Oblíbené biblické verše z SAN JUAN 14

Sdílet

’Yucʉacã aácʉ yʉ áa. To cõona caroaro tʉgooña yerijã ani wariñuurique mʉjaare to ãmaro. Mʉjaare yʉ joo mʉja ca-tʉgooña yerijã wariñuucõa anipere. Tiere joʉ ati yepa macana Diore ca-majiquẽna na cá-áti aniere bairo mee mʉjaare yʉ joo. To bairi, “Aácʉ yʉ áa,” yʉ ca-ĩrijere apirã jʉtiriti tʉgooñarique paiqueticõaña.

Jesú cʉ̃ ca-ĩiwĩ: —Yʉna yʉ ãa camaja yʉ Pacʉ tʉpʉ na ca-ejaro cá-ácʉ. Yʉ jʉgori jeto yʉ Pacʉ tʉpʉ ejarique ãa. Cariape macajere yʉ buio. Catícõa aninucuriquere ca-joʉ yʉ ãa. Yʉre ca-nʉcʉbʉgorã jeto yʉ Pacʉ tʉpʉ ejagarãma.

Oco bairo jã ca-ĩinemowĩ Jesú: —Mʉjaa seeto majuu yʉre tʉgooñarique paiqueticõaña. Diore tʉgooña nʉcʉbʉgoya. To bairi yʉ quenare tʉgooña nʉcʉbʉgoya.

Yʉ Pacʉre yʉ ca-jeniro maca Espíritu Santore joogʉmi mʉjaare. To bairi Espíritu Santo mʉjaare átinemogʉmi. Mʉja ca-tʉgooña tutuaro mʉja átigʉmi. Nipetirije mʉjaare majiogʉmi. Nipetirije mʉjaare yʉ ca-buiorique quenare mʉja ca-tʉgooña bʉga majiro mʉja átigʉmi.

Nii yʉ ca-rotirijere majii, tiere ca-apiʉjaʉ ucʉ̃ cariapena yʉre ca-maii ãmi. Yʉre ca-maii ucʉ̃re cʉ̃ maigʉmi yʉ Pacʉ. Yʉ quena cʉ̃re yʉ maigʉ. To bairi yʉ ca-aniecʉtiere cʉ̃ yʉ majiogʉ to bairo cariapena yʉre ca-maii ucʉ̃re, ca-ĩiwĩ Jesú.

Yʉ Pacʉre mʉja yʉ jenibojagʉ, Espíritu Santore na jooya ĩi. Cʉ̃ maca mʉja átinemori, mʉja ca-tʉgooña tutuaro átigʉmi Espíritu Santo. To bairi mʉja mena anicõa aninucugʉmi. Espíritu Santo cariape mʉjaare majiogʉmi. Aperã ati yepa macana yʉre ca-apiʉjaquẽna cʉ̃re majiquẽema. To bairi cʉ̃re cʉgoquetigarãma naa. Mʉja maca cʉ̃re mʉja majigarã. Mʉja mena anigʉmi. Mʉjaapʉre anicõa aninucugʉmi.

Nipetirije yʉ jʉgori yʉ wame mena Diore mʉja ca-jeniro mʉjaare yʉ átibojagʉ. Yʉ jʉgori yʉ Pacʉ cʉ̃ ca-tutuarijere na majiato ĩi to bairo mʉjaare yʉ átibojagʉ. Noo nipetirije yʉ jʉgori yʉ wame mena Diore mʉja ca-jeniro mʉjaare yʉ átibojagʉ.

’Yʉre mʉja ca-nʉcʉbʉgoata yʉ ca-rotirijere mʉja átigarã.

Yʉ Pacʉ tʉpʉ mʉja ca-anipa wiiri capee ãa. To ca-mamata mʉjaare yʉ buioboricʉ. Ani majuucõa. To bairi mʉja ca-anipa paʉrire quenoo yuʉ aácʉ yʉ áa.

Mʉja ca-anipa paʉrire quenooboja yaparori bero mʉjaare yʉ jei atígʉ. Topʉ mʉja quena yʉ ca-anopʉre yʉ mena mʉja anicõa aninucugarã.

—Ʉpaʉ, cʉ̃ ca-ĩiwĩ Tomás, —mʉ cá-aátopʉre jã majiquẽe. ¿Dope bairo majuu jã aá majibocʉti mʉ cá-aátopʉre ejagarã?