Oblíbené biblické verše z Luke 13

Sdílet

Kenhe Jesus artweke angkirtneke, “Apmere Ngkarte-kenhe re akenhe ilthe akngerre anthurre-arteke, kenhe arriwe re akenhe urlpme akweke anthurre aneke. Kenhe tyerrtye atningke anthurre apmere Ngkarte-kenhe alkere akertneke uyarne arrkernemele irrperrirremele, arriwe-arle urlpme anthurre anemenge. Kenhe tyerrtye urrpetye ware-arle arriwe urlpme ikwerenge irrperrirretyeke Ikwerele-arlenge itne akwete re anerlte-anetyeke. Alakenhe ikwerenge anteme arrantherre mwerre lyete anerrirretyeke.

Kenhe yanhe ikwerele akenhe arelhe anyente arrentye-arle ikwerele-arlenge aneme-akerte. Arelhe yanhe inwerre alakenhe akwete-arle aneke, arrule anthurre-ngentyele, kenhe arrentye yanhe re ikwerele-arlenge aneke year 18-peleke-atwetye. Kenhe arelhe re uyarne arratye tnetyeke-irreke re anteme artepe akurne-akerte unthetyarte. Kenhe Jesus-ele akenhe arelhe renhe aremele ileke, “Arelhe akunye-apenhe, the arrentye renhe ngkwenge-ntyele aywepetyenhe lyete!”

Kele imerte Jesus-ele iltye ikwerenhe arelhe ikwere akaperteke-arleke arrerneke. Kenhe arelhe re akenhe iparrpe arratye tneke Ngkarteke akangkemele angkemele, “Ngkarte Akngeyaye Unte imerte mwerre akngerre, mwerre anthurre!”

Arrantherre itelareme tyerrtye arrpenhe areye atyeperre anthurre-arle aneme, kele arrpenhe areye akenhe tyeperre anetyakenhe-arle. Kele tyerrtye atyeperre-arle aneke itne akweke anteme-arle irreme, kele tyerrtye atyeperre anetyakenhe itne anteme-arle atyeperre anthurre irretyenhe.”

Kenhe urreke rarle, alartetye re arriwele tnetyenhe akwete martemele, kenhe tyerrtye itne akenhe akethele tnerrirrerlenge ltare atwemele. Kenhe lyete akenhe arrantherre apeke Ngkarte Ikwere arratye anerrirretyakenhe, arrantherre arratye-arle akethele ipmentye-irretyenhe. Arrantherre apeke arriwe ltare atwerrirremele angkerrirrerlenge, ‘Akngerrepataye! Anwerneke altywere-ilaye!’ “Kenhe re akenhe alakenhe angkerlenge, ‘Arrangkwe! Nthenhe-arenye-ame arrantherre? Ayenge-arle arrekantherre akutne-arle!’

Ayenge awerrirraye! Arrantherre akenhe Ngkarte ikwere-werne utepe-arle-irrerirretyeke! Arne akurne alakenhe areye mpwarewarretyale! Arrantherre apeke akurne alakenhe akwete mpwarewarremele, arrantherre anteme ilwerre-arle-irreme tyerrtye Siloam-arenye yanhe areye-arteke.”

“Kenhe awethe anteye-arle re arrekantherre angketyenhe, ‘Angwenhe-ame arrantherre? Tharle arrenhantherrenhe itelaretyakenhe! Arrantherre akurne anthurre! Atyengetye alherlte-iwaye!’ Alakenhe rarle re arrekantherre angketyenhe, arlte ingkernenge.

Kenhe Jesus-ele tyerrtye itnenhene apayuthneke, “Nthakenhe-ame Ngkarte-kenheke-artweye areye atningke-irretyenhe nthenhe-ante-nthenhele Re itneke alartetye anemele? The arrekantherre ayeye akweke ilemele ikwere-akerte akaltyele-anthetyeke. Ngkarte-kenheke-artweye areye itne apele arne annge akweke-arteke tyerrtyele-arle ahelheke ngkerneme-arteke. Urreke rarle, arne lyapeme akngerre-irremele. Urreke re, thipe arunthe anthurre apetyewarretyenhe, itne anteme antywe atningke mpwarewarretyenhe arne ikwere-arleke. Ngkarte-kenheke-artweye areye alakenhe rarle aneme. Lyete-arle urrpetye ware Ikwerenhe aneme, kele mwerre rarle. Kenhe urreke, atningke anthurre Ikwerenhe anerrirretyenhe, itneke Alartetye Impene anemele.”