<div class="version vid1045 iso6393heg" data-vid="1045" data-iso6393="heg">
 <div class="book bkGEN">
 <div class="chapter ch6" data-usfm="GEN.6">
 <div class="label">6</div><div class="s">Atuli li in daat ta</div><div class="p"> 1Dedeng na, atuli li mamo taplaeng. Hidim oen nuil his-hoeng lako pes ola-ola, se papmes apan-kloma kia. Oen kon hua nal ana-aan bihata mamo. 2Ama Lamtua anan biklobe las#6:2: Dais man noan, &#8216;Ama Lamtua anan biklobe las,&#8217; na taan parsis lo. Muik atuil in tana deeh tek noan, na lahi las anan nas. Muik teng tek noan, oen nam mo deng atuil lo. Muik teng pait man nangan noan, Ama Lamtua ima-ii deng sorga. Mo muik in taan parsis lo. ngat atuli li anan bihata las leko-leko sii. Kon oen laok saap nol tana-bihaat man oen in koma ngas. 3Kon AMA LAMTUA tek noan, &#8220;Auk kaeng son nol atuli li in nuil le taan tula-peke lo nia. Auk Koo man bel oen le nulis sa, tade le beles in nuli napiut lo son.#6:3: Dais Ibranin in se nia ki dulan nol langa isi lo. Oen musti mates. Tiata mam oen suma nulis pes taun ngatus buk dua siis.&#8221;</div><div class="p"> 4Deng oras na, nol oras in mudi-muid apang nas, muik atuil man apa ka tene nol lapa isi se apan-kloma kia.#6:4: Dais Ibranin noan &#8216;atuil Nefil las&#8217;. Mo nahin na langa isi lo nabale. Dedeng Ama Lamtua anan biklobe las saap nol atuli li anan bihata las sa, oen hua atuli-atuil in muun-tes. Nas tulu-tulu in hote-dati man ngalan nas lail se dehet hmunan hesa kua ngas.</div><div class="p"> 5Dedeng na, AMA LAMTUA net atuli-atuil in se apan-kloma kia ngas in daek dadaat lai-lisin na son. Oen dalen nas suma taan in nangan daat si-sii. 6Kon Ama Lamtua sabail apa, undeng Un koet nal oen son, le daad se apan-kloma kia. Ni man tao Ama Lamtua dalen iil isi. 7Undeng na le Un aa noan, &#8220;Nini ela lam, Auk tao didaan atuli lia, man Auk koet nalas son se apan-kloma kia. Kee-tilu kas nol hmukit tenga las kon Auk tao dudus totoang. Ta Auk sabail apa ngi nol in koet one son.&#8221; 8Mo suma Noh sii, man tao AMA LAMTUA dalen kolo'.</div><div class="s">Dehet deng Noh</div><div class="p"> 9-10Noh dehet ta elia: Un anan biklobe las at tilu, ngalans Sem, Yafet nol Ham. Noh nam nuil lolo, un daek dadaat net lo. Dedeng na, suma un sii man banan. Un nuli dani nol Ama Lamtua Allah.</div><div class="p"> 11-12Mo Ama Lamtua Allah ngat totoang atuil tenga las sam, daat totoang. Se ola-ol tuun kon, atuli li lalan in nuli ka daat lai-lisin son. Ama Lamtua Allah ngat atuil in se apan-kloma ki ngias sam, suma muik in daat sii. 13Kon Ama Lamtua Allah tek Noh noan, &#8220;Se ola-ola lam, Auk suma ngat net atuli li in daat ta tuun. Tiata Auk nutus son noan, Auk le tao didaa apan-kloma ki totoang nol un isin nas beas bakun. 14Tiata elia Noh! Nol ni kon, ku daek kapal tene mesa nini kai telas. Se kapal la dale, ku daek kamar-kamar. Hidim muang kapal la likun na, nini ter. 15Ku daek kapal na blatas sa, meter 133, blehan na meter buk dua beas dua, nol un lapa ka meter hngul tilu. 16Tapa tihi laok se kapal la dapa. Mo bel tihi la, puti lail-liis steng meter deng tembok ka. Ku bating kapal la, daid hnoden tilu. Hidim tao hnita mes se kapal la blapas sa.</div><div class="p"> 17Nangan babanan ne! Mam Auk niung ui in baa tene deng dapa kua, le tao tele totoang in nuil se apan-kloma kia ngas, le didiin muik in lisi lo. 18Mo Auk le but in hida nol ku. Eta mam ku taam lako kapal la lam, leo-leo nol ku sapam ma, ku anam mas, nol ku nalem mas.</div><div class="p"> 19-20Ku musti laok kat hmukit apa mesa-mesa, deng hmukit tas totoang, le nol tamang lakos se kapal la dalen, halin nam oen nulis leo-leo nol ku. Kat hmukit in moang, kee-tilu, nol hmukit in lolo ngas, le halin mam oen nulis totoang kon. 21Ku musti kil tamang in kaa bili-ngala laok se kapal la dale, le halin taung mi in kaa, nol taung hmukit tas kon.&#8221;</div><div class="p"> 22Hidi kon Noh daek muid Ama Lamtua Allah in leka ka.</div>
 </div>
 </div>
</div>

