Dangaleat - 2012 Edition (NT)

<div class="version vid354 iso6393daa" data-vid="354" data-iso6393="daa">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s1">Iisa Masi, &#331;aar Kaaw ta Bu&#331;di</div><div class="p"> 1Awalle, min Bu&#331; bal kilgiyin misa duniine, gem kaak &#331;u koliy Kaaw ta Bu&#331;di goy ko. &#330;a goy sawa i&#331; Bu&#331; ho &#331;aar meen&#816;ji di Bu&#331;. 2Min Bu&#331; bal kilgiyin misa duniine, &#331;a goy ko i&#331; &#331;aara. 3I&#331; Kaaw-at di, Bu&#331; kilgiyiig gamin okin&#816;co. Maan ginno kaak &#331;a kilgiytu bal taara. 4Ta taar kat ber goye &#599;o gamin okin&#816;co. Ho i&#331; goye kanti ko, gee taltu portikaw. 5Portikaw-at caapiy &#599;o gondikor, kar gondikaw baltit gine maanna.</div><div class="p"> 6Kar gay, gin gem rakki kaak Bu&#331; n&#816;aamtu, &#331;u kolaag Yaaya-Batist. 7&#330;aar as kaawe &#599;o geemir &#599;o bi ka &#331;aar kaak gaarit portikaw-ata, asaan gee yaa cokiye kaawoy ho &#331;uu aamine i&#331; &#331;aara. 8Yaaya gay, &#331;aar meen&#816;ji&#599;o kat portikaw, &#331;aar as kaawe biti di. 9Portikaw-at taar ko seene. Taar as &#599;o adiy ka ki&#599;ar ho ta caapiy &#599;o gee okin&#816;co.</div><div class="p"> 10Gem kaak &#331;u koliy Kaaw-ak, &#331;aar goy &#599;o adiy ka ki&#599;ar. I&#331; &#331;aar ko, Bu&#331; kilgiyiig ki&#599;a. Kar gee kuuk &#599;o adiy ka ki&#599;ar gay bal ibinin&#816;ji. 11&#330;a &#595;aaw goye i&#331; geen&#816;ji ku meen&#816;ji, kar geen&#816;ji gay bal obin&#816;ji. 12Kar &#599;o gee kuuk obga ho kuuk aamin i&#331; si&#331;ji, &#331;a berco botol taat &#331;uu gine koogin ku Bu&#331;di. 13&#330;uu gine kooginay-ak, asaan Bu&#331; kat bercog wee ka marbinto. Wee &#331;aar-ak wala isgig i&#331; niyin ta gemor, wala i&#331; pikirre ta gemor.</div><div class="p"> 14Gem kaak &#331;u koliy Kaaw-ak gintu gemo ho &#331;a astu goye i&#331; ginte. Gi talit *darjiney taat &#331;a gastu min Tacco Bu&#331;. Darjiney-at, taar ko ta Ro&#331;ji ka da&#331;giro.#1.14 &#8219;da&#331;giro&#8217; : Werin daarin&#816;, &#331;u kaawa a &#8219;ki&#599;a di&#8217; wal &#8219;rakki di&#8217;. I&#331; barkiney, &#331;a elgiy gee ho &#331;a gaariico seen ta Bu&#331;di.</div><div class="p"> 15Yaaya gay, &#331;aar kaaw biy. &#330;a kaawtu ra&#599;a aman : &#171; Talo&#331; ! A&#331; ko gem kaak nu kaawiiko awalle aman : &#8223; Gin gem rakki kaak yaa ase &#599;o aaror, kar gay, &#331;a ogirdu. Asaan min nu bal ase misan di, &#331;aar goy ko. &#8221; &#187;</div><div class="p"> 16Paa ko, i&#331; selli&#331;kuwiy-at, &#331;a barkiyiite dakina, okinte &#331;a barkiyaate&#331; di gaay i&#331; gaayo. 