Oblíbené biblické verše z San Lucas 22

Sdílet

Mag jeeumamua, —Tata ajim anʉm, pua khõs akhiin, atcha mʉ dau aphʉʉ apibakham. Deeum nem waubarmuajã agjo õor peerdʉ auju ayaa akhiin, mʉ gaai machag mʉgcha ãwatbakhamgui aajeejim anʉm. Mamʉ pʉchdeuta khap chirʉm; mʉchdeu khõsi chirʉmjo khaba, pʉchdeu khõchagpierrta mʉ dʉi abá a iekhamajim aajem.

Mamʉ mua jũrr pʉ kõit Ẽwandamag jeeu chirʉmgui ajim anʉm, pʉch khũgurcheewai warre burrm iek burrm ugua. Maagwai ũmaai deeu mʉ thʉ̃r gaai khĩirju chirsiewai pʉchdeupaita jũrr pʉch khapeenag jaauju aai chirʉmgui ajim anʉm, amjã agjo ubʉ nʉisimkhĩir.

Maimua agjo panjã jua ee auwia, Ẽwandamag ʉu ajim anaa, thorreuwia, amag deenaa, —Mʉg panan mua mʉch morta pãrag dee chirʉm; mʉg atagjã mʉ khĩirjunaa ich mʉgta khabat a jaaujim aajem.

Maimua ya kho aaipagkhabaadem ee, deeu chi vino jarrdam jua ee auwia ĩchab, —Mʉg jarr eem vinodam dobarmta warrgarwe Ẽwandamau õor dʉi iek deeju aajerrau; mamʉ mʉg iekhan iek iiuriugui ajim anʉm. Mʉ bag mʉg vinojo ãrbarmuata Ẽwandamau, ĩsmua atagan chadau pãar peerdʉ wenʉrraju aai nʉm a jaau simgui ajim anʉm.

Mag ich dau aphʉʉ aju khĩirjuwia gaai machag thʉnʉmua warag oraa nʉmta, khajapham nemjo thet phʉreu ahau aajeejim anʉm. Mamagkhamua jʉache thʉnʉm oowain sĩi jʉa gaai bagpata ober thʉnʉm theutkha thʉnaajim anaabá.]

Mamʉ pãar ee magju aai khaba nʉmgui ajim anʉm. Mag khãyau chadcha thethem awia khãijã warag serbiibamjota aju aai sim; maagwai chi porkha simta jũrr ich chogjota aju aai simgui ajim anʉm.

Magbaawai Jesuu jũrr irig, —Pedro ajim anʉm, pʉ mag iekha chirʉm ãba, nau õrau pʉchig jeeuwai, ãthãrr bĩeju nawe biek thãrjup purua amag bʉ̃ʉrjã mʉ khaugba chitʉm a jaaujugui ajim anʉm.