Oblíbené biblické verše z JOHANE 3

Sdílet

Gobane Modimo o ratile lefase gakaakaa, a ba a le nea Morwa wa gagwe e a tswetšwego a nnoši, gore mang le mang e a mo dumetšego a se ke a lahlega, a be le bophelo bjo bo sa felego.

Gobane Modimo, Morwa wa gagwe ga a ka a mo romela lefaseng gore a le ahlole; o mo romile gore lefase le phološwe ke yena.

Jesu a fetola a re: Ruri, ruri, ke a go botša, ge motho e se wa go tswalwa lefsa, a ka se ke a bona mmušo wa Modimo.

E a mo dumetšego a ka se ke a lahlwa. E a sa dumelego, yena o šetše a tšwilwe, gobane a sa ka a dumela leina la Morwa motswalwaeši wa Modimo.

Kahlolo yona še: Seetša se tlile lefaseng; gomme batho ba rata leswiswi gagolo, ba nyatša seetša gobane mediro ya bona e le e mebe.

Yena ke wa go gola; nna ke wa go kokobela.

Gobane modiratšempe mang le mang o hloile seetša, ga a tle go sona, gore mediro ya gagwe e se ke ya kgalwa.

E a dumelago Morwa, o na le bophelo bjo bo sa felego. E a sa mo dumelego, a ka se ke a ba a bo bona; se se tlogo dula se mo okametše ke bogale bja Modimo.

Gomme bjalo ka ge Moshe a fegile noga kua lešokeng, Morwamotho le yena o tlo fegwa ka mokgwa woo

Tatago Morwa o rata Morwa wa gagwe, mme tšohle o di beile seatleng sa gagwe.