Binumarien: Fúka Moodaanaki Kira Ufa Afaqínaasa Ufa (New Testament)

Fúka Moodaanaki Kira Ufa Afaqínaasa Ufa

<div class="version vid842 iso6393bjr" data-vid="842" data-iso6393="bjr">
 <div class="book bkJHN">
 <div class="chapter ch11" data-usfm="JHN.11">
 <div class="label">11</div><div class="s">Rasarusafa kuqu ufafa.</div><div class="p"> 1Faiq&#237; moo auqu Rasarusafa mifa Beetani maqusaindaraafa aurida marinau. Rasarusafa nar&#237; asookiqanda Mariana amarana faqa Maratana faqa misa Beetani maqusaindaraasa mariqau. 2Mariafa maafa kasooqaqee amiqira afundimaru fadameena Yisuna aikusaa adiaseenoo nar&#237; akiaqa asausi kisaaqannai rukaaninafa maana mi Mariafa maridanoo. Sia Yisuna anoofau mina amarafa marinau. 3Mi Mariana afasaafa Rasarusafa kuqira aurira maroofaqa mina asookiqanda qafamaseeqa faiq&#237; moo aiqeeqa anee Yisuna ooqu afiqee uruannee qufanoo ooqu finau. Mifa maaqi qinau ani afaaqasaa aqoondi Rasarusafa kuqira aurirana maraidanoo.</div><div class="p"> 4Yisufa mi ufana iriseenoo nar&#237; faiqi namu qimanniminau. Rasarusafa aurida maridanoo. Sia kuqiranaki firarau Rasarusafa mi aurirana maraidanoofau mina auriranannai Anutufa nar&#237; amaaku qini duqu uqeeraanifeera mi aurirana maraidanoo.</div><div class="p"> 5Yisufa miqanda qisanasaasa faqa misa nisookinara faqa kaaqa misara rimarinau. Yisuna afaaqasaa aqoondi marunara rimarinau. 6Rasarusana auriranara iriseenoo sia dauni finau qaara afuru faiqanau. 7Qaara afuru faiqee iqaqoofanoo nar&#237; faiqi namu qimanniminau. Uqeeraifaqa innisaimbaqa kafaa qumurandee Yudeea maqa maaqai Rasarusafa aurida qina ooru qafa.</div><div class="p"> 8Miqi qufaqa misa tautumandee maaqi qiqau, Oo ufasaa rakisirafa innau kai Yuda maqannaa uriqararausa oonisamu ani arirara qufana kafaa fee miqoo fidanee.</div><div class="p"> 9Yisufa iriseenoo qinau, iqaqaifanoo kai suani urureenoo kaaqa qaidanoo. Faiq&#237; miqi mariqoo nidaqa sia saamuridaqa. Misa maa maqanasaa kaaqa qarafa marifaqa qafaida sia saamuridaqa. 10Faiq&#237; moo fannoo asukunai nidanoo oonisaa aikuamaki saamuridanoo, sia kaaqa qarafa minaki marinara miqidanoo Anutufa qi faasaana ooru fiqa sia saamuruanaura kaaqa qeemarina ooru fuanaura. 11Yisufa maaqi qimasee qimanniminau. Rasarusafa maasa qiqoondi doo faiqaqee ifaqa qinee oorureeqa afaurianaura.</div><div class="p"> 12Mina faiqi namu mina iriseeqa qiqau. Oo karaambaiqa mifa fifau faiqaqee idanoo findifuannoo amiqirafa.</div><div class="p"> 13Yisufa kuqiranara faiqeefoo qimasoofaqa misa sia iriqau. 14Minara Yisufa kooroo qimasee qinau. Rasarusafa doo kuquaraasinoo maridanoo. 15Dufi dufi sia qinee miqoo maridaqa inniara iridaqa kasooqaqee Anutuna afeeka qafeeqa kuqaa qiniara Anutuna amaaku fee qifaranoo doo uqeeraifaqa fua Rasarusafinnai.