Oblíbené biblické verše z Matthew 13

Sdílet

Nunagiktumunli kakaktun, tamauyuk ukauhengmik tuhaayuk kangekhivluni. Tamantauk ahianikpaktuk 100nik, 60niglunin 30niglunin.

Kakilautilingni katakhimayun tamnauyuk ukauhengmik tuhaayuk aliagivallaagamigit nunaum pikutain aaguhukhuni maninik ukauhek naulimaituk ahianiyuikivluni.

Inum atanguvium ukauhia tuhaapagu kangekhiyuitillugu, Tupilak kaiyuk akhaakhugu tamna tapfuminga iliyauyumik umataanin. Tamnauyuk apkunmun katakhimayugaluak.

Uyagaliagmun kataktun tamnauyuk ukauhek tuhaagamiuk aliatakpiaktuk tayyainak iluminili mangutikhangnginami ukpegafukaaktillugu naglikhaktitaugumi aiyukalekhunilunin ukauhitigun ipigaktuk.

“Kilaum atanguvia pikutitin-iliyuk nauttivingmi iyekhimangman. Inumli nalvakamiuk tayyainak uliktaa tautugnaitkuvlugu allanun. Talva kuviatakpiagami tapfuma tamaiyani tamaita niuvgutigiyain nauttivingmik tapfuminga niuvekuvlugu.

Nautiakhaillu allat nunagiktumun katainaktugaluit. Tapkua nauvaktun naguyumik mukpauyakhagnikhutik ilait 100nik, ilait 60nik, ilaitlu 30niglunin.

Tamangmik nauthimalit katihivik tikiniagutaanun, kativingukan ukallautiyyavatka havaktit imaatun, 'Hivullengmik katihiyyavuhi nauhimayunik nagungitunik kileglugillu ikualakuvlugit, mukpauyakhailli naguyun katihigit tutkukhivimnun'.”