Dedeng na, atuli li mamo taplaeng. Hidim oen nuil his-hoeng lako pes ola-ola, se papmes apan-kloma kia. Oen kon hua nal ana-aan bihata mamo. Ama Lamtua anan biklobe las ngat atuli li anan bihata las leko-leko sii. Kon oen laok saap nol tana-bihaat man oen in koma ngas. Kon AMA LAMTUA tek noan, “Auk kaeng son nol atuli li in nuil le taan tula-peke lo nia. Auk Koo man bel oen le nulis sa, tade le beles in nuli napiut lo son. Oen musti mates. Tiata mam oen suma nulis pes taun ngatus buk dua siis.”
Deng oras na, nol oras in mudi-muid apang nas, muik atuil man apa ka tene nol lapa isi se apan-kloma kia. Dedeng Ama Lamtua anan biklobe las saap nol atuli li anan bihata las sa, oen hua atuli-atuil in muun-tes. Nas tulu-tulu in hote-dati man ngalan nas lail se dehet hmunan hesa kua ngas.
Dedeng na, AMA LAMTUA net atuli-atuil in se apan-kloma kia ngas in daek dadaat lai-lisin na son. Oen dalen nas suma taan in nangan daat si-sii. Kon Ama Lamtua sabail apa, undeng Un koet nal oen son, le daad se apan-kloma kia. Ni man tao Ama Lamtua dalen iil isi. Undeng na le Un aa noan, “Nini ela lam, Auk tao didaan atuli lia, man Auk koet nalas son se apan-kloma kia. Kee-tilu kas nol hmukit tenga las kon Auk tao dudus totoang. Ta Auk sabail apa ngi nol in koet one son.” Mo suma Noh sii, man tao AMA LAMTUA dalen kolo'.

Noh dehet ta elia: Un anan biklobe las at tilu, ngalans Sem, Yafet nol Ham. Noh nam nuil lolo, un daek dadaat net lo. Dedeng na, suma un sii man banan. Un nuli dani nol Ama Lamtua Allah.
Mo Ama Lamtua Allah ngat totoang atuil tenga las sam, daat totoang. Se ola-ol tuun kon, atuli li lalan in nuli ka daat lai-lisin son. Ama Lamtua Allah ngat atuil in se apan-kloma ki ngias sam, suma muik in daat sii. Kon Ama Lamtua Allah tek Noh noan, “Se ola-ola lam, Auk suma ngat net atuli li in daat ta tuun. Tiata Auk nutus son noan, Auk le tao didaa apan-kloma ki totoang nol un isin nas beas bakun. Tiata elia Noh! Nol ni kon, ku daek kapal tene mesa nini kai telas. Se kapal la dale, ku daek kamar-kamar. Hidim muang kapal la likun na, nini ter. Ku daek kapal na blatas sa, meter 133, blehan na meter buk dua beas dua, nol un lapa ka meter hngul tilu. Tapa tihi laok se kapal la dapa. Mo bel tihi la, puti lail-liis steng meter deng tembok ka. Ku bating kapal la, daid hnoden tilu. Hidim tao hnita mes se kapal la blapas sa.
Nangan babanan ne! Mam Auk niung ui in baa tene deng dapa kua, le tao tele totoang in nuil se apan-kloma kia ngas, le didiin muik in lisi lo. Mo Auk le but in hida nol ku. Eta mam ku taam lako kapal la lam, leo-leo nol ku sapam ma, ku anam mas, nol ku nalem mas.
Ku musti laok kat hmukit apa mesa-mesa, deng hmukit tas totoang, le nol tamang lakos se kapal la dalen, halin nam oen nulis leo-leo nol ku. Kat hmukit in moang, kee-tilu, nol hmukit in lolo ngas, le halin mam oen nulis totoang kon. Ku musti kil tamang in kaa bili-ngala laok se kapal la dale, le halin taung mi in kaa, nol taung hmukit tas kon.”
Hidi kon Noh daek muid Ama Lamtua Allah in leka ka.

Poslouchat Dehet deng Apan-kloma ki in Dadi ka 6