Oblíbené biblické verše z Gyenesis 3

Sdílet

Na ɔbaa no hun dɛ dua no ye dɛ wodzi, na ɔyɛ enyiwa do fɛw, yɛ akɔndɔ, na otum so dɛ obue enyi no, ɔtseew n’aba no bi dzii; na ɔmaa no kun a ɔka no ho no so bi, na odzii.

Nna abowatsena no yɛ onyitsewfo kyɛn hamu abowa biara a EWURADZE Nyankopɔn ayɛ. Na obisaa ɔbaa no dɛ, Aso ampaara dɛ Nyankopɔn ase hom dɛ, Mma hom nndzi ture yi mu ndua nyinara bi?

Medze ɔtan mobɔto ɔwo nye ɔbaa no ntamu, na w’asefo nye n’asefo ntamu: ɔbɔbɔ wo tsir, na wo so asɔw n’anantsir.

Ɔsee ɔbaa no dɛ, Mebɛma w’awoko mu amandzehu adɔɔ so kɛse; ɔfona mu na ebɔwo mba; na ebɛdan wo kun, na ɔbɔhwɛ wo do.

w’enyim mfifir mu na ibedzidzi kɛpem dɛ ebɛsan akɔ daadze; osiandɛ ɔno mu na woyii wo fii: na huntuma nye wo, na huntuma mu na ebɛsan akɔ.

Na ɔsee Adam dɛ, Osiandɛ etsie wo yer ne ndze, na edzi dua a mehyɛɛ wo ho mbra dɛ, Mma nndzi bi no bi ntsi, wɔadom asaase wɔ ɔwo ntsi; ɔfona mu na ibedzidzi do wo nkwa nda nyinara

Na obisaa no dɛ, Woana kaa kyerɛɛ wo dɛ idzi adagyaw? Ana edzi dua a mehyɛɛ wo ho mbra dɛ mma nndzi bi no bi?

Na oyii nyimpa no edzi; na ɔdze Kerubim, nye gya nkrantsee a onyinanyinam, sii Eden ture no enyim boka, dɛ wɔnweɔn nkwadua no ho kwan no.

Na banyin no too ne yer no dzin Eve; osiandɛ ɔno na ɔyɛ atseasefo nyinara hɔn na.