Oblíbené biblické verše z SAN JUAN 1

Sdílet

Jicãarã maca cʉ̃re ca-nʉcʉbʉgowã. To bairo cʉ̃re na ca-nʉcʉbʉgoro Dio punaa cʉ̃ yarã majuu na ca-ani rotiwĩ, “Jã mena caroaro ãña,” cʉ̃re ca-ĩirã macare.

Nemoopʉna ca-ani tʉgayupi Dio Macʉ, Dio Ye Quetire Ca-buioʉ Majuu ca-wamecʉcʉ. Ati yepare Dio cʉ̃ cá-átiparo jʉgoye ca-ani tʉgayupi. Dio mena ca-añupi Dio Ye Quetire Ca-buioʉ Majuu ca-wamecʉcʉ. Cʉ̃ quena Diona ca-añupi.

Atie jĩa bujuriquere bairije ãa Dio ye quetire buiorique, ca-naitĩaropʉre bairo ca-ãnare, Diore ca-majiquẽnare. Cʉ̃ Pacʉ yere iñoogʉ ca-ejayupi Dio Macʉ. To bairi ca-naitĩarije jĩa bujuriquere to ca-yaa majiquẽtore bairona neto majiquẽe caroorije átaje Dio ye quetire buiorique macare.

To bairi Dio Macʉ, Dio Ye Quetire Ca-buioʉ Majuu maca ati yepapʉ ca-buiayupi. Camajocʉ macʉre bairona buiari, jã mena ca-ãmi. Camajare ca-mai netocõawĩ. Nipetirije cʉ̃ ca-buiorijere cariape jeto ca-ĩiwĩ. Cʉ̃ cá-átaje quena cariape jeto cá-ámí. Dio Macʉ majuu jicãʉna ãmi. To bairi cʉ̃ Pacʉre bairona ãmi. To bairo caroaro majuu cʉ̃ ca-aniere, cʉ̃ ca-tutuarije mena cʉ̃ cá-átaje quenare jã ca-tʉjʉwʉ.

Dio cʉ̃ Macʉ mena nipetirijere cá-ájupi. Ati yepapʉre nipetirije cʉ̃ mena cʉ̃ cá-átaje jeto ãa. Dio Ye Quetire Ca-buioʉ Majuu ca-wamecʉcʉ cʉ̃ ca-mamata ati yepa macaje maniboro. Catíriquere ca-joʉ ãmi Dio Macʉ. To bairo aniri ati yepa macanare na ca-jĩa bujubojaʉre bairo ãmi Dio Macʉ, cariape macajere camajare na iñoʉ. Cariape macaje na majiato ĩi to bairo ca-baiwĩ Dio Macʉ, Dio Ye Quetire Ca-buioʉ Majuu ca-wamecʉcʉ maca.

Cabero ape rʉmʉ maca cʉ̃ tʉpʉ Jesú cʉ̃ ca-ejaro ca-tʉjʉwĩ Juan. Cʉ̃re tʉjʉʉ oco bairo ca-ĩiwĩ topʉ ca-ãnare: —¡Tʉjʉya! Cʉ̃na ãmi Dio cʉ̃ ca-jooricʉ. Oveja waibʉcʉ cawimaʉre na ca-jĩa joe buje mʉgoʉre bairo ca-ãcʉ̃ ãmi. Ca-jʉgoye macana judío maja na caroorijere reerã jã áa ĩirã oveja cawimaʉre jĩa, ca-joe buje mʉgo joonucuñupa Diore. Tie na cá-átinucuriquere bairona ãmi ani. Cʉ̃a ati yepa macana nipetirã rooro na cá-átinucurijere majiriobojagʉmi.

Dio Macʉ ati yepapʉ ca-ejayupi, Dio cʉ̃ ca-aniere iñoʉ acʉ́. Dio mena ati yepare cá-átacʉ cʉ̃ ca-anibato quena ati yepa macana maca cʉ̃re, “Cʉ̃na ãmi,” cʉ̃ ca-ĩi tʉjʉ majiquẽma ati yepapʉ cʉ̃ ca-ejaro. Cʉ̃ cá-áta yepa macana tʉpʉ cʉ̃ ca-ejabato quena cʉ̃ yarã cʉ̃ ca-booquẽma.

Ati yepa macana nipetirãre Dio ye quetire caroaro buioʉ acʉ́ ca-ejayupi Dio Macʉ, ca-jĩa bujubojaʉre bairo ca-ãcʉ̃ majuu.

Moisé tirʉmʉpʉ macacʉ Dio cʉ̃ ca-rotirijere ca-jooyupi. Jesucristo maca mani mai tʉjʉri ca-ejayupi, cariape macaje buiori.