Oblíbené biblické verše z Yauhaas 3

Sdílet

Ruaqhov Vaajtswv hlub tuabneeg nplajteb kawg le, Nwg txhaj tau pub Nwg tuableeg Tub, kuas txhua tug kws ntseeg Nwg Leejtub txhaj tsi tuag, tabsis tau txujsa ntev dlhawv moog ibtxhis.

Qhov kws Vaajtswv khaiv Nwg Leejtub lug rua huv nplajteb, tsi yog lug txavtxim rua nplajteb, tabsis lug ua nplajteb tug cawmseej.

Yexus teb tas, “Kuv qha tseeb rua koj has tas: yog leejtwg tsi yug dlua tshab, tug ntawd yuav tsi pum Vaajtswv lub Tebchaws le.”

Cov kws ntseeg Leejtub yeej tsi raug txavtxim; tabsis cov kws tsi ntseeg tub raug txavtxim lawm, ruaqhov puab tsi ntseeg Vaajtswv tuableeg Tub.

Qhov kev txavtxim ntawd yogle nuav: qhov kaaj tub lug rua huv lub nplajteb lawm, tabsis tuabneeg xum nyam qhov tsausntuj tshaaj le nyam qhov kaaj, ruaqhov puab nyam ua phem ua qas.

Nwg yuavtsum luj zujzug tuaj, tabsis kuv yuavtsum yau zujzug moog.”

Cov kws nyam ua phem ua qas yeej ntxub qhov kaaj hab tsi kaam lug nyob rua ntawm qhov kaaj, ruaqhov puab tsi xaav kuas puab tej kev phem kev qas ntawd tshwm lug.

Tug kws ntseeg Leejtub, tug ntawd tau txujsa ntev dlhawv moog ibtxhis; tabsis tug kws tsi noog Leejtub tej lug, tug ntawd yuav tsi tau txujsa, Vaajtswv txuj kev chim yuav nyob rua huv tug ntawd moog le.

Mauxes tsaa tug naab tooj rua sau tug ncej tom taj suabpuam lecaag, Tuabneeg Leejtub yuav raug muab tsaa ib yaam le ntawd

Leejtxiv hlub Nwg tug Tub kawg le hab muab ibpuas tsaavyaam tso rua Nwg kaav huv tuabsi.