</div><div class="p"> 16Toomasina auqu qaara auqu marinau. Moo auqu Toomasifa moo auqu Qaaraqanda maqara fee qimariqau. Toomasifa Yisufa Yudeeaa maqa maaqai ooru firanara iriseenoo qinau. Doo uqeeraifaqa maasa ufasaa rakisirana faqa Yeerusareenni oorureeqa moodaanaki kuquanauree qimasoofaqa misa aiqama Yisuna faqa Yooradanna nammarindari ooru fiqau.</div><div class="s">Yisufa kuqiranakiqari findifirana faqa kaqi marirana faqa faqaafa maridanoo mi ufafa.</div><div class="p"> 17Nar&#237; Yisufa iriseenoo Beetani maqusai ooruroofaqa qimamiqau Rasarusafa doo innau kuqufufaqa akundamaqaafanoo qaara faqa qaara faqa eenda madikaki faiqaqee idanoo. 18Beetani maqusa Yeerusaree aaqa uqanna maridanoo. (Beetani maqusa Ubandeenara foora marida Yeerusaree maqusa Faarumaaqaira foora marinau.) 19Yeerusaree adeedi marunara moomoo mindaraasa qumuree Maratasa Mariasa dadaaqi ikifaafau qida roo&#237;pee mariqau. N&#225;ri nifasaafa Rasarusafa kuqunara ikiraqee mariqau.</div><div class="p"> 20Maratafa Yisufa ani qu ufana iriseenoo raudamakufanoo oonu afiqaidanoo minara qimamirara fufanoo Mariafa kaqi maaqaki marinau. 21Maratafa Yisuna qafamasee qimaminoo qinau, Oo Karaambaiqa anee anirainanoofau sia qini qifasaafa kuqiqini. Qaara faqa qaara faqa faasaana doo kuqufifaqa akundamasee maridaqa. 22Miqinoo marifaqa maridaqa, aneenna kai maqee nana ainainaree Anutufinnai nana ainainaree innaaru qinanoo ani amiannoo.</div><div class="p"> 23Maratafa nar&#237; asookifa kuqunara iridanoo miqi qimasee qimaminau. Yisufa irisee qimaminoo qinau, Anutufa ani afasaana kaifaa mara findifumaiseenoo kaqi marirana amiannoo.</div><div class="p"> 24Maratafa mina iriseenoo qinau maa maqa maaqafa taikara faasaana Anutufa qini qisookina uqeerasee kaqi marirana amiannoo qinee minara iridaqa.</div><div class="p"> 25Yisufa qimaminau, kuqiranakiqari mara findifirafa qiniki maridanoo. Kaqi marirana marirafa qiniki maridanoo. Yafasiqa anaasee fee qini saqarikinoo kuqinoo kaqi mariannoo kuqiranakiqari findifirafa qiniki marinara kaqi mariannoo. 26Yafasiqa anaasee fee kaqi maridanoo qini saqarikinoo naaru sia kuquannoo kaqi marirana marirafa qiniki marinara naaru naaru sia kuquannoo. Marata anee minara kuqaa fee qidanee.</div><div class="p"> 27Maratafa iriseenoo qinau, eeoo karaambaiqa anee ooqai maa maqa maaqanaki qumuaneera asauku mundirafa Anutuna amaaku uqanna marianafa marianaqa qinee minara kuqaa iridaqa.</div><div class="s">Yisufa ikiraqoo ufafa.</div><div class="p"> 28Maratafa miqi qimaseenoo quandaki maqusai oonureenoo qumee kai Mariana aaramasee qimaminau. Ufasaa rakisirafa anidanoo ani aaraidanoo. 29Mariafa mi ufana iriseenoo kaqi kaqi findimeeqee kaqi unnaqufanoo oonu afiqarara finau. 30Yisufa sia maqusai aninau. Aanai Maratafa paquruqoo miqoo kai kaqi marinau. 31Mariafa raudamaki kaqi unnaqufanoo fufaqa Yuda maqannaasaa mina faqa mariusa mina qafamasee minara madikai ikiraqarara fidanoommifoo qimasee afaqee fiqau.