Oblíbené biblické verše z JOHANNE 1

Sdílet

Empa bohle ba le amohetseng, le ba neile tokelo ya ho ba bana ba Modimo, e leng ba dumelang lebitso la lona

Lentswe le ne le le tshimolohong, mme Lentswe le ne le le ho Modimo, mme Lentswe e ne e le Modimo.

Mme lesedi le kganya lefifing, mme lefifi ha le a ka la le amohela.

Lentswe le ne le etswe nama, mme la aha hara rona le tletse mohau le nnete, mme re bohile kganya ya lona, e kang kganya ya Mora a nnotshi ya tswang ho Ntate.

Dintho tsohle di entswe ke lona, mme hara dintho tse leng teng, ha ho letho le entsweng kantle ho lona. Bophelo bo ne bo le ho lona, mme bophelo e ne e le lesedi la batho.

Ka hosasane, Johanne a bona Jesu a etla ho yena, mme a re: Bonang, ke Konyana ya Modimo e tlosang dibe tsa lefatshe.

Le ne le le lefatsheng, mme lefatshe le hlahile ka lona, mme lefatshe ha le a ka la le tseba. Le ne le tle habo lona, mme ba habo lona ha ba ka ba le amohela.

E ne e le lona lesedi la nnete, le bonesetsang motho e mong le e mong ya hlahang lefatsheng.

Hobane molao o neilwe ka Moshe, mohau le nnete di hlahisitswe ka Jesu Kreste.