Chindau: Bhaibheri Rakachena muChindau Bible

Bhaibheri Rakachena muChindau

<div class="version vid1694 iso6393ndc" data-vid="1694" data-iso6393="ndc">
 <div class="book bkJHN">
 <div class="chapter ch10" data-usfm="JHN.10">
 <div class="label">10</div><div class="s">Muedzaniso woMuushi</div><div class="p"> 1&#8220;Ngegwinyiso ndinoti kwomuri, uwo usikapindi ngepamusiwo mudanga remakwai, asi echipinda ngeimweni njira, iye uri mbavha nedzongoni. 2Asi uwo unopinda ngepamusiwo ndiye muushi wemakwai. 3Kwaari murindi womusiwo unobeurira muushi, nemakwai anozwa izwi rake, unodaidza makwai ake ngemazina awo nokuatungamirira kubanze. 4Naapo abudisa ake eshe, unoatungamirira, nemakwai anomuteera, ngokuti anozia izwi rake. 5Aazoteeri mupara, asi anozotiza kubva kwaari, ngokuti aazii izwi romupara.&#8221; 6Jesu wakaereketa uyu muedzaniso kwavari, asi avazi kuzwisisa izvo zvaakaereketa kwavari. </div><div class="s">Jesu Muushi Wakanaka</div><div class="p"> 7Ndizvo Jesu wakaereketazve kwavari echiti, &#8220;Ngegwinyiso ndinoti kwomuri, inini ndiri musiwo wemakwai. 8Veshe vakatanga pamberi pangu imbavha nemadzongoni; asi makwai aazi kuvapurutana. 9Inini ndiri musiwo; kunyazwi ndiani unopinda ndini, unozoponeswa, unozopotera nokubuda, aone kudya. 10Mbavha inouya kwega kuba nokuuraya nokuparadza; inini ndakauya kuti vaone kupona, vakuone kakurutu.</div><div class="p"> 11&#8220;Inini ndiri muushi wakanaka. Muushi wakanaka unoisira pashi kupona kwake ngepamusoro pemakwai. 12Asi uwo unoshanda kuti aone muthuso, asiri muushi akadi, uwo makwai aasiri ake akadi, unoona thika rechiuya, unosiya makwai, unotiza; nethika rinoruma nokuaparadza. 13Unotiza ngokuti unoshandira muthuso, aana ndaa nemakwai. 14Inini ndiri muushi wakanaka, neni ndinoazia angu, naanguwo anondizia. 15Kudai ngezvaanondizia Baba, neniwo ndinovazia Baba, neni ndinoisira kupona kwangu pashi ngendaa yemakwai. 16Ndinawo amweni makwai, asiri eiri danga; nawozve ndinosisira kuti ndiaunze, nawo anozopurutana izwi rangu. Nawo anozoita danga rimwe nomuushi umwe. 17Ngeiyi ndaa Baba vanondida, ngokuti ndinoisira pashi kupona kwangu, kuti ndikutorezve. 18Apana munhu unokutora kubva kwendiri, asi ndinokuisa pashi ngokuda kwangu. Ndine simba rokukuisa pashi, ndine simba rokukutorazve; uyu mupango ndakaupuwa ndiBaba angu.&#8221;</div><div class="p"> 19Kwaiyapozve kuparadzana pakati pevaJudha ngendaa yemazwi aya. 20Vazhinji vavo vakati, &#8220;Une dhimoni, naye waakupenga. Ngenyi mwechimupurutana?