</div><div class="p"> 32Mariafa Yisufa marunnai oonu qafeenoo oorindari maqasaa aqufinoo ufa qimaminau. Oo karaambaiqa anee animariananoofau sia qini qifasaafa kuqiqini.</div><div class="p"> 33Yisufa Mariana ikiraqarana qafoofanoo amuqusufanoo Yeerusaree maqannaasa faqa ikiraqoona qafoofanoo amuqusinoo mina aunduraki mandaikinau.</div><div class="p"> 34Miqimasee Yisufa irammirinoo qinau. Innee yai fee Rasarusana akundee fee qufaqa misa qiqau Karaambaiqa doo mai aniree qafa. 35Miqi qufanoo Yisufa faqa ikiraqanau. 36Yeerusaree maqusanaasa miqoo mariusa mina ikiraqarana qafeeqa qiqau. Oo qafa mifa minara kaaqa rimarifa ikiraqaidanoo. 37Miqi qufaqa akaqausa niqira ufa qiqau. Mifa nifu dimbarausa amiqimannisee marifa nanaree Rasarusana qaoo qinanoo sia kuquaqaana.</div><div class="s">Yisufa Rasarusana kuqiranakinaana uqeeroo ufafa.</div><div class="p"> 38Yisufa nar&#237; kai misa miqi qu ufanara akooqoofanoo nar&#237; aunduraki mandaikufanoo mi ufanara aiaaee qimaseenoo madikai oonuranau. Rasarusana iri ooni aamaraki quqasee ooni firaatia qumaree ititaqoofanoo marinau. 39Yisufa qimanniminoo qinau. Innee maa oonina rafaqaameeqeeqa quanda quandamma aquaqa. Miqi qimasoofaqa Maratafa Rasarusana auna qinau, Oo karaambaiqa mifa qaara faqa qaara faqa afuru faififa marifaqa afunda mandaikammimarifaqa.</div><div class="p"> 40Yisufa iriseenoo qimaminau. Qinee faasai qimamunnana anee qini saqarikinana anee Anutuna afeeka eeraarirana qafeennaranoo. 41Misa mina iriseeqa ooni firaatia afeeqeeqee mafi quqasoofanoo Yisufa nar&#237; oori uqeeraseenoo Anutunara akooqoo innaaru qinoo qinau, Oo qini qikoofa dufi dufi anee qini ufa irimarianafa mariananoo. 42Anee maqee maqee qini innaaru qirana irimarianafa marianaqa. Maaqoo mariasa iriaqeera innaaru qidaqa. Maaqoo mariasa anee qini diqiqamaqoonnanara iriaqeera innaaru qidaqa. 43Yisufa miqi qimaseenoo innaaru qimaseenoo firaa kari kuqirana aareenoo qinau. Rasarusa minakiqari rauda. 44Miqi qimasoofanoo qamunna afaaqa kukuqamaqoofa kaqi marufanoo Rasarusafa findifinoo raudee qumuranau. Mina akiaqa faqa qamunna rumbaqoonarirandee qumuranau. Yisufa qimanniminoo qinau. Doo qamunna idukusaifanoo fuani, qimasoofaqa miqimandoofanoo andeeqasoofanoo finau.</div><div class="s">Yisuna arirara tipundaaru ufafa.</div><div class="r">(Mat 26:1-5; Mak 14:1-2; Ruk 22:1-2)</div><div class="p"> 45Yeerusaree maqusanaasa moomoosa Rasarusanara ikiraqeeusa misa Yisufa Rasarusana findifumasoona qafeeqa kuqaa Anutuna faiqi fee qimasee minasaa mundiqa mariqau. 46Misakiqari akaqausa Farisai amaana ufa qimarusa nimaaqai Yeerusareenni ooruree Yisufa Rasarusana findifunara niranaqarufa qimannimiqau. 47Misa mina iriseeqa Farisai amaana ufa qimarusa faqa amaana maqasaa rakisimarusa faqa aiqama faiq&#237; firaasa rakisirausa faqa moodaa qoo suqufi ufa qidaqa qiqau. Maasa naqi fee masee mina Yisuna rafaaqafuanauree. Maa fasiqafa Yisufa moomoo firaa ainaina naaquqara ainaina auqaidanoo. 