Oblíbené biblické verše z O KEJADIAN 3

Sdílet

Ongoheka gënanga mapulo-pulono o gota mautu gënanga i hailoa, deʼ mahohoko molega-lega i hemoro maol̄omo. Deʼ munanga moma pikiri hokokia marahai nako munanga mosawaro. Hababu gë nanga munanga mapagele o gota gënanga mahohoko, ipaha maol̄omo deʼ mihidöakö ami rokatika, deʼ ami rokata ma waol̄omo.

O dodiha ganga o aiwani duru i sawaro de hagala o aiwani Wadodiai ma Jou Madutu. O dodiha gënanga imileha mangohekaika gënanga, ”Boteka ma Jou Madutu igou-goungu winï duhunu nia ol̄omo hagala o gota mahohoko o dumuleoka nënanga?”

Ngona deʼ ongoheka gënanga aha nimä bori dohata, ani difauku deʼ ami difauku aha salalu imä teke haturu. Ami difauku aha yawedere ani häeke, deʼ ngona aha nagoli toönanga manga bobö.”

De ipaha ma Jou Madutu womitemo mangohekaika gënanga, ”Ngohi aha tödogo anihiri ngohaka ka aniroëhokahi deʼ maöraha ngona aningohaka imakil̄au. Mä ngaroka hoko gënanga, ngona kanï igohi ani rokatika, mangona aha nomaruku unangika.”

Ngona aha nomanarama deʼ mahuha deʼ makangela deʼ ani gahauku la yadiai o tonaka nënanga ihihasili okianagani, hiädono ngona nolio o tonakika, hababu o tonakino ngona ini diai. Ngona o tonakino inihidadi, deʼ aha nolio ö otonakika.”

Ipaha ma Jou Madutu wïtemo o naurika gënanga, ”Ngona nohigïhene ngoni hekata ami demo-demo daha naol̄omo o hohoko To nï duhu-duhunu ngona naol̄omo. Karana ani manarama gënanga, o tonaka yakorona o lolai. Ngona kokiani noma manarama i puturungu madekana Ho ani umuru nowango hupaya o tonaka nënanga yakunu mahasili ini wedono ani inomo ngonaika.

”O nagona yahetongo ngonaika ngona kanihekonoka?” Ma Jou Madutu woleha. ”Boteka ngona naol̄omo o hohoko Toni duhu-duhunu naol̄omo gënanga?”

Ipaha mawange mahiwaroko o dumule gënanga o ngorana yowoha-wohama mahimangoka, ma Jou Madutu wohi gogere o malaekat, deʼ o oworo gahumu moi deʼ maukuoka iloliti yameta yögeto-getongo, hupaya yö goana o ngekomo o gota mautuika ihidöa-döaka o wowango. De hoko gënanga kao nyawa moiö deʼ yakunua yowohama deʼ imahitigi o gota mautu gënanga.

O Adam womihiromanga ngoihekata o ngo Hawa, karana ongoheka gënanga modadi hagala o nyawa manga ayo.