زەبوورەکان 1:12-7
زەبوورەکان 1:12-7 پەیمانی نوێ و زەبوورەکان بە سۆرانی (PNTZS)
ئه‌ی په‌روه‌ردگار ڕزگارمان بكه، چونكه مرۆڤی خوداناس نه‌ماوه، چونكه له‌نێو ئاده‌میزادا سه‌رڕاست نه‌ماوه. هه‌موو درۆ له‌گه‌ڵ یه‌كتر ده‌كه‌ن، به لێوی ڕیایی و دوو دڵی قسه ده‌كه‌ن. په‌روه‌ردگار هه‌موو لێوه ڕیاییكه‌ره‌كان ده‌بڕێت، هه‌موو ئه‌و زمانانه‌ی به فیزه‌وه ده‌دوێن. ئه‌وانه‌ی ده‌ڵێن: “به زمانی خۆمان زاڵ ده‌بین، لێوی خۆمان له‌گه‌ڵ خۆمانه، كێ هه‌یه ببێت به گه‌وره‌مان؟”. په‌روه‌ردگار ده‌فه‌رمووێت: “له‌به‌ر زۆرلێكرانی هه‌ژاران و ناڵه‌ی كڵۆڵان، ئێستا ڕاده‌په‌ڕم، ئه‌و ئاسووده‌ییه‌یان ده‌ده‌مێ له‌وانه‌ی په‌ستیان ده‌كه‌ن”. فه‌رمووده‌كانی په‌روه‌ردگار بێگه‌ردن، وه‌ک ئه‌و زیوه‌یه له بۆته‌ی گڵین پالێوراو بێت، حه‌وت جار پاڵێوراوه. تۆ ئه‌ی په‌روه‌ردگار ده‌یانپارێزیت. تاهه‌تایه له‌م جۆره مرۆڤانه پاسیان ده‌كه‌یت.
زەبوورەکان 1:12-7 كوردی سۆرانی ستانده‌رد (KSS)
ئەی یەزدان، ڕزگارمان بکە، چونکە کەسی خواناس نەماوە، چونکە لەناو ئادەمیزادان دڵسۆز نەماوە. هەمووان درۆ لەگەڵ یەکتر دەکەن، بە لێوی ڕیایی و دڵی ساختەوە قسە دەکەن. یەزدان هەموو لێوە ڕیاییکەرەکان دەبڕێت، هەموو ئەو زمانانەی بە فیزەوە دەدوێن، ئەوانەی دەڵێن: «بە زمانی خۆمان زاڵ دەبین، بە لێوی خۆمان سەرکەوتوو دەبین. کێ هەیە ببێت بە گەورەمان؟» یەزدان دەڵێت: «لەبەر ستەمکاری لە هەژاران و ناڵەی کڵۆڵان، ئێستا ڕادەپەڕم، ئەو ئاسوودەییەیان دەدەمێ، لەوانەی پەستیان دەکەن.» وتەکانی یەزدان وتەی پاکن، وەک ئەو زیوەیە لە بۆتەی گڵین پاڵێورابێت، حەوت جار پاڵێوراوە. ئەی یەزدان، دەمانپارێزیت و هەتاهەتایە لەم جۆرە کەسانە پاسمان دەکەیت.