48Maasa mina afauaidaqa faiq&#237; anaasee maasa minnisee minasaa kai atooqeefoora. Miqifanoo Roomma maqannaa sundiauqa anireeqa maasa faiq&#237; anaasee faqa daru taikaidaqa maasa naaquqara amaana maqa faqa rapeepaamma aqifaranoo. Miqifaqa maasa Yuda maqannaa kuridianaura.</div><div class="p"> 49Misakina uriqararana auqu Kaiafasafa mifa qimanniminoo qinau. Inniki moo fannoo sia irirana faisa mariafanoo. 50Faiq&#237; anaasee maasa aiqama kuquanoora moodaa fannoo aiqamausara kuqifaqa amana maasa amiqimandee marianaura. [ 51-52Kaiafasafa sia nar&#237; kaifau mi ufana qimanniminau. Anutufa qimamunara kai mi ufana qimanniminau. Kaiafasafa Yisunara Yuda maqannaasa nikiaqara kuquannoo Anutuna faiqi namu mina ufa irimarinausara faqa moodaa iriranasaa mariaqeera kuquannoo fee qinau.]</div><div class="p"> 53Doo mi faasaannasaaqari Yuda maqannaa uriqararausa Yisuna arira ufa oosanarasee deedaqiqau. 54Yisufa mina iriseenoo miqooqari sia Yudeeaa maqa maaqaki akooqoo nimarinau. Maqusa moo auqu Eefaraimma maqusai nar&#237; faiqi namufaqa ooqu marinau. Eefaraimma aadana maqa maaqa atisaa marinau.</div><div class="p"> 55Yisufa Eefaraimma maqa maaqaki marufanoo Yuda maqannaa qoomaqa firaa qoomaqa ainnaaqarara qoomaqa adeedi ranau. Aukuana aukuana Yuda maqannaa oosana ainnaaqarara qoomaqa adeedi ramafufaqa faiq&#237; anaasee aiqama suqumaree miqoo Yeerusaree maqusai ooruraidaqa n&#225;ri mandainaina findaukee mariqau. Aukuana aukuana miqimariqau. 57Amaana maqasaa rakisimarusa faqa Farisai amaana ufa qimarusa faqa Yisunara faiq&#237; anaasee qimannimiqau. Innee ninnabaqa Yisuna paqurimasee dadi oonurandee mini qimaqimifaqa maasa mina qumaraanaura. 56Faiq&#237; anaasee firaa amaana maqaki Yeerusareenni suqufufaqa Yisunara randaidaqa maaqi qimasee nar&#237; qimami nar&#237; qimami qiqau. Yisufa firaa qoomaqaki anifeeraannoo sia fee aniraannoo. Innee minara nana iriree iridee.</div>
 </div>
 </div>
</div>

Faiqí moo auqu Rasarusafa mifa Beetani maqusaindaraafa aurida marinau. Rasarusafa narí asookiqanda Mariana amarana faqa Maratana faqa misa Beetani maqusaindaraasa mariqau. Mariafa maafa kasooqaqee amiqira afundimaru fadameena Yisuna aikusaa adiaseenoo narí akiaqa asausi kisaaqannai rukaaninafa maana mi Mariafa maridanoo. Sia Yisuna anoofau mina amarafa marinau. Mi Mariana afasaafa Rasarusafa kuqira aurira maroofaqa mina asookiqanda qafamaseeqa faiqí moo aiqeeqa anee Yisuna ooqu afiqee uruannee qufanoo ooqu finau. Mifa maaqi qinau ani afaaqasaa aqoondi Rasarusafa kuqira aurirana maraidanoo.
Yisufa mi ufana iriseenoo narí faiqi namu qimanniminau. Rasarusafa aurida maridanoo. Sia kuqiranaki firarau Rasarusafa mi aurirana maraidanoofau mina auriranannai Anutufa narí amaaku qini duqu uqeeraanifeera mi aurirana maraidanoo.
