Oblíbené biblické verše z Ruka 23

Sdílet

He kī a Ietū: «E Koro, ka haka rehu koe i te meꞌe aŋa mai e te nuꞌu nei; kai ꞌite e aha ꞌā a rāua».] Te vaꞌehau ia ko no-noho ko pere ꞌā i te kahu o Ietū mo uꞌi ki a ai ki a ai ana topa.

He pāhono e Ietū: —ꞌĪ a au he kī atu: ꞌarīnā mau nei ꞌā ꞌi muri i a au koe ꞌi te kona o tōꞌoku Matuꞌa.

He kī haka ꞌou e tū kope era: —E Ietū, e manaꞌu koe ki a au ꞌi te hora o tuꞌu haka tere iŋa pa he ꞌariki.

ꞌE a Ietū i haka pūai i ohu ai: «¡E Koro ōꞌoku ē, ꞌī a au he vaꞌai atu, ꞌi te hora nei, i tōꞌoku vārua ki tuꞌu rima!». I oti era te kī i te meꞌe nei he mate.

I tuꞌu era ki te kona kī Kona o te Pakahera Taŋata Mate, he veo i a Ietū ꞌi ruŋa i te tātaurō ꞌe i tū ŋā kope era hoko rua ꞌi ruŋa i to rāua, e tahi ꞌi te pāꞌiŋa mataꞌu ꞌe te rua ꞌi te pāꞌiŋa maui. [

Mai te hora kai ki te hora toru o te ahi-ahi i pōhāhā tahi ai te henua. Kai māꞌeha haka ꞌou te raꞌā, ꞌe te kahu puru i te kona hopeꞌa o te moꞌa o roto i te ⌊Kona Haꞌamuri ꞌAtua⌋ he paihi a vāeŋa.

I takeꞌa era e te kape o te rōmano i rā meꞌe, he haꞌahana-hana ki te ꞌAtua ꞌe he kī: «He aŋi ꞌā tū taŋata nei taŋata hape kore».