Oblíbené biblické verše z Iovani 10

Sdílet

»Te toke-toke e oho mai ena mo toke, mo tiŋaꞌi mo haka mate ꞌe mo tōtōā; ꞌe, a au i oho mai ai mo ravaꞌa e kōrua i te ora ꞌāpī ꞌina he hopeꞌa raꞌa, ꞌe mo noho o kōrua e koa rō ꞌā ꞌe e haꞌamaitai rō ꞌā e te ꞌAtua.

A au he taŋata hāpaꞌo riva-riva i te māmoe. Te taŋata hāpaꞌo riva-riva i te māmoe he vaꞌai i a ia ki te mate mo tāꞌana māmoe.

Tāꞌaku māmoe, paꞌi, e aŋi-aŋi rō ꞌana i tōꞌoku reꞌo, ꞌe ko ꞌite ꞌana e au ko ai ko ai. A rāua e oho rō mai ꞌana ꞌi muri i a au.

Māꞌaku e vaꞌai ki a rāua i te ora ꞌāpī ꞌina he hopeꞌa raꞌa, ꞌo haka tapa e te ꞌAtua i a rāua mai muri i a ia ꞌe ꞌo haka ūtuꞌa. ꞌE ꞌina e tahi kope mo hiko i a rāua mai i a au.

A au he ꞌōpani: te kope uru a roto i a au he eꞌa mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. He riro pa he māmoe e oꞌo e eꞌa ena, ꞌe he ravaꞌa mauku.

»He taŋata hāpaꞌo riva-riva a au i te māmoe. Pa he ꞌite iŋa ena ꞌā o tōꞌoku Matuꞌa ko ai a au ꞌe a au ko ai a ia, pē ira takoꞌa ꞌana a au e ꞌite nei ko ai ko ai tāꞌaku māmoe, ꞌe rā ŋā māmoe e ꞌite rō ꞌana ko ai a au. ꞌE he vaꞌai a au i a au mau ꞌā ki te mate mo tāꞌaku māmoe.

O tōꞌoku Matuꞌa i vaꞌai mai i a rāua. A ia he kope hopeꞌa o te pūai, ꞌe ꞌina e tahi kope mo hiko i a rāua mai tōꞌona rima. ꞌE, a māua ko te Matuꞌa e tahi mau nō.

»He taŋata hāpaꞌo riva-riva a au i te māmoe. Pa he ꞌite iŋa ena ꞌā o tōꞌoku Matuꞌa ko ai a au ꞌe a au ko ai a ia, pē ira takoꞌa ꞌana a au e ꞌite nei ko ai ko ai tāꞌaku māmoe, ꞌe rā ŋā māmoe e ꞌite rō ꞌana ko ai a au. ꞌE he vaꞌai a au i a au mau ꞌā ki te mate mo tāꞌaku māmoe.

Taꞌe hai pūai taŋata a au ka mate ena; māꞌaku mau ꞌā e vaꞌai i a au mo mate. I a au mau ꞌana, paꞌi, te parau mo vaꞌai i a au mo mate ꞌe mo ora haka ꞌou. Ko te meꞌe nei tāꞌaku meꞌe mo aŋa i kī mai ai e tōꞌoku Matuꞌa».

He kī haka ꞌou e Ietū: «He parautiꞌa te meꞌe nei: He ꞌōpani a au a ira te māmoe e uru ena.

ꞌE te kope ꞌauhau mo ꞌauario i te māmoe taꞌe he taŋata hāpaꞌo māmoe parautiꞌa ꞌe taꞌe ꞌāꞌana rā ŋā māmoe. Ka takeꞌa era i te paiheŋa taehae, he hoa i te māmoe, he eꞌa he tere. ꞌE he rere ia e te paiheŋa, he ŋau i te māmoe ꞌe he huata te tētahi a te kona taꞌatoꞌa.

He kī ia e Ietū: «He parautiꞌa te meꞌe nei: Te kope taꞌe uru a roto i te ꞌōpani ki roto i te ꞌāua māmoe he toke-toke.