17Awalle Bu&#331; berte&#331; *gaanuun min &#599;o pise ka Muusa. Kar barkin i&#331; seen gay, Bu&#331; berte&#331;gu i&#331; ase ka Iisa Masi. 18Ginno waan kaak talig Bu&#331;. Illa Ro&#331;ji ka da&#331;giro, &#331;aar kaak goy sawa i&#331; Bu&#331;-ak di, gaarte&#331;ga.</div><div class="s1">Kaawo &#599;o bi ka Yaaya-Batist</div><div class="r">(Matiye 3.1-12, Maark 1.1-8, Luk 3.1-18)</div><div class="p"> 19&#435;iriy rakki, agindaw ku Yuudinnar kuuk goy Zeruzaleem n&#816;aamtu gay satkiner i&#331; gee ku min baaco tan&#816; *Lebi a &#331;uu gasin&#816; Yaaya. Min &#331;u gasga, &#331;u indiig aman : &#171; Ki&#331; waa ? &#187; 20&#330;aar gay balco cigile maanna. &#330;a telkiico aman : &#171; Nun-a&#331; Masi&#599;o. &#187; 21&#330;uur gay indiig pey aman : &#171; Di ki&#331; ke waa ? Wal ki&#331; ko *Eli ? &#187; Yaaya gay telkiico aman : &#171; Ha&#8217;a ! Nun Eli&#599;o. &#187; &#330;u indiig pey aman : &#171; Di wal ki&#331; ko nabiin&#816;ce kaak &#331;u kaawtu biy &#599;o Kitamner-aka ? &#187; &#330;aar gay telkiico aman : &#171; Ha&#8217;a ! &#330;a nunno. &#187; 22Kar &#331;uur gay &#599;iyiiji aman : &#171; Di ki&#331; waa ? Ki kaawa maa &#599;o bi kan&#816;ji&#331; ? Asaan ni raka niico yeepe kaaw &#599;o &#331;uur kuuk n&#816;aaminti. &#187; 23Yaaya telkiico aman : &#171; Nun ko gem kaak nabi Ezaayi kaawtu biy aman : &#8223; Gin gem rakki koola &#599;o kalaaner a *Rabbinte asaw. Uco&#331;, siyon&#816;ji botol &#599;ala&#331;. &#8221;#1.23 Wer ka gase kaawor &#599;o Ezaayi 40.3. &#187;</div><div class="p"> 24Min gee kuuk &#331;u n&#816;aamtu &#599;o Yaaya, goy oki gee kuuk &#331;u koliy *Pariziyenna. 25&#330;u indiig aman : &#171; Di ya ki&#331; kat Masi&#599;o, wala ki Eli&#599;o, wala ki nabiin&#816;ce&#599;o kaak &#331;u kaawtu biy &#599;o Kitamner-ak, maa di ki *batiziyiy gee ? &#187; 26Yaaya telkiico aman : &#171; Nun-a&#331; batiziya gee i&#331; amay di. Kar gem rakki goy &#599;o &#599;atikko kaak ku ibingig&#599;o. 27Gem-ak yaa ase &#599;o aaror, kar gay, nun bal nece kaak naa one, naa sorin&#816; n&#816;ugiray. &#187; 28Maanna-ak kuuniy &#599;o wer kaak Yaaya batiziyiy gee, &#599;o geeger ka Betani, aar barrer kaak &#331;u koliy Zurdan.</div><div class="s1">Iisa Masi, &#331;aar Ro&#331; Tamgi ka Bu&#331;di</div><div class="p"> 29Ka kawtinti, Yaaya taliig Iisa asaaji. &#394;o bi kan&#816;ji, &#331;a &#599;iytu aman : &#171; Talo&#331;, a&#331; ko *Ro&#331; tamgi ka Bu&#331;di, &#331;aar sooya zunuubinna ku geemir. 30&#394;o bi kan&#816;ji ko, nu &#599;iytu aman : &#8223; Goy gem rakki kaak yaa ase &#599;o aaror, kar gay, &#331;aar ogirdu. Asaan min nu bal ase misan di, &#331;aar goy ko. &#8221; 31Awalle, nunu oki ibingig&#599;o. Kar di&#331; gay, nun as *batiziye gee i&#331; amay a naa gaarin&#816;ji &#599;o gee ku Israyeel. &#187;</div><div class="p"> 32&#394;o bi ka Iisa Masi, Yaaya kaawtu pey aman : &#171; Nu tal Ruwwin ta Bu&#331;di paayiiji &#599;o Iisa ar ammaama ho ta goyiiji. 