&#8221; 21Vamweni vakati, &#8220;Aya mazwi andiopi anoereketwa ngounomuka nedhimoni. Dhimoni ringapembenudza madziso ebofu here?&#8221;</div><div class="s">Jesu Unorambwa ngevaJudha</div><div class="p"> 22Waiya mukuwo wedhiri rokupira Temperi muJerusarema; paiya pachando, 23naJesu wakahamba muTemperi, muBerere raSoromoni. 24Ndizvo vaJudha vakamuunganira, vakati kwaari, &#8220;Unotiita gariremwo metsa riini? Kuti uri Kristu, tironzere pamhene.&#8221; 25Jesu wakavapingura echiti, &#8220;Ndakamuronzera, nemwi amutendi. Mishando yendinoita ngezina raBaba angu, inopupura ndini; 26asi imwimwi amutendi ngokuti amusiri vemakwai angu. 27Makwai angu anozwa izwi rangu, neni ndinoazia, nawo anonditeera; 28ndinoapa kupona kusikaperi, nawo aazofi nariini, zve akuna unoabvuka kubva munyara yangu. 29Baba angu, uwo wakaapa kwendiri, mukuru kwavari veshe, apana naumwe unokona kuabvuka kubva munyara yaBaba. 30Inini naBaba tiriumwe.&#8221;</div><div class="p"> 31VaJudha vakatonherazve mapuwe kuti vamuponde. 32Jesu wakavapingura echiti, &#8220;Ndakamuonisa mishando mizhinji yakanaka inobva kunaBaba. Ngouri kweiyo mishando womunondipondera ngemapuwe?&#8221; 33VaJudha vakamupingura vechiti, &#8220;Atikupondi ngendaa yomushando wakanaka, asi ngendaa yokutuka Mwari; ngokuti iwewe, uri munhu, unodziita Mwari.&#8221; 34Jesu wakavapingura echiti, &#8220;Akuzi kunyorwa here muMipango yenyu kuti, &#8216;Ndakati, muri zvimwari?&#8217; 35Kudai akavadaidza kuti zvimwari, kwavari avo kwarakaguma izwi raMwari, (nezvinyorwa azvingadarikwi), 36munoereketa ngenyi ndiye, uwo waakaemesa Baba nokumutuma munyika kuti, &#8216;Unotuka Mwari,&#8217; ngokuti ndakaronza kuti, &#8216;Inini ndiri Mukororo waMwari?&#8217; 37Kudai ndisikaiti mishando yaBaba angu, musanditenda; 38asi kuti ndechiiita, kunyazwi musikanditendi, tendai mishando, kuti muzie nokuzwisisa kuti Baba vari mukati mwangu neni ndiri mukati mwaBaba.&#8221; 39Ndizvo vakatsvakazve kumubata, asi iye wakapokonyoka kubva munyara dzavo.</div><div class="p"> 40Naye wakaendazve ruseri rweJorodhani kundau iyo yaaibhabhatidzira Johani pakutanga, wakagarapo. 41Vanhu vazhinji vakauya kwaari; navo vakati, &#8220;Johani aazi kuita mioniso, asi zveshe zvaakaronza Johani ngendaa youyu munhu zvine gwinyiso.&#8221; 42Vazhinji vakatenda mwaari apapo.</div>
 </div>
 </div>
</div>

