Oblíbené biblické verše z ငဝ်ႈ 6

Sdílet

မၼ်းၸဝ်ႈ​မႆႈၸႂ်​ၼႅင်ၸႂ်​လူၺ်ႈ​တၢင်း​ဢၼ်​မၼ်းၸဝ်ႈ​လႆႈ​ႁဵတ်း​ပဵၼ်​ၵူၼ်း​ဝႆႉ​ၵႃႈၼိူဝ်​လိၼ်မိူင်း​ၼၼ်ႉ​ဢေႃႈ။

ၽြႃးပဵၼ်ၸဝ်ႈ​ႁုႁၼ်​လွင်ႈ​ဢၼ်​ဢပျတ်ႈ​ၵူၼ်း​ၵႃႈၼိူဝ်​လိၼ်မိူင်း​ၼႆႉ​ယႂ်ႇ​ၼႃႇ​လႄႈ​တၢင်းၵျၢမ်ႇတၢင်းပွင်​ႁူဝ်ၸႂ်​ၶဝ်​ၵႃႈမီး​တင်းသဵင်ႈတင်းလူင်​ပဵၼ်​ဢၼ်​ႁၢႆႉ​ဢၼ်​ယုတ်ႈ​ၵူၺ်းၵူၺ်း​ၵူႈမိူဝ်ႈ​ၵူႈဝၼ်း​တႃႇသေႇ​ဢမ်ႇထၢတ်ႇ​ၼၼ်ႉ​လႄႈ၊

ၼႂ်းဝႃႈၼၼ်​သေၵေႃႈ​ ထႃႇဝရႃႉ​ၽြႃး၊ ၵျိူၵ်ႈၸႂ်​ထုၵ်ႇၸႂ်​ ၼူဝ်းဢႃႇ၊ ဢေႃႈ။

ၼႆႉ​ၸမ်ႉ၊ပဵၼ်​ပိုၼ်း​လွင်ႈ​ ၼူဝ်းဢႃႇ၊ ဢေႃႈ။ ၼူဝ်းဢႃႇ၊ ပဵၼ်​ၵေႃႉ​ဢၼ်​သိုဝ်ႈတေႃႇ၊ၵေႃႉ​ဢၼ်​ၸေးၸုမ်ႇ​ပဵၼ်​ၵူၼ်းလီ​ၼႂ်း​ၸူဝ်ႈပၢၼ်​ၼၼ်ႉ​လႄႈ​ပဵၼ်​ၵေႃႉ​ဢၼ်​ၵႂႃႇ​မႃး​လူၺ်ႈ​ၵၼ်​တင်း​ၽြႃးပဵၼ်ၸဝ်ႈ​ယူႇ​ဢေႃႈ။

ပိူဝ်ႈ​ၼႆ​လႄႈ​မၼ်းၸဝ်ႈ​လၢတ်ႈ​ဝႃႈ၊ “ၵဝ်​တၵ်း​ပႄႇ​ၽဵဝ်ႈ​ၵူၼ်း​ဢၼ်​ၵဝ်​ၽၢၼ်ႇသၢင်း​ဝႆႉ​ၼႆႉ​ဢိၵ်ႇတင်း​တူဝ်သတ်း​တင်းသဵင်ႈတင်းလူင်​ပႅတ်ႈ​သေ​ၵႃႈၼိူဝ်​လိၼ်မိူင်း​ဢေႃႈ။ လွင်ႈ​မၼ်း​ၸမ်ႉ၊ၵဝ်​မႆႈၸႂ်​ၼႅင်ၸႂ်​လူၺ်ႈ​လွင်ႈ​ဢၼ်​ၵဝ်​လႆႈ​ၽၢၼ်ႇသၢင်း​ႁဵတ်း​ပဵၼ်​ၶဝ်​ဝႆႉ​ၼၼ်ႉ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

