Oblíbené biblické verše z Matayo 16

Sdílet

Hunaho Yesu ubawila bahemba bakwe giki, Munhu ose ulu atogilwe kunilondela, ilemeje ngʼwenekele, abuche nsalaba gwakwe, anilondele.

Na Nene nakuwila giki, Bebe uli Petro, na ha itale ili nalayizenga Eklezia yane, na milyango ya kulimu italayitinda nguzu.

Na Nene nakukwinha mfungulo ja butemi wa ngʼwigulu; na icho chose ulakitunga ha si kilatungwa ngʼwigulu; na icho chose ulakitungula ha si, kilatungulwa ngʼwigulu.

Iki uyo ose atogilwe kupija bupanga wakwe, ngʼwene alabuyagaja; na uyo ose alabuyagaja bupanga wakwe kulwa nguno yane, ngʼwene alabubona.

Iki ikumelela ki munhu ulu upandika si yose na ujimija bupanga wakwe? Nulu munhu alafunya ki kukomola bupanga wakwe?

Ubawila giki, Aliyo bingʼwe, mukunihayaga ndi nani? Simoni Petro ushosha, uhaya giki, Bebe uli Kristo, Ngʼwana wa Mulungu mpanga.

Yesu ushosha, ungʼwila giki, Uli wa lubango bebe, Simoni ngʼwana Yona; iki mili na mininga shitakukundulilile mhayo uyu, aliyo Baba ali ngʼwigulu.