33Awalle nun ibingig&#599;o oki, kar gay, Bu&#331; kaak n&#816;aamintu a naa batiziye gee i&#331; amay kat kaawdu aman : &#8223; Ki asa tale gem rakki, Ruwwin ta Bu&#331;di yaaji paaye ho taaji goye. Gem &#331;aar-ak ko asa batiziye gee i&#331; Ruwwin ta Bu&#331;di. &#8221; 34Nun talig maanna-ak i&#331; odinar ho nu kaawaako ka seener, gem-a&#331;, &#331;aar Ro&#331; ka Bu&#331;di. &#187;</div><div class="s1">Gee kuuk tees aa&#599;in&#816; Iisa</div><div class="p"> 35Ka kawtinti, Yaaya-Batist goy pey &#599;o wer-ak i&#331; maajirnay seera. 36&#394;o wiktin taat &#331;a taliig Iisa biraw, &#331;a kaawtu aman : &#171; Talo&#331;, a&#331; ko *Ro&#331; tamgi ka Bu&#331;di ! &#187; 37Maajirnay ku Yaaya ku seer-ak dorit kaawoy taat &#331;a kaawtu-ata ho &#331;u teestu aa&#599;in&#816; Iisa. 38Iisa kolsitu ho &#331;a tala &#331;u aa&#599;aaga. &#330;a indiig aman : &#171; Ku aa&#599;iin gay ku bariya maa ? &#187; &#330;uur gay &#599;iyiiji aman : &#171; *Rabbine, ki&#331; goy momo ? &#187; (Si&#331; ku Rabbin-ak &#599;iya a &#171; Tatkaw &#187;.) 39&#330;aar gay telkiico aman : &#171; Aso&#331; tala. &#187; Hiyya, &#331;u daktu tal wer ka &#331;a goyiyo. Wiktin taar-at yaa nece&#331; ko pat poo&#599; ta maako. Hiyya, &#331;u eeltu i&#331; &#331;aara.</div><div class="p"> 40Min gee seer kuuk doriit kaaw ta Yaaya ho aa&#599;iig Iisa-ak, Andre si&#331;ji ka Simon Piyer sa goya. 41&#330;a uctu dakiig gas si&#331;ji Simon ho &#331;a miniig aman : &#171; Ni gasig *Masi. &#187; (Si&#331; ku Masi-ak &#599;iya a &#171; &#330;aar kaak Bu&#331; do&#595;tu. &#187;) 42Kar &#331;a iyiijig Simon &#599;o Iisa. Iisa taliig &#436;alaa&#331; kar &#331;a &#599;iyiiji aman : &#171; Ki&#331;ke Simon, ro&#331; ka Yaaya. Min &#436;iriyta-a&#331; gee yaan&#816; kole&#331; ko Sepaas. &#187; (Si&#331; ku Sepaas-ak &#599;iya a &#171; Piyer &#187;.#1.42 &#8219;Piyer&#8217; : &#8219;Sepaas&#8217; i&#331; kaaw ta Yuudinnar ho &#8219;Piyer&#8217; kaak asa min kaaw ta Grek, &#331;uur baaco rakki di a &#8219;dambi&#8217;.)</div><div class="p"> 43-44Ka kawtinti, Iisa ictu niyin taat &#331;aa &#595;aawe &#599;o ki&#599; ka Galile. &#394;o botildi, &#331;a &#331;aamtu i&#331; gem rakki si&#331;ji Pilip kaak min Betsayda, werco kan&#816; Andre i&#331; Piyer. Iisa &#599;iyiiji &#599;o Pilip aman : &#171; Aa&#599;nu ! &#187; 45Kar Pilip gay &#595;aa tale gem rakki si&#331;ji Natanayeel. Pilip &#599;iyiiji &#599;o Natanayeel aman : &#171; Ni gasig gem kaak &#331;u kaawtu biy &#599;o Kitamner, &#599;o *gaanuun ka