Oblíbené biblické verše z GENESE 6

Sdílet

Lohiabada ena lalona be ia hisihisi, taunimanima tanobada dekenai ia havaraia dainai, bona iena lalohisihisi be ia bada momokani.

Lohiabada ese taunimanima ia itaia, edia kara dika be bada herea gabu ibounai dekenai, bona edia laloa be nega ibounai ia dika sibona mo.

To Noa dekenai Lohiabada ia moale. Noa ena natuna be inai

Iena natuna memero be toi, Sema bona Hamo bona Iapeta.

Vadaeni ia gwau, “Lau karaia gaudia, taunimanima ibounai do lau hamasea haorea, tanobada gabu ibounai dekena amo. Lau ese boroma ibounai bona ataiai manudia ibounai danu do lau hamasea, badina idia lau havaraia dainai, egu lalona ia hisihisi noho.”

Nega ia mai vadaeni, taunimanima be momo tanobada dekenai, bona natuna kekeni idia vara noho. Bona Dirava ena natuna haida ese idia itaia, inai kekeni be mai edia hairai. Vadaeni, idia ura henia kekenidia idia abia, idia adavaia. Bona Lohiabada ia gwau, “Egu lauma be nega ibounai taunimanima edia lalonai do ia noho lasi, badina idia be hidio sibona. Hari ia lao, edia mauri lagani be dohore lagani 120 sibona.” Unai Dirava ena natuna taudia ese taunimanima edia natuna kekeni idia adavaia bona natuna idia havaraia neganai, tatau badadia badadia idia noho tanobada dekenai. Idia be gunaguna, bona gabeai danu, goada taudia mai ladana, edia sivarai danu be bada.

Bona Noa ese unai bamona ia karaia, Dirava ena hereva ibounai hegeregere.

Dirava ese Noa dekenai ia hereva, ia gwau, “Mauri gaudia ibounai do lau haorea. Ibounai do lau hamasea haorea, badina tanobada be edia kara dika dekenai ia honu momokani.

Lagatoi namona ta, au namodia dekenai do oi haginia. Ia lalonai daiutu do oi karaia, bona lalonai bona murimurinai pisi dekenai oi koua.

Dirava ese tanobada ia itaia, ia dika rohoroho vadaeni, badina taunimanima ibounai edia kara be dika momokani.

Mauri gaudia ibounai idauidau rua rua dekenai do oi udaia lao, idia be do idia mauri noho totona, tau ta, hahine ta, inai bamona do oi udaia lao.