Oblíbené biblické verše z Juan 1

Sdílet

Ex aqeju e k'monte te ex e okslan ti'j, xi tq'o'n kyoklen tu'n kyok te tk'wa'l Dios.

T-xe tnejel, tej na'nxtoq tb'ant tkyaqil, attoq te Tk'wa'l Dios ex Yol tb'i. Ex aju Yol attoq tuk'il Dios, ex aju Yol ax Dios te.

Aju spik'un lu in qoptz'aj tuj qlolj, ex minti' o yupj ju spik'un tu'n qlolj.

Aju Yol ok te xjal ex o najan qxol, nim t-xtalb'il ex axix tok tyol; ex o qil tajwalil ma'xix, ax ju tajwalil Dios Mamb'aj xi tq'o'n te, tu'nju atzun o'kxku jun Tk'wa'l.

Noq tu'n o b'ant tkyaqil; ex tkyaqilju o b'ant, minti'wtlo o b'ant noqwit mya ate b'inchante. Attoq chwinqlal tuk'il, ex aju chwinqlal at tuk'il atzunju spik'un kye xjal.

Tuj juntl q'ij o til Juan kyja' ttzaj Jesús, ex tma Juan: —Lu tzul ju Tal T-ẍne'l Dios aju nne'l q'i'n kyil xjal tu'n.

Tejtzun tten ju Yol twitz tx'otx' minti' el kynik' xjal ti'j, maske tu'nx o b'ant twitz tx'otx'. Ul twitz ju tx'otx' tekuxix, atzun qe t-xjalil minti' o k'met kyu'n.

Aju spik'un axix tok ch'ixtoq tul twitz tx'otx' tu'n t-spik'b'ante kye kykyaqil xjal.

Porke aju ley ate Moisés tzaj q'onte, atzunju xtalb'il ex ju yol axix tok, ate Jesucrist tzaj q'onte.