Yisufa miqanda qisanasaasa faqa misa nisookinara faqa kaaqa misara rimarinau. Yisuna afaaqasaa aqoondi marunara rimarinau. Rasarusana auriranara iriseenoo sia dauni finau qaara afuru faiqanau. Qaara afuru faiqee iqaqoofanoo narí faiqi namu qimanniminau. Uqeeraifaqa innisaimbaqa kafaa qumurandee Yudeea maqa maaqai Rasarusafa aurida qina ooru qafa.
Miqi qufaqa misa tautumandee maaqi qiqau, Oo ufasaa rakisirafa innau kai Yuda maqannaa uriqararausa oonisamu ani arirara qufana kafaa fee miqoo fidanee.
Yisufa iriseenoo qinau, iqaqaifanoo kai suani urureenoo kaaqa qaidanoo. Faiqí miqi mariqoo nidaqa sia saamuridaqa. Misa maa maqanasaa kaaqa qarafa marifaqa qafaida sia saamuridaqa. Faiqí moo fannoo asukunai nidanoo oonisaa aikuamaki saamuridanoo, sia kaaqa qarafa minaki marinara miqidanoo Anutufa qi faasaana ooru fiqa sia saamuruanaura kaaqa qeemarina ooru fuanaura. Yisufa maaqi qimasee qimanniminau. Rasarusafa maasa qiqoondi doo faiqaqee ifaqa qinee oorureeqa afaurianaura.
Mina faiqi namu mina iriseeqa qiqau. Oo karaambaiqa mifa fifau faiqaqee idanoo findifuannoo amiqirafa.
Yisufa kuqiranara faiqeefoo qimasoofaqa misa sia iriqau. Minara Yisufa kooroo qimasee qinau. Rasarusafa doo kuquaraasinoo maridanoo. Dufi dufi sia qinee miqoo maridaqa inniara iridaqa kasooqaqee Anutuna afeeka qafeeqa kuqaa qiniara Anutuna amaaku fee qifaranoo doo uqeeraifaqa fua Rasarusafinnai.
Toomasina auqu qaara auqu marinau. Moo auqu Toomasifa moo auqu Qaaraqanda maqara fee qimariqau. Toomasifa Yisufa Yudeeaa maqa maaqai ooru firanara iriseenoo qinau. Doo uqeeraifaqa maasa ufasaa rakisirana faqa Yeerusareenni oorureeqa moodaanaki kuquanauree qimasoofaqa misa aiqama Yisuna faqa Yooradanna nammarindari ooru fiqau.

Narí Yisufa iriseenoo Beetani maqusai ooruroofaqa qimamiqau Rasarusafa doo innau kuqufufaqa akundamaqaafanoo qaara faqa qaara faqa eenda madikaki faiqaqee idanoo. Beetani maqusa Yeerusaree aaqa uqanna maridanoo. (Beetani maqusa Ubandeenara foora marida Yeerusaree maqusa Faarumaaqaira foora marinau.) Yeerusaree adeedi marunara moomoo mindaraasa qumuree Maratasa Mariasa dadaaqi ikifaafau qida rooípee mariqau. Nári nifasaafa Rasarusafa kuqunara ikiraqee mariqau.
Maratafa Yisufa ani qu ufana iriseenoo raudamakufanoo oonu afiqaidanoo minara qimamirara fufanoo Mariafa kaqi maaqaki marinau. Maratafa Yisuna qafamasee qimaminoo qinau, Oo Karaambaiqa anee anirainanoofau sia qini qifasaafa kuqiqini. Qaara faqa qaara faqa faasaana doo kuqufifaqa akundamasee maridaqa. Miqinoo marifaqa maridaqa, aneenna kai maqee nana ainainaree Anutufinnai nana ainainaree innaaru qinanoo ani amiannoo.