Muusa ho &#599;o makaatamna ku nabiinnar oki. &#330;a Iisa ro&#331;ji ka Yuusup min geeger ka Nazareet. &#187; 46Kar Natanayeel gay &#599;iyiiji aman : &#171; Has min Nazareet kat amilgiy maan ka samaane ? &#187; Pilip gay telkiiji aman : &#171; Asu, ki &#595;aa tale. &#187;</div><div class="p"> 47Min Iisa taliig Natanayeel gaayji ko ote-ak, &#331;a kaawtu &#599;o biy kan&#816;ji aman : &#171; Talo&#331; ! A&#331; kat gem ka Israyeel kaak ta&#595;. &#330;aar-a&#331;, yoo raadin rakki oki, amilaa&#599;o minniney. &#187; 48Natanayeel gay indiig aman : &#171; Maman ki ibinginu ? &#187; Iisa telkiiji aman : &#171; &#394;o wiktin taat Pilip gasin&#816;ci&#331; &#599;o baat ta buguwar-ak di, nun talin&#816;ci&#331; ko. &#187; 49Min pa-ak, Natanayeel kaawtu aman : &#171; Gem kol Rabbiney, nu iban kadar ki&#331; kat Ro&#331; ka Bu&#331;di, Sultan ka Israyeel ! &#187; 50Iisa telkiiji aman : &#171; Nu kaawaaji&#331; ja a nu talin&#816;ci&#331; &#599;o baat ta buguwar-ata, ampaa &#599;oo wal ki aamintu kadar nu Ro&#331; ka Bu&#331;di ? Hadi ki asa tale misa gamin kuuk ajbay pa-ak &#331;uur-a&#331;ku. 51Cokiyo&#331;, naako kaawe seene. Ku asa tale samaan yaa pile waakilak ho *&#599;ubal ku Bu&#331;di yaa paayguwe ho &#331;uu cokguwe, &#331;uu birguwe min &#599;o werir, nun *Ro&#331; gemor. &#187;</div>
 </div>
 </div>
</div>

Awalle, min Buŋ bal kilgiyin misa duniine, gem kaak ŋu koliy Kaaw ta Buŋdi goy ko. Ŋa goy sawa iŋ Buŋ ho ŋaar meen̰ji di Buŋ. Min Buŋ bal kilgiyin misa duniine, ŋa goy ko iŋ ŋaara. Iŋ Kaaw-at di, Buŋ kilgiyiig gamin okin̰co. Maan ginno kaak ŋa kilgiytu bal taara. Ta taar kat ber goye ɗo gamin okin̰co. Ho iŋ goye kanti ko, gee taltu portikaw. Portikaw-at caapiy ɗo gondikor, kar gondikaw baltit gine maanna.
Kar gay, gin gem rakki kaak Buŋ n̰aamtu, ŋu kolaag Yaaya-Batist. Ŋaar as kaawe ɗo geemir ɗo bi ka ŋaar kaak gaarit portikaw-ata, asaan gee yaa cokiye kaawoy ho ŋuu aamine iŋ ŋaara. Yaaya gay, ŋaar meen̰jiɗo kat portikaw, ŋaar as kaawe biti di. Portikaw-at taar ko seene. Taar as ɗo adiy ka kiɗar ho ta caapiy ɗo gee okin̰co.
Gem kaak ŋu koliy Kaaw-ak, ŋaar goy ɗo adiy ka kiɗar. Iŋ ŋaar ko, Buŋ kilgiyiig kiɗa. Kar gee kuuk ɗo adiy ka kiɗar gay bal ibinin̰ji. Ŋa ɓaaw goye iŋ geen̰ji ku meen̰ji, kar geen̰ji gay bal obin̰ji. Kar ɗo gee kuuk obga ho kuuk aamin iŋ siŋji, ŋa berco botol taat ŋuu gine koogin ku Buŋdi. Ŋuu gine kooginay-ak, asaan Buŋ kat bercog wee ka marbinto. Wee ŋaar-ak wala isgig iŋ niyin ta gemor, wala iŋ pikirre ta gemor.
Gem kaak ŋu koliy Kaaw-ak gintu gemo ho ŋa astu goye iŋ ginte. Gi talit *darjiney taat ŋa gastu min Tacco Buŋ. Darjiney-at, taar ko ta Roŋji ka daŋgiro. Iŋ barkiney, ŋa elgiy gee ho ŋa gaariico seen ta Buŋdi.