“Ngegwinyiso ndinoti kwomuri, uwo usikapindi ngepamusiwo mudanga remakwai, asi echipinda ngeimweni njira, iye uri mbavha nedzongoni. Asi uwo unopinda ngepamusiwo ndiye muushi wemakwai. Kwaari murindi womusiwo unobeurira muushi, nemakwai anozwa izwi rake, unodaidza makwai ake ngemazina awo nokuatungamirira kubanze. Naapo abudisa ake eshe, unoatungamirira, nemakwai anomuteera, ngokuti anozia izwi rake. Aazoteeri mupara, asi anozotiza kubva kwaari, ngokuti aazii izwi romupara.” Jesu wakaereketa uyu muedzaniso kwavari, asi avazi kuzwisisa izvo zvaakaereketa kwavari.

Ndizvo Jesu wakaereketazve kwavari echiti, “Ngegwinyiso ndinoti kwomuri, inini ndiri musiwo wemakwai. Veshe vakatanga pamberi pangu imbavha nemadzongoni; asi makwai aazi kuvapurutana. Inini ndiri musiwo; kunyazwi ndiani unopinda ndini, unozoponeswa, unozopotera nokubuda, aone kudya. Mbavha inouya kwega kuba nokuuraya nokuparadza; inini ndakauya kuti vaone kupona, vakuone kakurutu.
“Inini ndiri muushi wakanaka. Muushi wakanaka unoisira pashi kupona kwake ngepamusoro pemakwai. Asi uwo unoshanda kuti aone muthuso, asiri muushi akadi, uwo makwai aasiri ake akadi, unoona thika rechiuya, unosiya makwai, unotiza; nethika rinoruma nokuaparadza. Unotiza ngokuti unoshandira muthuso, aana ndaa nemakwai. Inini ndiri muushi wakanaka, neni ndinoazia angu, naanguwo anondizia. Kudai ngezvaanondizia Baba, neniwo ndinovazia Baba, neni ndinoisira kupona kwangu pashi ngendaa yemakwai. Ndinawo amweni makwai, asiri eiri danga; nawozve ndinosisira kuti ndiaunze, nawo anozopurutana izwi rangu. Nawo anozoita danga rimwe nomuushi umwe. Ngeiyi ndaa Baba vanondida, ngokuti ndinoisira pashi kupona kwangu, kuti ndikutorezve. Apana munhu unokutora kubva kwendiri, asi ndinokuisa pashi ngokuda kwangu. Ndine simba rokukuisa pashi, ndine simba rokukutorazve; uyu mupango ndakaupuwa ndiBaba angu.”
Kwaiyapozve kuparadzana pakati pevaJudha ngendaa yemazwi aya. Vazhinji vavo vakati, “Une dhimoni, naye waakupenga. Ngenyi mwechimupurutana?” Vamweni vakati, “Aya mazwi andiopi anoereketwa ngounomuka nedhimoni. Dhimoni ringapembenudza madziso ebofu here?”

Waiya mukuwo wedhiri rokupira Temperi muJerusarema; paiya pachando, naJesu wakahamba muTemperi, muBerere raSoromoni. Ndizvo vaJudha vakamuunganira, vakati kwaari, “Unotiita gariremwo metsa riini? Kuti uri Kristu, tironzere pamhene.” Jesu wakavapingura echiti, “Ndakamuronzera, nemwi amutendi. Mishando yendinoita ngezina raBaba angu, inopupura ndini; asi imwimwi amutendi ngokuti amusiri vemakwai angu. Makwai angu anozwa izwi rangu, neni ndinoazia, nawo anonditeera; ndinoapa kupona kusikaperi, nawo aazofi nariini, zve akuna unoabvuka kubva munyara yangu. Baba angu, uwo wakaapa kwendiri, mukuru kwavari veshe, apana naumwe unokona kuabvuka kubva munyara yaBaba. Inini naBaba tiriumwe.”
VaJudha vakatonherazve mapuwe kuti vamuponde. Jesu wakavapingura echiti, “Ndakamuonisa mishando mizhinji yakanaka inobva kunaBaba. Ngouri kweiyo mishando womunondipondera ngemapuwe?” VaJudha vakamupingura vechiti, “Atikupondi ngendaa yomushando wakanaka, asi ngendaa yokutuka Mwari; ngokuti iwewe, uri munhu, unodziita Mwari.” Jesu wakavapingura echiti, “Akuzi kunyorwa here muMipango yenyu kuti, ‘Ndakati, muri zvimwari?’ Kudai akavadaidza kuti zvimwari, kwavari avo kwarakaguma izwi raMwari, (nezvinyorwa azvingadarikwi), munoereketa ngenyi ndiye, uwo waakaemesa Baba nokumutuma munyika kuti, ‘Unotuka Mwari,’ ngokuti ndakaronza kuti, ‘Inini ndiri Mukororo waMwari?’ Kudai ndisikaiti mishando yaBaba angu, musanditenda; asi kuti ndechiiita, kunyazwi musikanditendi, tendai mishando, kuti muzie nokuzwisisa kuti Baba vari mukati mwangu neni ndiri mukati mwaBaba.” Ndizvo vakatsvakazve kumubata, asi iye wakapokonyoka kubva munyara dzavo.
Naye wakaendazve ruseri rweJorodhani kundau iyo yaaibhabhatidzira Johani pakutanga, wakagarapo. Vanhu vazhinji vakauya kwaari; navo vakati, “Johani aazi kuita mioniso, asi zveshe zvaakaronza Johani ngendaa youyu munhu zvine gwinyiso.” Vazhinji vakatenda mwaari apapo.

Poslouchat Joh. 10