Oblíbené biblické verše z JAŊ 15

Sdílet

«Anni gugutlura, agi ni gorgor kona. Sa ma taɓi egenna ni ma an taɓi u namma may. Nam hin vuɗ cocoo. Agi ndak ka a li va bay anɗi.

Lagi taɓi dew u anu ko an taɓi dew u agira na may. Ko gorgor gugutlura vaydaɗni ka vuɗ bay sokoɗ uɗɗi, ni na. Lini agi ka taɓi u anɗi ni, agi ka vuɗɗi.

Agi li laki hurunu ni, boy manna li hurugi may ni, joɓogi va ma agi minimma, agi hin famu.

Agi ŋgaɓan ka agiɗi, an ŋgaɓagi ni an ɗow. An cukugi ha ni ana agi tuɗ vuɗ vuɗta jivira ta ka daɓ kiɗira. Na ni, Bun hin ɦagi va ma agi hin joɓom u senna halaŋ.

Minda ŋgolla sana tak kira ni nam ɦal iiri mamba ki kay banayamma.

Koma egen ka vuɗɗi na, nam kaam kiyo. Nam carak kom ma hiŋŋa ki lay a nam dla gorgora vuɗ vuɗta jivira may.

Gologiya, ni gaɗ manda, minigi duk tagi ko an minigi wanda na.

Agi gola, geleɗta vi Bunda tak taɗ ki ni na, agi li vuɗ vuɗta jivira coco may ni, agi li takagi ana agi ni suu haɗi manna ni, agi tak ki ni geleɗta vi Bunda.

«Anni gugutlura gasira. Bun ni sa may ma horokoɗna.

Sa ma ka taɓi u anɗi na, gam ha ki day. Ni ko gorgor gugutlura nam hin so kiyo. Gorgor gugutlura sooyra, yowoɗu, ŋgalaɗ ki kura.

«An dagi boy namma na ni, a furi manda li u agiya, furi magira hin li u voɗoɗ may.

Agi li vi u gaɗ manda ni, agi hin lakŋi hu min manda ko an may ni vi u gaɗta vi Bunda an kaki hu min mamba may.

Gaɗta an ɦagira ni ana minigi duk tagiya.»

Agi li ni maŋ suu hu duliyarana ni, asi hin minigiya, kayme agi ki ni masisina. An ŋgaɓagi ay ni anu, ɓaɗagi ay ki ko suu hu duliyara na ni agi ka masi oloɗi. Ni kay ndaɗta, suu hu duliyarana noyogi ki, ni na.