Yaaya gay, ŋaar kaaw biy. Ŋa kaawtu raɗa aman : « Taloŋ ! Aŋ ko gem kaak nu kaawiiko awalle aman : ‟ Gin gem rakki kaak yaa ase ɗo aaror, kar gay, ŋa ogirdu. Asaan min nu bal ase misan di, ŋaar goy ko. ” »
Paa ko, iŋ selliŋkuwiy-at, ŋa barkiyiite dakina, okinte ŋa barkiyaateŋ di gaay iŋ gaayo. Awalle Buŋ berteŋ *gaanuun min ɗo pise ka Muusa. Kar barkin iŋ seen gay, Buŋ berteŋgu iŋ ase ka Iisa Masi. Ginno waan kaak talig Buŋ. Illa Roŋji ka daŋgiro, ŋaar kaak goy sawa iŋ Buŋ-ak di, gaarteŋga.


Ƴiriy rakki, agindaw ku Yuudinnar kuuk goy Zeruzaleem n̰aamtu gay satkiner iŋ gee ku min baaco tan̰ *Lebi a ŋuu gasin̰ Yaaya. Min ŋu gasga, ŋu indiig aman : « Kiŋ waa ? » Ŋaar gay balco cigile maanna. Ŋa telkiico aman : « Nun-aŋ Masiɗo. » Ŋuur gay indiig pey aman : « Di kiŋ ke waa ? Wal kiŋ ko *Eli ? » Yaaya gay telkiico aman : « Ha’a ! Nun Eliɗo. » Ŋu indiig pey aman : « Di wal kiŋ ko nabiin̰ce kaak ŋu kaawtu biy ɗo Kitamner-aka ? » Ŋaar gay telkiico aman : « Ha’a ! Ŋa nunno. » Kar ŋuur gay ɗiyiiji aman : « Di kiŋ waa ? Ki kaawa maa ɗo bi kan̰jiŋ ? Asaan ni raka niico yeepe kaaw ɗo ŋuur kuuk n̰aaminti. » Yaaya telkiico aman : « Nun ko gem kaak nabi Ezaayi kaawtu biy aman : ‟ Gin gem rakki koola ɗo kalaaner a *Rabbinte asaw. Ucoŋ, siyon̰ji botol ɗalaŋ. ” »
Min gee kuuk ŋu n̰aamtu ɗo Yaaya, goy oki gee kuuk ŋu koliy *Pariziyenna. Ŋu indiig aman : « Di ya kiŋ kat Masiɗo, wala ki Eliɗo, wala ki nabiin̰ceɗo kaak ŋu kaawtu biy ɗo Kitamner-ak, maa di ki *batiziyiy gee ? » Yaaya telkiico aman : « Nun-aŋ batiziya gee iŋ amay di. Kar gem rakki goy ɗo ɗatikko kaak ku ibingigɗo. Gem-ak yaa ase ɗo aaror, kar gay, nun bal nece kaak naa one, naa sorin̰ n̰ugiray. » Maanna-ak kuuniy ɗo wer kaak Yaaya batiziyiy gee, ɗo geeger ka Betani, aar barrer kaak ŋu koliy Zurdan.

Ka kawtinti, Yaaya taliig Iisa asaaji. Ɗo bi kan̰ji, ŋa ɗiytu aman : « Taloŋ, aŋ ko *Roŋ tamgi ka Buŋdi, ŋaar sooya zunuubinna ku geemir. Ɗo bi kan̰ji ko, nu ɗiytu aman : ‟ Goy gem rakki kaak yaa ase ɗo aaror, kar gay, ŋaar ogirdu. Asaan min nu bal ase misan di, ŋaar goy ko. ” Awalle, nunu oki ibingigɗo. Kar diŋ gay, nun as *batiziye gee iŋ amay a naa gaarin̰ji ɗo gee ku Israyeel. »
Ɗo bi ka Iisa Masi, Yaaya kaawtu pey aman : « Nu tal Ruwwin ta Buŋdi paayiiji ɗo Iisa ar ammaama ho ta goyiiji. Awalle nun ibingigɗo oki, kar gay, Buŋ kaak n̰aamintu a naa batiziye gee iŋ amay kat kaawdu aman : ‟ Ki asa tale gem rakki, Ruwwin ta Buŋdi yaaji paaye ho taaji goye. Gem ŋaar-ak ko asa batiziye gee iŋ Ruwwin ta Buŋdi. ” Nun talig maanna-ak iŋ odinar ho nu kaawaako ka seener, gem-aŋ, ŋaar Roŋ ka Buŋdi. »

Ka kawtinti, Yaaya-Batist goy pey ɗo wer-ak iŋ maajirnay seera. Ɗo wiktin taat ŋa taliig Iisa biraw, ŋa kaawtu aman : « Taloŋ, aŋ ko *Roŋ tamgi ka Buŋdi ! » Maajirnay ku Yaaya ku seer-ak dorit kaawoy taat ŋa kaawtu-ata ho ŋu teestu aaɗin̰ Iisa. Iisa kolsitu ho ŋa tala ŋu aaɗaaga. Ŋa indiig aman : « Ku aaɗiin gay ku bariya maa ? » Ŋuur gay ɗiyiiji aman : « *Rabbine, kiŋ goy momo ? » (Siŋ ku Rabbin-ak ɗiya a « Tatkaw ».) Ŋaar gay telkiico aman : « Asoŋ tala. » Hiyya, ŋu daktu tal wer ka ŋa goyiyo. Wiktin taar-at yaa neceŋ ko pat pooɗ ta maako. Hiyya, ŋu eeltu iŋ ŋaara.
