Oblíbené biblické verše z Mateo 4

Sdílet

Ne midtavak si Jesus te, “Duen insurat he Lalag te Megbevayà he edhenduen te, ‘Kenà iyan dà igkeuyag te menusiyà is egkeenen, kekenà, elin daan egkinehenglanen din is minsan hengkey he lalag he egkeg̵iyen te Megbevayà.’ ”

Ne mibensag̵an ni Jesus te, “Setanas, ewai a kenikew! Duen insurat he Lalag te Megbevayà he edhenduen te, ‘Iyan niw zà ezapa is Nengazen he Megbevayè niw. Ne is duma pa he ngazan he megbevayà, kenè niw tumana is sug̵ù din.’ ”

Ne midtavak si Jesus te, “Duen daan insurat he Lalag te Megbevayà he edhenduen te, ‘Kenè kew mebaal te paag̵i he igezam niw te g̵ehem te Nengazen he iyan Megbevayè niw.’ ”

Ne zutun mid-ag̵ak si Jesus te Wag̵as he Mulin-ulin pehendiyà te tanà he wazà duen ed-ubpà he etew wey sikandin meg̵ezami ni Setanas. Ne hein kepatan en he andew ne wazà si Jesus mekekaan ne utew sikandin nevitil.

Ne migkeg̵iyan sikandan ni Jesus te, “Menunug̵es kew ves te pait? Duma kew kedì ne etew mulà is egkekuwa niw wey zan mekesundan kedì.” Ne zutundutun mid-engked dan is ebpenlaya ne miduma zan kandin.

Ne puun dutun midweliyan ni Jesus is menge etew. Ke sikandin te, “Iniyug̵i niw is memezaat he ulaula niw, su meg̵aan en edhadì keniyu is Megbevayà he ziyà te langit.”