Oblíbené biblické verše z LUKA 17

Sdílet

A bolela le motho eo a re: Tsoga o sepele. Tumelo ya gago e go phološitše.

Le ge a ka go senyetša gašupa ka letšatši, mme a boela go wene gašupa, a re: Ke sokologile! O mo lebalele.

E mongwe ge a bona a fodile, a boa a tumiša Modimo ka lentšu le legolo. A tla a wela fase ka sefahlogo maotong a Jesu, a mo leboga. Gomme yena e be e le Mosamaria.

Itoteng. Ge ngwaneno a go senyetša, mo sole; gomme ge a sokologa o mo lebalele.

Jesu a fetola a re: A ga go a fodišwa ba lesome? Ba senyane ba kae?

Morena a re: Ge le na le tumelo e kakago thorwana ya lehloko, le ka bolela le sehlare se sa mogo la re: Tomoga, o yo itlhoma lewatleng, mme se tlo le kwa.

E a tlogo re a ipolokele bophelo, o tlo bo timetša; gomme e a bo timetšago, o tlo iphediša.

A bolela le barutiwa ba gagwe a re: Dikgopišo, go tla ga tšona ga go dibege; fela yo madmabe ke eo di tlago ka yena. Go kaone ge lwala la go šila le ka tlemelwa molaleng wa motho eo, mme a tekesetšwa lewatleng, gore a a se kgopiše e mongwe wa banyane ba.

Matšatšing a Morwamotho go tlo dirwa tše di dirilwego mehleng ya Noage. Ba be ba eja ba enwa, ba nyala ba nyadišwa, gwa ba gwa tla letšatši leo Noage a tsenego polokelong ka lona, mme meetsefula a tla a ba fediša bohle.