Min gee seer kuuk doriit kaaw ta Yaaya ho aaɗiig Iisa-ak, Andre siŋji ka Simon Piyer sa goya. Ŋa uctu dakiig gas siŋji Simon ho ŋa miniig aman : « Ni gasig *Masi. » (Siŋ ku Masi-ak ɗiya a « Ŋaar kaak Buŋ doɓtu. ») Kar ŋa iyiijig Simon ɗo Iisa. Iisa taliig ƴalaaŋ kar ŋa ɗiyiiji aman : « Kiŋke Simon, roŋ ka Yaaya. Min ƴiriyta-aŋ gee yaan̰ koleŋ ko Sepaas. » (Siŋ ku Sepaas-ak ɗiya a « Piyer ».)
Ka kawtinti, Iisa ictu niyin taat ŋaa ɓaawe ɗo kiɗ ka Galile. Ɗo botildi, ŋa ŋaamtu iŋ gem rakki siŋji Pilip kaak min Betsayda, werco kan̰ Andre iŋ Piyer. Iisa ɗiyiiji ɗo Pilip aman : « Aaɗnu ! » Kar Pilip gay ɓaa tale gem rakki siŋji Natanayeel. Pilip ɗiyiiji ɗo Natanayeel aman : « Ni gasig gem kaak ŋu kaawtu biy ɗo Kitamner, ɗo *gaanuun ka Muusa ho ɗo makaatamna ku nabiinnar oki. Ŋa Iisa roŋji ka Yuusup min geeger ka Nazareet. » Kar Natanayeel gay ɗiyiiji aman : « Has min Nazareet kat amilgiy maan ka samaane ? » Pilip gay telkiiji aman : « Asu, ki ɓaa tale. »
Min Iisa taliig Natanayeel gaayji ko ote-ak, ŋa kaawtu ɗo biy kan̰ji aman : « Taloŋ ! Aŋ kat gem ka Israyeel kaak taɓ. Ŋaar-aŋ, yoo raadin rakki oki, amilaaɗo minniney. » Natanayeel gay indiig aman : « Maman ki ibinginu ? » Iisa telkiiji aman : « Ɗo wiktin taat Pilip gasin̰ciŋ ɗo baat ta buguwar-ak di, nun talin̰ciŋ ko. » Min pa-ak, Natanayeel kaawtu aman : « Gem kol Rabbiney, nu iban kadar kiŋ kat Roŋ ka Buŋdi, Sultan ka Israyeel ! » Iisa telkiiji aman : « Nu kaawaajiŋ ja a nu talin̰ciŋ ɗo baat ta buguwar-ata, ampaa ɗoo wal ki aamintu kadar nu Roŋ ka Buŋdi ? Hadi ki asa tale misa gamin kuuk ajbay pa-ak ŋuur-aŋku. Cokiyoŋ, naako kaawe seene. Ku asa tale samaan yaa pile waakilak ho *ɗubal ku Buŋdi yaa paayguwe ho ŋuu cokguwe, ŋuu birguwe min ɗo werir, nun *Roŋ gemor. »

Poslouchat Yaaya 1