မိူဝ်ႈ​ဢၼ်​မဵဝ်း​ၵူၼ်းယႂ်ႇ​ၽႄ​ၼမ်​ၵိုၼ်း​ၸွတ်ႇတူဝ်ႈ​ၵမ်ႇၽႃႇ​ၵႂႃႇ​သေယဝ်ႉ၊ၶဝ်​ၵိူတ်ႇလဵင်ႉ​လုၵ်ႈယိင်း​လႂ်​ဢေႃႈ။- မိူဝ်ႈ​ၼၼ်ႉ​လုၵ်ႈၸၢႆး​ၽြႃးပဵၼ်ၸဝ်ႈ​ၸိူဝ်း​ၼၼ်ႉ​ႁၼ်​လုၵ်ႈယိင်း​ၵူၼ်း​ၸိူဝ်း​ၼၼ်ႉ​ႁၢင်ႈလီ​လႄႈ၊ဢွၼ်ၵၼ်​ဢဝ်​ပဵၼ်​မေး​ၵႃႈ​ၼင်ႇ​ဢၼ်​ၶဝ်​ထုၵ်ႇၸႂ်​ၼၼ်ႉ​ဢေႃႈ။- ပိူဝ်ႈ​ၼႆ​လႄႈ​ ထႃႇဝရႃႉ​ၽြႃး၊ လၢတ်ႈ​ဝႃႈ၊ “ၵဝ်​တၵ်း​ဢမ်ႇ​ႁႂ်ႈ​ဝိၺိၺ်ႇ​ၵဝ်​ယူႇ​ၼႂ်း​ၵူၼ်း​သေႇ​သေႇ။ လွင်ႈ​မၼ်း​ၸမ်ႉ၊ၵူၼ်းပဵၼ်​ၼိူဝ်ႉၼင်​ဢေႃႈ။ ႁႂ်ႈ​ဢသၢၵ်ႈ​ၶဝ်​မီး​ပၢၵ်ႇ​ပၢႆ​သၢဝ်း​ပီ​သေ၊” ဝႃႈ​ၼင်ႇ​ၼႆ​ဢေႃႈ။- မိူဝ်ႈ​ၸူဝ်ႈပၢၼ်​ယၢမ်း​ၼၼ်ႉ၊မီး​ၵူၼ်း​ဢၼ်​တူဝ်​ယႂ်ႇ​ႁႅင်း​လူင်​ဢၼ်​ပဵၼ်​လုၵ်ႈလၢၼ်​ၸိူဝ်ႉၶိူဝ်း​ၵူၼ်းယိင်း​ၸိူဝ်း​ဢၼ်​ႁူမ်ႈ​ပွင်းၵၼ်​တင်း​လုၵ်ႈၸၢႆး​ၽြႃးပဵၼ်ၸဝ်ႈ​ၸိူဝ်း​ၼၼ်ႉ​ဢေႃႈ။ ၶဝ်​ၼၼ်ႉ​ပဵၼ်​ၵူၼ်း​ႁႅင်း​လူင်၊ၵူၼ်း​ဢၼ်​ၸိုဝ်ႈသဵင်​ဢွၵ်ႇ​ႁူင်ႁၢင်း​ၸွတ်ႇ​ၵႂႃႇ​ၸဵမ်​မိူဝ်ႈၵွၼ်ႇ​မိူဝ်ႈမိုၼ်ႉ​ၼၼ်ႉ​ဢေႃႈ။

ၼူဝ်းဢႃႇ၊ ၵေႃႈ​ႁဵတ်း​ၸွမ်း​ၵႃႈ​ၼင်ႇ​ဢၼ်​ၽြႃးပဵၼ်ၸဝ်ႈ​သင်ႇ​ႁဵတ်း​ၼၼ်ႉ​ဢေႃႈ။

ၽြႃးပဵၼ်ၸဝ်ႈ​လၢတ်ႈ​တေႃႇ​ ၼူဝ်းဢႃႇ၊ လႄႈ​ဝႃႈ၊ “ၵဝ်​တႅပ်းတတ်း​ႁႂ်ႈလႆႈ​ဢဝ်​မဵဝ်း​သတ်ႉတဝႃႇ​မူၺ်ႉ​ႁၢႆ​ပႅတ်ႈ​ယဝ်ႉ၊ၵွပ်ႈပိူဝ်ႈ​ၵူၼ်း​ႁဵတ်း​မိူၵ်ႈ​ႁဵတ်း​ႁၢႆႉ​ၼႃႇ​လႄႈ​လိၼ်မိူင်း​တဵမ်​လူၺ်ႈ​တၢင်း​ႁၢႆႉ​တၢင်း​ယုတ်ႈ​ၶဝ်​လႄႈ​ၵဝ်​တၵ်း​ယႃႉၽဵဝ်ႈ​ပႅတ်ႈ​တင်းသဵင်ႈတင်းမူတ်း​ယဝ်ႉ။

ဢဝ်​မႆႉ​ ၵူဝ်ၽရႃႉ၊ သေယဝ်ႉ၊ႁဵတ်း​ႁိူဝ်းသၢင်းၽေႃး​ပုၼ်ႈ​မႂ်း​တႃႉ။ ႁဵတ်း​ပဵၼ်​လုၵ်း၊ပဵၼ်​လုၵ်း​ၵႃႈၼႂ်း​မၼ်း​သေယဝ်ႉ၊ဢဝ်​ယၢင်​ပႅၵ်ႇ​တႃး​ၸဵမ်​ၼွၵ်ႈ​ၸဵမ်​ၼႂ်း​တႃႉ။

ၽြႃးပဵၼ်ၸဝ်ႈ​တူၺ်း​လိၼ်မိူင်း​လႄႈ​ႁၼ်​လွင်ႈတၢင်း​ဢၼ်​တူႇၼဝ်ႈ​ၵွပ်ႈပိူဝ်ႈ​ၵူၼ်း​တင်းလၢႆ​ဢွၼ်ၵၼ်​ႁဵတ်း​လွင်ႈတၢင်း​ဢၼ်​မိူၵ်ႈ​လိူင်း​ယူႇ​ၼၼ်ႉ​ဢေႃႈ။

ၵႃႈၼႂ်း​တရိၵ်ႈသၢၼ်ႇ​ဢၼ်​ဢသၢၵ်ႈလိပ်း​ၵူႈၸိူဝ်ႉၵူႈမဵဝ်း​ၼၼ်ႉ​မႂ်း​တၵ်း​လႆႈ​ဢဝ်​တူဝ်​ပေႃႈ​တူဝ်​မႄႈ​ၵူပ်ႉၵူႈ​ၵၼ်​လႄႈ​သႂၢင်းသႂ်ႇ​ၵႃႈၼႂ်း​ႁိူဝ်းသၢင်းၽေႃး​ႁႂ်ႈ​ၶဝ်​လႆႈ​ဢသၢၵ်ႈလိပ်း​ၶျၢမ်းသႃႇ​လူၺ်ႈ​ၵၼ်​တင်း​မႂ်း​ဢေႃႈ။