Oblíbené biblické verše z Methiu 16

Sdílet

Tab Yeeshu aapan chela log se bolis, “Agar koi hamaar pichchhe aay maañge, to apne aap ke bhulaay de aur aapan kros uṭhaay ke hamaar pichchhe hoy le.”

Ham tum se i bhi bolta hei ki Peeṭa tum ek chaṭṭaan ke rakam hei aur yahi chaṭṭaan pe ham aapan chech banaayga, aur iske maut bhi nai haṭaay saki.

Ham tumme swarag ke raaj ke chaabhi dega, aur jon bhi kuchh tum dharti pe mañgta hei, wahi tumme Parmeshwar swarag meñ dei aur jon kuchh tum dharti pe nai mañgta hei, u tumme swarag meñ bhi nai mili.”

Kaahe ke jon koi apne aap ke bachaay maañgi u uske khoy dei, lekin jon koi hamaar waaste aapan jaan khoi, to u uske paai.

Agar admi puura jagat ke paay le aur aapan praan ke khoy de, to usse kaa faayda? Manush aapan praan ke badle meñ kuchh nai de sake hei.

Yeeshu ulog se bolis, “Lekin tum log kaa bolta hei ki ham kon hei?” Saayman Peeṭa jawaab dees, “Tum to jinda Parmeshwar ke laṛka Maseeh hei.”

Yeeshu usse bolis, “Saayman, Jona ke laṛka, tum ṭheek bola hei kaahe ke i sach tumme admi log se nai mila hei, lekin hamaar Pita dees hei jon swarag meñ hei.