Oblíbené biblické verše z MATEO 7

Sdílet

“Peporandu mba'e rese, a'ese Tüpä omondora peü; peseka, a'ese avei peyosɨra; peñe'ë okendɨpɨve, a'ese oyemboira peü.

Esepia akoi oporandu va'e mba'e rese, a'e oipɨsɨra; iyavei oseka va'e, a'e oyosɨra; akoi oñe'ë va'e okendɨpɨve chupe oyemboira.

“Akoi, osendu va'e che ñe'ë oyapo va'e avei mba'e che remimbotar, inungar ava ipɨ'a ñemoñeta tuprɨai va'e omopü'a ita arɨve gwëtära.

Egwë e'i ete, peyapo pe ambuae ava eta rese mba'e peremimbotar ambuae oyapo va'erä avei ambuae yuvɨreko perese; esepia evokoi imboyoyasa mborokwaita rese Moisés porombo'esa rese aveino.”

teko apɨre'ɨ̇save oso va'e rumo okendɨpɨ perɨ reseve ikä'imi supi gwata agwä yavai ete, movɨrömi tëi ava oseka yuvɨreko.”

“Peike okendɨpɨ ikä'imi va'e rupi. Evokoi okendɨpɨ iyavei perɨ gwasu vɨraso kañɨ tëi va'e save, iyavei seta yuvɨroike katu ava supi

Yepe ndaperekoporäi va'e peiko viña, pe ra'ɨrɨ upe rumo pemondoño ite mba'e avɨye va'e, ¡ta'etru pe Ru ɨva pendar oipota katu mba'e avɨye va'e mondo agwä akoi ava mba'e rese oporandu va'e upe!

“Ndape ñemoñetai chira ambuae ava rese, evokoiyase Tüpä avei noñemoɨröi chira peü. Esepia Tüpä avei oma'erä perese inungar pe ambuae ava upe peyapo va'e peiko; inungar avei mba'e perembiapokwer pemondo va'e ambuae upe, egwë e'i tuprɨ aveira Tüpä imondo peü.

Akoi osendu va'e che ñe'ë ndoyapoi va'e mba'e che remimbotar, a'e inungar ndipɨ'a ñemoñeta tuprɨi va'e omopü'a gwëtära ɨvɨ ku'i arɨve tëi.

¿Ma'erä erema'e eiko nde rɨvrɨ rembiavɨ kwer rese tëi, nderema'ei ete mba'e nderembiapokwer erereko va'e rese? Nde ereyavɨse mba'e tuvicha va'e nde rekokwer pɨpe, ¿marä erera vo evokoiyase nde rɨvrɨ upe: ‘Eseya cheu amoigätu va'erä mba'e nderembiapokwer erereko va'e erera pi'ä chupe’?

“Peñearö ava semirañeteai va'e sui oñe'ë tuprɨ tëi va'e Tüpä rese. A'e yugwerura peü ndoyavɨi chira ovesa ndaseko maräi va'e yuvɨreko, ipɨ'a pɨpe rumo sekokwer avɨye ma'embiar oñaröai va'e. Peikwara ava rekokwer mba'e sembiapo rese, esepia ndipo'osai chira uva yu pa'ü sui higo ɨvɨra sächi atɨ va'e sui aveino.

Egwë e'i ete, opakatu ɨvɨra avɨye va'e i'a avɨye avei, ɨvɨra naporäi va'e i'a naporäi avei.

Ɨvɨra avɨye va'e ndovɨrekoi chietera o'a naporäi va'e, iyavei ɨvɨra naporäi va'e ndovɨrekoi chietera o'a avɨye va'e.

Opakatu ɨvɨra i'a naporäi va'e, yasɨasa ipare imondosa tatave.