Oblíbené biblické verše z Dehet deng Apan-kloma ki in Dadi ka 15

Sdílet

Ti Abram sium AMA LAMTUA in teka ka. Kon AMA LAMTUA noken un noan atuil in dalen lolo, undeng Abram parsai se Una.

Hidi nam, AMA LAMTUA tulu-balang apa ka bel Abram, le tekan noan, “Abram! Ku lii deken. Ta Auk man tiud bel ku deng ku musu las. Nol mam Auk bel ku in hapu tene.”

Kon Un kil puting Abram, hidim tekan noan, “Olan ku ngat laok bus el apan nua, le tinang duun nas. Ku kaih nalas se? Mam ku in hua-koet tas mamon na el duun nas kon!”

Mo AMA LAMTUA siut noan, “Ela lo! Ta ku anam ma esa man haup pusaka las, mo ata na lo.”

Hidi kon Ama Lamtua Allah tek un noan, “Abram! Mam ku nunuil le didiin ku blalan isi, halas-sam ku mate nol leko-leko, le oen puan ku nol babanan. Mo ku in hua-koet tas lakos daid atuil in laok-maa se atuil didang ingu-dale. Mam bangsa deng ingu-dale na tao oen le daid ata, hidim tudan-kidas le tao sus oen muun isi, didiin taun ngatus aat. Mo mam Auk hukung bangsa na. Hidim Auk kil puting ku in hua-koet tas deng dale na, nol oen kil hmuki-pusaka mamo-mamo.

Mo Abram siut noan, “Eee, Ama Lamtua Allah. Ama Lamtua bel auk mamo nas ela kon no, muik nahin saa lo. Ta auk muik aan le halin pesang bel auk in hua-koet tas lo. Tiata kom le haup pusaak mamo taung in tao saa ka? Bole-bole lam, auk ata in dake Eliasar deng Damsik man haup totoang.”

Dedeng na kon, AMA LAMTUA butu-kil in hida nol Abram. Un tekan noan, “Auk hida, le mam Auk bel dale ni se ku in hua-koet tas, kilan deng palun Mesir, lako lius se palun Efrat

Mam Auk ator le, ku in hua-koet tas lako lius bata lima la, man pait maas se lias. Halas ni, atuil Amori las daad ne dale ni dapas. Atuil nias daat, molam muun isi lo bii. Eta mam ku upu kia-kaon nas pait maas se ni son nam, Auk le pake one, le hukung sii-sakeng atuil Amori las. Ta se dedeng na lam, oen in daat ta lai-lisin son.”