Oblíbené biblické verše z लूका 11

Sdílet

है जैद जे निताव पापल लिज़्‍याव मिँराए जेज़ारालाई निताव चाव चाव यान्‍या जेसैंकिन, स्‍वर्गताव जेबाबुए झन ओलस जेऩिकिन छैंव पुरूस कै जैद मायाचिउके?”

“हिताव ज़ ङा जेलाई है ङादाचिज़्‍या, परमेस्‍वरस जेऩिकिन जेलाई यान्‍या ज़ ले, जेखिम्‍किन दैन्‍या ज़ जेले, य़ाम कोतो कोतो जेजैकिन जेजूँनी फैसिन्‍या ले।

जोए ऩिज़्‍याव होलाई यान्‍या ले, जोए खिम्‍ज़्‍याव होए दैन्‍या ले, जोए कोतो कोतो जैज़्‍याव होए उजूँनी फैसिन्‍या ले।

येसुए, “जेपोंखारिक इतावनी पोंखारिच्‍यो, ‘परमेस्‍वर बाबु, नमिन प़ाइँए ज़ छैंव ओथ·रैरक। स्‍वर्गताव नराज्‍या आव नामल उहुक।

नउपर्त गेदोव पापरानी ऱास्‍सियो। हो मिताव ज़ गे ब मिँराए गेउपर्त यादोव पापरानी गेराऱास्‍ज़्‍या। स़ोनो गेलाई माचाव चेतैन्यारानी जोगोइसियो,’ है लिच्‍यो,” है यादोक्‍यो।

गेलाई चाहिज़्‍याव ज़्‍याव दिनकाव ज़ जोरैद्यासियो।

हिताव ज़ जेक्‍याँताव बत्ती जेमी लिज़्‍या। नो जेमी चाव उलिकिन जेक्‍याँ भरी पलाँव ज़ ताज़्‍या। फरी नो जेमी ज़्याज़्या ज़िझ़िव उलिकिन जेक्‍याँ भरी ओपो·स ज़ चुम चुमोल ताज़्‍या।

“सुए ज़ ल़ोसै तैंःद मारैंःवल ब मानैव, जाए ब माकबो। बुरू ‘झ़िमल पसिज़्यावरालाई पलाँ घताक’ लिद दिउ बाल्‍न्‍यात झाःज़्याव।