arama. Maa kuaye Muize umpinimawaa yawe kuaita yuiri utitikawaita kuxima.

Kuaira kua ukena kuairawaa kua pee urasuwaa yande yawike arama mundu tiwa upawa kiti, yepeyepe uwasemu kua pee.

Pewike kua ukena kuairawaa rupi, nyãse larguwaa kua ukena larguwaa yuiri kua pee urasuwaa yande yakanyemuwaa kiti, siya kuaita uwikewaita arupi.

Penye puxuwerawaita pekuawate pemee purangawaa perairaita supe, asui maitaa pemanduari pepaya iwaka kitiwara tiumee purangawaa ainta supe kuaita upuranduwaita irumu?

Tepembeu amu rese yawaite aintaumbeu perese. Maa yawe pembeuwaa yawe aintarese yawete yuiri aintaumbeu perese. Kuaye pemeewaa ainta supe amuita yawete yuiri kuri aintaumee penye arama.

Asui muiri kuaita usenduwaita senyenga tiwa uruyari ae umunya kuaye kua apigawa tiwa ukuawawaa yawe umunyawaa suka arama praya rese.

Marantaa remaa mirá kuairawaa nerumuara resa upe tipukusawa remaa kua mirá turusuwaa neresa upe? Marantaa rembeu nemu supe rexari hayuka nesui kua mirá kuairawaa neresa sui reriku pukusawa turusuwaa mirá neresa upe?

Pemaa pesui kuaita utitikawaita ugananiwaita aintauri pepiri kuaye uvelya tiwa inyãruwaa yawe maa yawarate inyãruwaa yawe ainta aintapia upe. Aintaiya irumu pekuawa kuri aintarese. Maitaa yapuderi yapuu uva iya purangawaa isui kua mirá urikuwaa yuu, Maitaa yapuderi yapuu figu iya purangawaa kukuna sui?

Kua mirá purangawaita aintauxari aintaiya purangawaa, maa kua mirá tenyuntuwaraita aintauxari aintaiya puxuwerawa.

Kua mirá purangawaa tiupuderi uxari iya puxuwerawaita, kua mirá tenyuntuwara tiupuderi uxari iya purangawaita.

Kuaita mirá tiwaita uxari aintaiya purangawaita anyunte aintaumunuka ainta aintaumburi arama ainta tata kiti.