Maratafa narí asookifa kuqunara iridanoo miqi qimasee qimaminau. Yisufa irisee qimaminoo qinau, Anutufa ani afasaana kaifaa mara findifumaiseenoo kaqi marirana amiannoo.
Maratafa mina iriseenoo qinau maa maqa maaqafa taikara faasaana Anutufa qini qisookina uqeerasee kaqi marirana amiannoo qinee minara iridaqa.
Yisufa qimaminau, kuqiranakiqari mara findifirafa qiniki maridanoo. Kaqi marirana marirafa qiniki maridanoo. Yafasiqa anaasee fee qini saqarikinoo kuqinoo kaqi mariannoo kuqiranakiqari findifirafa qiniki marinara kaqi mariannoo. Yafasiqa anaasee fee kaqi maridanoo qini saqarikinoo naaru sia kuquannoo kaqi marirana marirafa qiniki marinara naaru naaru sia kuquannoo. Marata anee minara kuqaa fee qidanee.
Maratafa iriseenoo qinau, eeoo karaambaiqa anee ooqai maa maqa maaqanaki qumuaneera asauku mundirafa Anutuna amaaku uqanna marianafa marianaqa qinee minara kuqaa iridaqa.

Maratafa miqi qimaseenoo quandaki maqusai oonureenoo qumee kai Mariana aaramasee qimaminau. Ufasaa rakisirafa anidanoo ani aaraidanoo. Mariafa mi ufana iriseenoo kaqi kaqi findimeeqee kaqi unnaqufanoo oonu afiqarara finau. Yisufa sia maqusai aninau. Aanai Maratafa paquruqoo miqoo kai kaqi marinau. Mariafa raudamaki kaqi unnaqufanoo fufaqa Yuda maqannaasaa mina faqa mariusa mina qafamasee minara madikai ikiraqarara fidanoommifoo qimasee afaqee fiqau.
Mariafa Yisufa marunnai oonu qafeenoo oorindari maqasaa aqufinoo ufa qimaminau. Oo karaambaiqa anee animariananoofau sia qini qifasaafa kuqiqini.
Yisufa Mariana ikiraqarana qafoofanoo amuqusufanoo Yeerusaree maqannaasa faqa ikiraqoona qafoofanoo amuqusinoo mina aunduraki mandaikinau.
Miqimasee Yisufa irammirinoo qinau. Innee yai fee Rasarusana akundee fee qufaqa misa qiqau Karaambaiqa doo mai aniree qafa. Miqi qufanoo Yisufa faqa ikiraqanau. Yeerusaree maqusanaasa miqoo mariusa mina ikiraqarana qafeeqa qiqau. Oo qafa mifa minara kaaqa rimarifa ikiraqaidanoo. Miqi qufaqa akaqausa niqira ufa qiqau. Mifa nifu dimbarausa amiqimannisee marifa nanaree Rasarusana qaoo qinanoo sia kuquaqaana.

Yisufa narí kai misa miqi qu ufanara akooqoofanoo narí aunduraki mandaikufanoo mi ufanara aiaaee qimaseenoo madikai oonuranau. Rasarusana iri ooni aamaraki quqasee ooni firaatia qumaree ititaqoofanoo marinau. Yisufa qimanniminoo qinau. Innee maa oonina rafaqaameeqeeqa quanda quandamma aquaqa. Miqi qimasoofaqa Maratafa Rasarusana auna qinau, Oo karaambaiqa mifa qaara faqa qaara faqa afuru faififa marifaqa afunda mandaikammimarifaqa.
