Oblíbené biblické verše z Génesis 7

Sdílet

Chaymanta Tata Diosqa Noeta nerqa: Qan, chantá aylluyki ima jatun barcoman yaykuy, imajtinchus noqa rikuni mita masiykikunamanta qanlla munasqayman jina purisqaykita.

Chay yakutaj kay pachata 150 p'unchayta p'ampaykorqa.

Noé 600 watayoj kashajtin, iskay kaj killamanta chunka qanchisniyoj p'unchayta, jallp'aj sonqonmanta yaku t'ojyamorqa. Jinallataj janajmanta tukuy yakupis p'uñumanta jina musphayta jich'akamorqa.

Chaywanpis Noé, chantá jatun barcopi kajkuna imalla kawsarqanku. Jatun barcoman mana yaykojkunarí, tukuyninku wañorqanku: Runakuna, uywakuna, phawajkuna, qhatatakuspa purejkuna ima.

Chaypachaqa jallp'a patata paraqa tawa chunka p'unchayta, tawa chunka tutatawan pararqa.