Oblíbené biblické verše z Matayo 3

Sdílet

Ali lūūlū, twajagi matwajo kūlwa koolecha būkaanīji bo kūgalūka kwing'we.

N'ilaka lyūfuma ū ng'wigūlū līlīhaya gīkī, “Ūyū ng'wene Ng'wana wane Ntogwa, ūyo aniyegije hataale no!”

Ū Yesu aho wamala ū kūbatīījiwa, haho na haho ūfuma ū mu minzī. Ī likanza lyenīlo lyūkundūka ī ligūlū, ūmona ū Moyo wa ng'wa Mulungu alika gītī nghūūlū, izile a halī we.

“Ū nene nghana nalīmubatīīja mu minzī kūlwa kūgalūka; alīyo a ha numa yane aliza ūyo anikīlile ū būdūla. Ū nene natigeleelilwe nūūlū ni kūmūūkīja shilatū shakwe, ū ng'wenūyo h'ūyo akūmubatīīja na Moyo Ng'wela, na moto.

Nīyo ī haha īlīho mbasa ītūūlilwe nghana-nghana a ha matina ga mitī. Hū kūhaya būlī ntī ūyo gūtūtwaja matwajo gawiza, gūkūbbutwa gūponyiwe mu moto.

Ū ng'wenūyo hū ng'wene ūyo ahayiwe na nghangi Isaya, gīkī, “Ilaka lya munhū akūhamukaga mu matogolo, ‘Beeja-beejagi ikūūwa lya ng'wa Seeba, jigoloolagi ī nzīla jakwe.’ ”