Yisufa iriseenoo qimaminau. Qinee faasai qimamunnana anee qini saqarikinana anee Anutuna afeeka eeraarirana qafeennaranoo. Misa mina iriseeqa ooni firaatia afeeqeeqee mafi quqasoofanoo Yisufa narí oori uqeeraseenoo Anutunara akooqoo innaaru qinoo qinau, Oo qini qikoofa dufi dufi anee qini ufa irimarianafa mariananoo. Anee maqee maqee qini innaaru qirana irimarianafa marianaqa. Maaqoo mariasa iriaqeera innaaru qidaqa. Maaqoo mariasa anee qini diqiqamaqoonnanara iriaqeera innaaru qidaqa. Yisufa miqi qimaseenoo innaaru qimaseenoo firaa kari kuqirana aareenoo qinau. Rasarusa minakiqari rauda. Miqi qimasoofanoo qamunna afaaqa kukuqamaqoofa kaqi marufanoo Rasarusafa findifinoo raudee qumuranau. Mina akiaqa faqa qamunna rumbaqoonarirandee qumuranau. Yisufa qimanniminoo qinau. Doo qamunna idukusaifanoo fuani, qimasoofaqa miqimandoofanoo andeeqasoofanoo finau.


Yeerusaree maqusanaasa moomoosa Rasarusanara ikiraqeeusa misa Yisufa Rasarusana findifumasoona qafeeqa kuqaa Anutuna faiqi fee qimasee minasaa mundiqa mariqau. Misakiqari akaqausa Farisai amaana ufa qimarusa nimaaqai Yeerusareenni ooruree Yisufa Rasarusana findifunara niranaqarufa qimannimiqau. Misa mina iriseeqa Farisai amaana ufa qimarusa faqa amaana maqasaa rakisimarusa faqa aiqama faiqí firaasa rakisirausa faqa moodaa qoo suqufi ufa qidaqa qiqau. Maasa naqi fee masee mina Yisuna rafaaqafuanauree. Maa fasiqafa Yisufa moomoo firaa ainaina naaquqara ainaina auqaidanoo. Maasa mina afauaidaqa faiqí anaasee maasa minnisee minasaa kai atooqeefoora. Miqifanoo Roomma maqannaa sundiauqa anireeqa maasa faiqí anaasee faqa daru taikaidaqa maasa naaquqara amaana maqa faqa rapeepaamma aqifaranoo. Miqifaqa maasa Yuda maqannaa kuridianaura.
Misakina uriqararana auqu Kaiafasafa mifa qimanniminoo qinau. Inniki moo fannoo sia irirana faisa mariafanoo. Faiqí anaasee maasa aiqama kuquanoora moodaa fannoo aiqamausara kuqifaqa amana maasa amiqimandee marianaura. [ Kaiafasafa sia narí kaifau mi ufana qimanniminau. Anutufa qimamunara kai mi ufana qimanniminau. Kaiafasafa Yisunara Yuda maqannaasa nikiaqara kuquannoo Anutuna faiqi namu mina ufa irimarinausara faqa moodaa iriranasaa mariaqeera kuquannoo fee qinau.]
Doo mi faasaannasaaqari Yuda maqannaa uriqararausa Yisuna arira ufa oosanarasee deedaqiqau. Yisufa mina iriseenoo miqooqari sia Yudeeaa maqa maaqaki akooqoo nimarinau. Maqusa moo auqu Eefaraimma maqusai narí faiqi namufaqa ooqu marinau. Eefaraimma aadana maqa maaqa atisaa marinau.
Yisufa Eefaraimma maqa maaqaki marufanoo Yuda maqannaa qoomaqa firaa qoomaqa ainnaaqarara qoomaqa adeedi ranau. Aukuana aukuana Yuda maqannaa oosana ainnaaqarara qoomaqa adeedi ramafufaqa faiqí anaasee aiqama suqumaree miqoo Yeerusaree maqusai ooruraidaqa nári mandainaina findaukee mariqau. Aukuana aukuana miqimariqau. Amaana maqasaa rakisimarusa faqa Farisai amaana ufa qimarusa faqa Yisunara faiqí anaasee qimannimiqau. Innee ninnabaqa Yisuna paqurimasee dadi oonurandee mini qimaqimifaqa maasa mina qumaraanaura. Faiqí anaasee firaa amaana maqaki Yeerusareenni suqufufaqa Yisunara randaidaqa maaqi qimasee narí qimami narí qimami qiqau. Yisufa firaa qoomaqaki anifeeraannoo sia fee aniraannoo. Innee minara nana iriree iridee.

Poslouchat Yoohanee 11